Boi do Tabolokkon Sogo ni Roha!

Molo dang hea, mungkin hea do diida hamu halak na marsogo ni roha tu na asing. Alana sering do tabege barita taringot sasahalak na marsogo ni roha tu halak na sian bangso na asing, suku na asing, dohot agama na asing. Asing ni i, molo adong halak na marsogo ni roha tu sada kelompok jala jahat tu halak na sian kelompok i, sering do dang tegas pamaretta menghukum halak sisongon i.

Molo sogo roha ni sasahalak tu halak na asing, biasana alana hea do sogo roha ni halak tu ibana. Dung i balas dendam ma ibana tu halak na asing. Jala balas dendam ma muse halak i tu halak na asing muse. Songon i ma torus marsambung-sambung.

Mungkin hea do dang adil halak tu hamu, manguhumi hamu, mangejek, mangaleai, jala mangancam hamu. Adong do muse na olo sappe mambully, mamukkuli, memperkosa, jala mambunu.

Di majalah on lao dibahas ma sukkun-sukkun on, jala dipaboa ma songon dia carana pasohon sogo ni roha:

• Boasa godang halak na marsogo ni roha tu halak na asing?

• Boha do carana asa dang marsogo ni roha be tu halak na asing?

• Memang boi do dang adong be sogo ni roha di ari na naeng ro?