SUKKUN-SUKKUN NI AKKA NA POSO
Aha do Manfaat ni Bibel di Au?—Bagian 1: Mamboto Isi ni Bibel
“Nungnga hucoba manjaha Bibel, alai ala tebal hian do Bibel i gabe malas ma au manjaha!”—Briana,15 taon.
Hea do dihilala hamu songon i? Artikel on cocok ma tu hamu!
Boasa ikkon tajaha Bibel?
Didok rohamu bosan do manjaha Bibel. Jala olo do muse didok rohamu molo Bibel i bukku na tebal, hurufna gelleng jala dang adong gambarna. Uttabo do manonton TV dohot film!
Alai pikkirhon ma on: Molo adong dapotmuna peti harta karun naung leleng, lomo do rohamu naeng mamboto aha isina?
Bibel i dos do songon peti harta karun na isina godang akka permata, i ma akka poda na denggan na boi mangurupi hamu asa
Mambahen keputusan na denggan
Denggan dohot natua-tuamuna
Boi mandapot dongan na burju
Unang marsak
Boasa bukku naung leleng on adong manfaatna tu hita saonari? Alana “sian Debata do sude Surat na Badia i”, i ma sumber ni poda na undenggan. (2 Timoteus 3:16)
Bibel i dos do songon peti harta karun na isina godang akka permata, i ma akka poda na denggan
Songon dia do carana hita mulai manjaha Bibel?
Cara na parjolo, i ma manjaha sude isi ni Bibel sappe sae. Molo diulahon hamu songon i, gabe diboto hamu ma aha do isi ni Bibel i. Alai ikkon sian dia do dimulai hamu? Boi ma dimulai hamu:
Manjaha 66 bukku na adong di Bibel, i ma sian sada Musa sahat tu Pangungkapon.
Manjaha Bibel mangihutton waktu peristiwana.
Tips: Lampiran A7 di Terjemahan Dunia Baru marisi daftar urutan akka na masa di ngolu ni Jesus tikki di tano on.
Cara na paduahon, i ma pillit ma kisah na adong di Bibel na adong hubunganna tu masalah na masa tu hita. Contohna:
Lomo do rohamu adong donganmuna na boi dihaporseai? Jaha ma kisah taringot si Jonatan dohot si Daud. (1 Samuel, pasal 18-20) Dung i asa boi ditiru hamu nasida pakke ma lembar kegiatan “Cara Mendapatkan Sahabat yang Loyal”.
Lomo do rohamu asa barani hamu manolak godaan? Jaha ma songon dia si Josep berhasil manolak godaan. (1 Musa, pasal 39) Dung i asa boi hamu maniru si Josep, pakke ma lembar kegiatan “Cara Menolak Godaan . . . Yusuf—Bagian 1” dohot “Tuduhan Palsu Yusuf—Bagian 2”.
Lomo do rohamu mamboto aha gunana martangiang? Jaha ma pengalaman ni si Nehemia. (Nehemia, pasal 2) Dung i, asa boi ditiru hamu si Nehemia pakke ma lembar kegiatan “Allah Menjawab Doanya”.
Tips: Tikki manjaha Bibel hamu, lului ma inganan na tenang asa boi hamu konsentrasi.
Cara na patoluhon, i ma manjaha sada kisah manang psalmen, dung i rimangi ma songon dia carana lao mangulahon i. Dung sae manjaha Bibel, pikkirhon ma on:
Boasa lomo roha ni Jahowa disurat bagian on di Bibel?
Aha do parange dohot tindakan ni Jahowa na diceritahon di bagian on?
Songon dia do au boi mangulahon i?
Tips: Bahen ma target, surat ma tanggal piga hamu mulai manjaha Bibel jala pakke ma Jadwal Panjahaion Bibel sian situs web jw.org