3 | Marsiajar ma sian Akka Contoh di Bibel

DIDOK DO DI BIBEL . . . “Dos do pakkilalaatta” songon pakkilalaan ni akka halak na disurat di Bibel.—JAKOBUS 5:17.

Lapatan ni Ayat i

Adong do disurat di Bibel pengalaman ni akka halak na hea marmetmet ni roha, na mandele, jala na tertekan. Molo tajaha akka pengalaman ni nasida i, boi do ra dapotta pengalaman na sarupa songon pengalamanta.

Manfaat ni Ayat i tu Hita

Las do rohatta molo taboto adong na mangattusi perasaanta. Porlu hian do adong halak na mangattusi perasaanta, tarlumobi molo mengalami gangguan mental hita. Jadi molo tajaha pengalaman ni akka halak na disurat di Bibel, boi ma taboto adong do hape halak na sarupa pengalamanna songon hita. Dung i gabe taboto ma, dang holan hita hape na mengalami gangguan mental. Jala dang holan sahalakta na berjuang mangalo sahit i.

Di Bibel godang do disurat pengalaman ni akka halak na hea merasa kecewa jala mandele. Hea do hamu merasa putus asa? Hea do songon i dirasahon si Musa, si Elia, dohot si Daud.—4 Musa 11:14; 1 Raja-Raja 19:4; Psalmen 55:4.
Di Bibel dipaboa do taringot sahalak borua na margoar si Hanna. “Lungun hian” do dihilala ibana ala dang boi ibana margelleng jala sai direhe-rehei imbangna do ibana alani i.—1 Samuel 1:6, 10.
Dipaboa do tong di Bibel taringot sahalak bawa na terkenal na margoar si Job. Togu do haporseaon ni si Job. Nang pe songon i, hea do ibana marsak hian alani sitaononna jala sappe didok ibana ma, “Magigi do au tu ngolukkon, dang olo be au mangolu.”—Job 7:16.

Molo tajaha pengalaman ni nasida, gabe taboto ma boha do cara ni nasida mengatasi perasaan negatif sisongon i. Dung i gabe taronjar ma rohatta lao maniru pengalaman ni nasida i.

Manfaat ni Bibel tu Si Kevin

Gangguan Bipolar na Huhilala

“Tikki naeng marumur 50 taon au, didiagnosa dokter ma au mengalami gangguan bipolar. Hatop do berubah perasaanku. Olo do sipata hira na boi huatasi masalah manang aha pe. Alai satokkin i, boi do toppu au gabe mandele.”

Manfaat ni Bibel na Hurasahon

“Adong do pengalaman ni sasahalak na disurat di Bibel na patoguhon rohakku, i ma Apostel Petrus. Hea do ibana merasa dang mararga ala hea ibana mambahen na sala. Jadi asa unang sai songon i pikkiranna, olo do ibana mangalului bantuan tu akka halak na parduli tu ibana. Songon si Petrus i do au. Sering do au merasa dang mararga alani hahurangakku dohot alani gangguan bipolarhu. Jadi hutiru do cara ni si Petrus. Hulului do bantuan sian akka donganku jala diurupi nasida do au asa unang menyerah.

“Pengalaman na asing na patoguhon rohakku, i ma Raja Daud. Sering do ibana marsak ala godang hian masalahna, jala sai diingot ibana do hasalaan na hea dibahen ibana. Songon i do perasaanku. Sai torus do huingot hasalaakku. Alai gabe dipatogu do rohakku dung hujaha hata ni si Daud na disurat di Psalmen 51. Di ayat 3 na i didok si Daud do, ‘Huboto do hasalaakku, jala sai huingot do dosakku.’ I ma tong na huhilala molo marsak au, jala gabe hudok ma dang mararga au. Jadi asa marpikkiran positif au, martangiang ma au tu Debata. Hudok ma tu Debata songon na didok si Daud di ayat 10, ‘Ale Debata, lehon ma di au roha na ias, jala paimbaru ma rohakku asa togu au jongjong.’ Pos do rohakku holong do roha ni Debata tu au, alana didok si Daud do di ayat 17 na i, ‘Dang dipalao Ho ale Debata, halak na marsak dohot na manolsoli.’

“Jadi molo sai huingot akka pengalaman na disurat di Bibel i dohot akka pasu-pasu naung hujalo sian Debata, gabe lam pos ma rohakku tu janji ni Debata taringot masa depan. Janji ni Debata i ma na mangurupi au asa tetap semangat jala yakin do au pasti terjadi do i.”