Massai Ngeri do Porang i
Tikki masa porang manang konflik kekerasan di sada daerah, ngeri hian do akibat ni i tu akka tentara dohot warga sipil na adong disi.
AKKA TENTARA
“Bayakkon hamu ma, godang hian huida halak na marmatean manang na lukka parah. Jadi gabe taroktokon do au torus.”—Si Gary, Britania Raya.
“Hea do au hona tembak di tanggurungku dohot di bohikku. Jala godang hian do huida halak na marmatean, termasuk ma akka dakdanak dohot naung matua. Alani porang gabe hira na mardokdos ma huhilala.”—Si Wilmar, Kolombia.
“Molo adong halak na ditembak di jolomuna, pasti tusi do torus pikkiranmuna. Olo do toppu hira na dibege hamu soara ni halak na berteriak dohot na morong-orong. Dang boi dilupahon hamu peristiwa i.”—Si Zafirah, Amerika Serikat.
WARGA SIPIL
“Hurasa dang boi be las rohakku. Mabiar do au mate. Alai umbiar do rohakku molo mate keluargakku dohot donganku.”—Si Oleksandra, Ukraina.
“Ikkon marbaris do hami lao mambuat sipanganon mulai sian jam 2 pagi sahat tu jam 11 borngin. Mabiar hian do hami. Alana boi do hami hona peluru nyasar manang sadihari pe.”—Si Daler, Tajikistan.
“Mate do natua-tuakku alani porang. Gabe yatim piatu ma au saonari jala dang adong be na mangurus au.”—Si Marie, Rwanda.
Nang pe ngeri hian akibat ni porang tu akka halak na dipaboa nakkin, alai saonari boi do dirasahon nasida dame ni roha. Jala pos do roha ni nasida na lao marujung do porang dohot konflik kekerasan di portibi on. Lao dipaboa ma hatorangan ni Bibel taringot i di majalah Joujou Paboahon on.