Jalo ma Bantuan sian Jahowa Marhite Tangiang

Jahowa do na mambahen hasittongan tubu di roha ni sasahalak jala na mangurupi ibana asa mangulahon i. (1Kor 3:6-9) Alani i asa marhasil hita tikki marbarita, ikkon porsea do hita tu Jahowa na urupanna do hita dohot halak na taurupi marsiajar Bibel.

Tangiakkon ma halak na diurupi hamu marsiajar Bibel asa diurupi Jahowa nasida toktong martahan tikki adong tantangan. (Plp 1:9, 10) Khusus ma ibana tangiakkon hamu. Pangido ma tondi parbadia lao mangurupi hamu asa boi denggan cara marpikkirmuna dohot tindakanmuna lao mangurupi nasida. (Luk 11:13) Ajari ma nasida songon dia carana martangiang, jala dok ma tu ibana asa dibahen songon i. Tikki rap martangiang hamu manang tikki sahalakmuna martangiang, dokkon ma goarna.

TONTON MA VIDEO DRAMA MARLAS NI ROHA MAMBAHEN SISEAN​—JALO MA PANGURUPION SIAN JAHOWA—​TANGIANG, DUNG I ALUSI MA SUKKUN-SUKKUN ON:

• Aha do tantangan na dihadapi si Nita tikki naeng marsiajar dohot si Tio?

• Songon dia do 1 Korint 3:6 mangurupi si Nita?

• Aha do na diulahon si Nita asa boi dihadapi ibana tantangan i?