Cara Mangurupi Akka Donganta na Hona Bencana

Saonari on nga sering terjadi bencana alam. Alani i, dibahen ma denggan pengaturan lao mempersiappon kebutuhan tu akka na hona bencana. Jadi diatur Punguan na Mangaradoti Organisasi ma asa adong Departemen Penanggulangan Bencana di ganup kantor cabang.

Jadi dung diboto akka donganta na karejo di departemen i situasi di daerah na hona bencana i, pittor dihubungi nasida do akka sintua setempat. Tujuanna asa diboto nasida bantuan aha do na porlu dipersiappon. Molo parah hian do situasi ni donganta disi, ditugasson kantor cabang ma akka donganta na gabe perwakilan ni nasida lao mempersiappon bantuan i. Dilului akka donganta i ma akka ise na boi gabe relawan manang akka barang aha na porlu dilehon. Asing ni i, boi do tong dituhor jala dibagihon nasida kebutuhan ni akka donganta na hona bencana i.

Godang do manfaatna molo songon i dibahen pengaturanna. Alana molo berinisiatif sandiri akka donganta mangalehon bantuan, boi do gabe bingung akka relawan i dohot donganta na diurupi, gabe dua hali karejo ma akka relawan i, jala dang denggan be dipakke akka sumbangan i.

Boi do akka donganta na gabe perwakilan kantor cabang i, mambahen keputusan taringot sadia godang hepeng dohot relawan na dihaporluhon. Asing ni i, boi do tong dipangido nasida bantuan sian pejabat setempat asa boi hatop sahat akka bantuan na ro. Jadi unang ma berinisiatif hamu papunguhon hepeng, mangirim akka bantuan, manang lao tu daerah na hona bencana i molo so dipangido hamu mangulahon i.

Memang lomo do rohatta mangurupi akka donganta tikki terjadi bencana, ala holong do rohatta tu nasida. (Heb 13:16) Alai, boha ma caratta mangurupi nasida? Tatangiakkon ma akka donganta na hona bencana dohot na mangurupi nasida. Boi do muse talehon sumbanganta tu kotak sumbangan pekerjaan sedunia manang sian situs jw.org. Pos do roha ni Punguan na Mangaradoti Organisasi pasti denggan do kantor cabang mamakke akka sumbangan i. Molo naeng langsung pe hamu dohot mangurupi, isi ma formulir Permohonan Sukarelawan Rancang/​Bangun Setempat (DC-50).

TONTON MA VIDEO BANJIR NA BALGA DI BRASIL, DUNG I ALUSI MA SUKKUN-SUKKUN ON:

Aha do na menarik di hamu taringot cara ni Saksi Jahowa mangalehon bantuan tu akka donganta na hona banjir di Brasil?