2 | “Diurupi na Tarsurat i do Hita . . . asa Margogo”

NA DIDOK BIBEL, “Nasa na tarsurat hian, disurat do i lao mangajari hita asa taboto aha na lao paboaon ni Debata tu hita. Ai diurupi na tarsurat i do hita asa pos rohatta tu janji ni Debata, asa margogo, jala togu manaon sitaonon.”—ROM 15:4.

Lapatan ni Ayat i

Di Bibel adong do akka nasehat na boi patoguhon rohatta jala mangurupi hita asa tetap marpikkiran positif. Asing ni i, adong do tong dipaboa di Bibel janji ni Debata na mandok dang na lao adong be haduan perasaan trauma, arsak ni roha, dohot lungun ni roha.

Manfaat ni Ayat i tu Hita

Hita sude olo do sipata marsak manang lungun rohatta. Alai asing do halak na depresi manang na mengalami kekhawatiran na berlebihan, unjotjot do nasida merasa songon i. Jadi songon dia do Bibel boi patoguhon roha ni nasida?

Godang do nasehat sian Bibel na boi mangurupi hita asa toktong marpikkiran positif. (Pilippi 4:8) Akka nasehat i boi do menghibur hita jala mambahen tenang rohatta. Hasilna, gabe boi ma takendalihon perasaanta.—Psalmen 94:18, 19.
Bibel paposson rohatta na mararga do hita di Jahowa.—Lukas 12:6, 7.
Godang do ayat di Bibel na patuduhon sai didongani Debata do hita jala takkas do diattusi Ibana perasaanta.—Psalmen 34:18; 1 Johannes 3:19, 20.
Adong do disurat di Bibel janji ni Debata na paboahon na lao diapus Ibana do sude trauma na hea taalami. (Jesaya 65:17; Pangungkapon 21:4) Jadi molo sada tikki tertekan hita ala ro tu pikkiranta pengalaman buruk na hea taalami, taingot ma janji ni Debata i asa boi dame tahilala.

Manfaat ni Bibel tu Si Jessica

Depresi Berat na Huhilala

“Tikki marumur 25 taon au, mengalami gangguan mental ma au jala didiagnosa dokter mengalami depresi berat. Sai torus do ro tu pikkiranku pengalaman buruk na hea huhilala. Dipaboa dokter ma tu au, alani pengalaman buruk na hea hualami i do na mambahen au depresi berat. Alani i disuru dokter ma au mangallang ubat. Asing ni, porlu do ninna dokter au diterapi asa boi hupadenggan cara marpikkirhu na sala.”

Manfaat ni Bibel na Hurasahon

“Hea ma marsak hian huhilala. Alani i gabe khawatir berlebihan ma au, mengalami serangan panik, jala insomnia. Hampir tiap borngin, sai taringot do au tu pengalaman buruk na hea huhilala jala maol hian do hukendalihon pikkiranku. Alai pos do rohakku pasti diapuli jala diurupi Debata do au asa dang merasa khawatir be songon na didok di Psalmen 94:19. Alani i sai hubahen do Bibel dohot catatanku na marisi akka ayat di labbung ni podomanku. Jadi molo dang boi au modom, hujaha ma i. Ujungna, gabe tenang ma pikkiranku.

“Akka nasehat sian Bibel, boi do mangurupi au mambolokkon pikkiran na negatif. Najolo, sering do hudok di rohakku dang mararga au, dang marguna, jala dang adong na makkaholongi au. Alai dung huparsiajari Bibel, gabe huboto ma sala do cara marpikkirhu. Holong do hape roha ni Debata tu hita masing-masing. Alana Bapak na parholong jala parasi roha do Ibana. Dung huboto songon i, gabe boi ma hukendalihon pikkiranku jala berupaya do au maniru cara pandang ni Debata lao menilai dirikku sandiri. I ma na sai huingot asa unang sai hudok di rohakku na so mararga au.

“Tarpaima do au, sada tikki dang huingot be pengalaman buruk na hea hualami jala dang marpikkiran negatif be au. Pos do rohakku tu janji ni Debata na mandok, haduan dang adong be halak na mengalami gangguan mental. Janji ni Debata i ma na mangurupi au asa berjuang mangalo sahitton.”