Coba ma Jo On

Mangalului Arta na Arga Taringot Akka Parange ni Jahowa

Tikki tajaha Bibel, boi do tabahen riset asa lam taattusi aha na tajaha i. Alai unang ma hita marsiajar Bibel holan lao manambai parbinotoanta. Lomo do rohatta mangalului arta na arga taringot parange ni Jahowa asa lam balga holongta tu Ibana. Alani i tikki manjaha Bibel tasukkun ma diritta, ‘Aha do na diajarhon ayat on taringot Jahowa?’

Misalna boi do dibahen hamu riset taringot akka parange ni Jahowa songon holong, bisuk, adil, dohot huaso. Alai godang nai dope akka sifat ni Jahowa na asing na boi diparsiajari hamu. Didia ma boi dapotmuna akka informasi i?

Di Tudutudu na Dipangke Sitindangi Ni Jahowa Laho Marsiajar, ida ma judul “Debata Jahowa” dung i pillit ma subjudul “Parange ni Jahowa”. Lului ma akka sifat ni Jahowa na adong hubunganna tu na dijaha hamu di Bibel.