Boasa Sai Torus Adong Sogo ni Roha i?

Asa taboto alusna, porlu do taboto aha do lapatan ni sogo ni roha i, boasa gabe marsogo ni roha sasahalak tu na asing, jala boasa sappe marsambung-sambung sogo ni roha i tu halak na asing.

Aha do Sogo ni Roha i?

Molo sogo roha ni sasahalak tu halak na asing manang tu sada kelompok, berarti na so lomo do rohana tu halak i manang tu kelompok i. Jala dianggap ibana do nasida musuna, bahkan sappe naeng dibahen ibana do na jahat tu nasida.

BOASA GABE MARSOGO NI ROHA SASAHALAK TU NA ASING?

Godang do na mambahen sasahalak gabe marsogo ni roha tu na asing. Olo do sogo roha ni sasahalak tu sada kelompok, nang pe dang adong diulahon nasida na sala. Mungkin dianggap ibana do nasida jahat, berbahaya, jala dang boi muba. Alani i gabe leas ma rohana tu nasida jala dianggap sai mambahen masalah. Olo do muse gabe marurat sogo ni roha i di roha ni sasahalak, ala hea ibana mengalami kekerasan, ketidakadilan, manang kejadian na asing.

BOASA SAPPE MARSAMBUNG- SAMBUNG SOGO NI ROHA I?

Olo do sogo roha ni sasahalak tu halak na asing nang pe dang hea nasida pajuppang. Misalna olo do negatif pandangan ni sasahalak tu sada suku ala songon i pandangan ni keluargana dohot akka donganna. Jala boi do muse menular pandanganna na negatif i tu halak na asing.

Dung taboto i, gabe taattusi ma boasa godang halak na marsogo ni roha tu na asing. Alai asa boi tabolokkon sogo ni roha i, ikkon taboto do sian dia mula ni sogo ni roha i. Dipaboa ma alusna di Bibel.

SIAN DIA DO MULA NI SOGO NI ROHA I?

Gambar dua panah na membentuk lingkaran, na manggombarhon akka aha do na mambahen sai torus adong sogo ni roha. 1. Informasi na sala sian lingkungan, sosial media, barita. 2. Dang mamboto budaya na asing, suku na asing, agama na asing. 3. Mabiar tu perubahan, kehilangan, ketidakpastian. 4. Sogo ni roha mambahen prasangka, diskriminasi, kekerasan.

DANG SIAN JOLMA. Sibolis do mula ni sogo ni roha i. Mulana malaikat na burju do ibana, alai di pudian ni ari dialo ibana do Debata. Alani i ma didok Bibel, “Pambunu do ibana sian mulana . . . pargabus do ibana jala ama ni gabus.” Berusaha do ibana asa dohot akka jolma marsogo ni roha tu na asing. (Johannes 8:44; 1 Johannes 3:11, 12) Didok Bibel jahat do ibana, parmuruk, jala sai adong sogo ni roha di dirina.—Job 2:7; Pangungkapon 12:9, 12, 17.

SUDE DO JOLMA MEWARISI SOGO NI ROHA. Diihutton si Adam do Sibolis. Akibatna gabe mardosa ma ibana jala dang sempurna be. (Rom 5:12) Jala diwarishon si Adam ma i tu sude keturunanna, contohna tu si Kain. Ala sogo roha ni si Kain tu si Abel, dipamate ibana ma adekna i. (1 Johannes 3:12) Memang adong dope halak na olo patuduhon holong ni roha dohot asi ni roha. Alai ala nungnga mardosa jolma, unggodang do na patuduhon sifat egois, late ni roha, dohot ginjang ni roha. On ma akka sifat na mambahen adong sogo ni roha.—2 Timoteus 3:1-5.

GODANG DO HALAK NA SOGO ROHANA TU HALAK NA BERBEDA SIAN IBANA. Unggodang do halak na so patuduhon asi ni roha, jala kasar do pangalahona dohot pakkataionna. Asing ni i, “di bagasan huaso ni Sibolis do saluhut portibi on”. Alani i gabe godang ma halak na kejam, dang adil tu halak na asing, lomo rohana mangaleai, mambully, jala dang mangargai halak na berbeda sian ibana.—1 Johannes 5:19.

Dang holan mula ni sogo ni roha na dipaboa di Bibel, alai tong do dipaboa jalan keluarna.