Akibat ni Porang Dohot Konflik Kekerasan
“Asing ni porang Dunia na paduahon, saonari ma na unggodang masa konflik kekerasan. Hira-Hira saparopat godang ni halak na di portibi on ma akka halak na makkilala akibat ni konflik i.”
Wakil Sekretaris Jenderal Perserikatan Bangsa-Bangsa Amina J. Mohammed, 26 Januari 2023.
Boi do toppu masa porang dohot konflik kekerasan di daerah na aman idaon. Akka halak na dao sian daerah i pe boi do merasahon akibat ni porang i. Jala nang pe nga sae porang, dang boi hatop mago akibatna. Taida ma piga-piga contohna:
Kelaparan. Songon on ma na didok Program Pangan Dunia (WFP), “Porang ma na jotjot mambahen jolma kelaparan. Hira-Hira 70 persen halak na kelaparan na adong di portibi on, i ma akka halak na tinggal di daerah na lagi marporang.”
Gangguan kesehatan fisik dohot mental. Godang do halak na gabe pamarsakhu ala mabiar masa porang di daerah ni nasida. Asing ni i akka halak na tinggal di daerah na lagi marporang pe, godang na mengalami gangguan kesehatan fisik dohot mental. Jala maol do nasida naeng mandapot bantuan medis.
Mengungsi. Komisaris Tinggi Perserikatan Bangsa-Bangsa untuk Pengungsi (UNHCR) paboahon, mulai sian September 2023 lobi sian 114 juta halak di portibi on na ikkon mengungsi. Godangan sian nasida mengungsi alani porang dohot konflik kekerasan.
Kesulitan ekonomi. Godang do masalah ekonomi na masa alani porang. Misalna lam arga ma situhoron. Jala lam susa do akka halak molo dipakke pamaretta biaya kesehatan dohot biaya pendidikan gabe biaya operasi militer. Dung sae porang, godang hian do biaya na ikkon dipakke lao padenggatton akka naung sega.
Kerusakan lingkungan. Gabe susa do akka halak molo sega lingkungan tempat ni nasida tinggal alani porang. Alana molo nga tercemar aek, udara, dohot tano, boi do i mambahen gabe marsahit akka halak. Boi do muse tarlukka manang mate akka halak alani sisa ranjau darat tikki marporang.
Takkas ma, godang do harugian jala godang do na sega alani porang