MARSITUTU MA HAMU DI ULAON MARBARITA | ASA LAM MARLAS NI ROHA MARBARITA
Mandodo Roha
Ikkon sian nasa roha do mangoloi Debata. (Poda 3:1) I do alana, tikki mangajari ikkon marsitutu do hita mandodo roha ni halak na manangihon hita. Songon dia carana?
Unang ma holan mangajarhon hasittongan hamu tu parsiajar Bibelmuna. Alai urupi ma ibana asa mangulahon naung diparsiajari di ngoluna jala marale-ale tu Jahowa. Urupi ma muse ibana asa mangargai akka prinsip na adong di Bibel na patuduhon holong ni Debata, burju ni rohana, dohot hatigoranna. Manat ma hamu tikki mambahen sukkun-sukkun lao mamboto songon dia do tanggapanna tu naung diparsiajari ibana. Urupi ma ibana lao mamboto aha do manfaatna tu ibana molo diulahon i. Molo diida hamu naung holong roha ni parsiajar Bibelmuna tu Jahowa, lam tamba ma las ni rohamuna.
TONTON MA VIDEO DRAMA MARLAS NI ROHA MAMBAHEN SISEAN—LAM TU DENGGANNA—MANDODO ROHA, DUNG I ALUSI MA SUKKUN-SUKKUN ON:
Boasa disukkun si Nita tu si Tio, “Menurutmu boha do parsiajaratta na di ari Senin i?”
Songon dia do si Nita mangurupi si Tio asa mangattusi molo prinsip ni Bibel i bukti na holong do roha ni Jahowa tu ibana?
Molo boi tadodo roha ni parsiajar Bibelta, gabe taronjar do rohana lam jonok tu Jahowa
Songon dia do si Nita mangurupi si Tio mamboto alasanna boasa ikkon dipatudu ibana holongna tu Debata?