SUKKUN-SUKKUN NI AKKA NA POSO
Aha do Manfaat ni Bibel di Au?—Bagian 2: Manjaha Bibel Boi Mambahen Las Roha
Sahalak na poso na margoar si Will mandok, “Bosan do manjaha Bibel molo holan tajaha sambing.”
Diboto hamu do songon dia carana asa unang bosan hamu manjaha Bibel? Di artikel on dapotmuna ma alusna.
Bahen ma i menarik
Bahen ma songon na dohot hamu di cerita i. Jala coba ma:
Pillit ma sada kisah di Bibel na naeng diparsiajari hamu. Boi do dipillit hamu sada cerita sian Injil Bibel manang sian panjahaion Bibel model drama na adong di jw.org/bbc.
Jaha ma kisahna. Boi do holan hamu sandiri na manjaha, manang rap dohot donganmu manang dohot keluargam. Boi do sahalak na gabe narator jala na asing boi manjaha bagian tokoh na adong di cerita i.
Coba ma akka cara on:
Bahen ma gambar taringot kisah na disi. Boi do dibahen hamu songon komik mamakke gambar na sederhana jala manggambarhon i sesuai dohot urutan ceritana. Bahen ma hatorangan na jeppek jala di ganup gambar surat ma aha do na terjadi di kisah i.
Bahen ma sketsa. Contohna, molo dijaha hamu sada kisah taringot sahalak na poso ni Debata, boi ma disurat hamu akka parangena na denggan dohot akka naung diulahon ibana. Dung i surat ma aha do hubungan ni parangena i dohot na diulahon ibana tu akka pasu-pasu na dijalo ibana.
Bahen ma kisahna i gabe songon sada laporan berita. Laporhon ma kejadianna sian berbagai sudut pandang. Jala bahen ma “wawancara” tu tokoh utama dohot tu saksi mata.
Molo di kisah i adong tokoh na mambahen keputusan na sala, coba ma bayakkon aha do na masa molo dibahen ibana keputusan na denggan. Contohna, pikkirhon ma tikki didok si Petrus dang ditanda ibana Jesus. (Markus 14:66-72) Sasittongna, aha do na ikkon diulahon si Petrus tikki adong tekanan na dihilala ibana?
Molo olo hamu, coba ma bahen hamu cerita drama sian kisah ni Bibel na dijaha hamu. Dung i surat ma aha do parsiajaran na boi dapotmuna sian kisah i.—Rom 15:4.
Bahen ma songon na dohot hamu di cerita i!
Selidiki!
Molo diparrohahon hamu sude na adong dipaboa di sada kisah, boi ma dapotmuna arta na arga. Sipata, sada manang dua hata pe, boi do mambahen kisah i gabe lam takkas.
Contohna, bandikkon ma Mateus 28:7 dohot Markus 16:7.
Boasa ditambahon si Markus perincian na naeng pajuppang Jesus dohot akka siseanna “dohot si Petrus”?
Petunjukna: Dang langsung diida si Markus na masa i, alai sian si Petrus do dapotna informasi i.
Arta na arga: Boasa las roha ni si Petrus dung diboto ibana na naeng pajuppang muse Jesus dohot ibana? (Markus 14:66-72) Aha buktina molo Jesus i ale-ale ni si Petrus? Jala songon dia do hamu boi maniru Jesus jala boi gabe ale-ale na burju?
Molo dibahen hamu do panjahaion Bibelmuna i menarik, jala molo adong dapotmuna akka hal-hal na menarik, gabe lam lomo ma rohamuna manjaha Bibel!