HANGOLUAN NI HALAK KRISTEN
Urupan ni Jahowa do Hita Tikki Adong Masalahta
Saleleng ari parpudi on godang do hasusaan na taadopi. Olo do sipata hira na so tolap hita mangadopi i. Alai molo torus tapajonok diritta tu Jahowa, pasti urupanna do hita asa boi mangadopi hasusaan nang pe borat hian i tahilala. (Jes 43:2, 4) Jadi songon dia do caratta pajonokkon diri tu Jahowa tikki adong masalahta?
Martangiang ma. Paboa ma sude na di rohamuna tu Jahowa. Dung i, pasti lehononna do dame ni roha dohot gogo tu hamu.—Plp 4:6, 7; 1Tes 5:17.
Toktong ma marpungu. Ala situasitta saonari on, porlu hian do tapatogu hubungatta tu Jahowa marhite marsiajar Bibel jala bergaul dohot akka dongan. (Heb 10:24, 25) Alani i porlu do hita marpungu. Alai asa boi tahilala manfaat ni na marpungu i, tapersiappon ma bahan parpunguan jala aktif ma hita mangalehon komentar.—Pgk 2:29.
Dohot ma marbarita na uli. Marbarita na uli boi mangurupi hita asa toktong fokus tu akka na positif. Asing ni i, gabe lam jonok ma hubungatta tu akka dongan dohot tu Jahowa.—1Kor 3:5-10.
TONTON MA VIDEO JAKKONON NI JAHOWA DO HAMU, DUNG I ALUSI MA SUKKUN-SUKKUN ON:
Aha do na mambahen si Malu tetap jonok tu Jahowa nang pe adong masalahna?
Songon si Malu, songon dia do ayat di Psalmen 34:18 boi menghibur rohatta tikki adong masalahta?
Songon dia do pengalaman ni si Malu patuduhon lehonon ni Jahowa do ‘gogo na lobi sian gogo ni sahalak jolma’ tu hita?—2Kor 4:7