Pakke ma Gambar Tikki Marsiajar

Godang do gambar na dibahen di publikasitta jala adong do parsiajaran na tadapot sian akka gambar i. Songon dia do akka gambar i boi mangurupi hita tikki marsiajar?

• Molo adong taida sipanganon na tabo, pasti pittor naeng taallang do i. Dos songon i ma, molo diida hamu akka gambar na adong di sada artikel, pasti gabe naeng dijaha hamu ma artikel i. Jadi andorang so manjaha sada artikel, parrohahon ma jo akka gambar na adong disi. Dung i pikkirhon hamu ma, ‘Gambar taringot aha do on?’—Am. 7:​7, 8.

• Tikki dijaha hamu sada artikel, pikkirhon ma boasa dibahen gambar i disi. Molo adong dibahen hatorangan ni gambar, jaha ma i. Pikkirhon ma muse aha do hubungan ni gambar i tu parsiajaran na dibahas dohot tu ngolumuna siganup ari.

• Dung sae dijaha hamu artikel i, ida ma muse akka gambarna lao mangingot parsiajaranna. Dung i, coba ma jo tutup matamuna. Bayakkon ma gambar i jala ingot ma muse parsiajaran na dapotmuna sian i.

• Coba ma ida hamu akka gambar di majalah on. Boi do diingot hamu akka parsiajaran sian gambar i?