Boha do Didok Bibel Taringot Logo ni Ari na Berkepanjangan?

• “Didok negara Cina, taon on ma taon na ‘ummohop’ di negara ni nasida jala on ma logo ni ari na patoluhon na hea masa di negara i.”—The Guardian, 7 September 2022.

• “On ma taon na palimahon logo ni ari masa di akka negara di Tanduk Afrika.”—UN News, 26 Agustus 2022.

• “Lobi sian satonga negara di benua Eropa susa hian alani logo ni ari. On ma logo ni ari na unleleng jala na ummohop na hea masa saleleng 500 taon on.”—BBC News, 23 Agustus 2022.

Godang do na mandok leleng do logo ni ari on, bahkan olo do ummohop muse cuaca. Jadi boi do annon lam tu dengganna cuaca? Aha do na didok Bibel taringot i?

Na didok Bibel taringot logo ni ari

Na didok Bibel taringot situasitta saonari on:

• “Masa ma haraparon . . . di godang inganan.”—Lukas 21:11.

Molo leleng do masa logo ni ari, biasana gabe terjadi ma kelaparan. Nungnga dipaboa hian di Bibel na lao masa ma kelaparan, sahit, dohot hamatean.—Pangungkapon 6:6, 8.

Boasa gabe ummohop cuaca saonari on?

Dipaboa Bibel do alasanna. Didok:

• “Dang marhuaso jolma lao manottuhon lao tudia ibana mangalakka.”—Jeremia 10:23.

Lapatanna, dang na lao boi manang marhasil jolma mamaretta dirina sandiri. Sering do keputusan na dibahen pamaretta justru mambahen cuaca gabe dang denggan dohot mambahen kekeringan.

• Godang ilmuwan na mandok, jolma i sandiri do na mambahen gabe ummohop cuaca di tano on. Alani i, gabe masa ma logo ni ari di godang negara.

• Ala holan naeng mangalului uttung do jolma jala dang marpikkir tikki mambahen keputusan, gabe lam godang ma hau na ditabai, terjadi ma polusi, jala hampir suda ma sumber daya alamta. Akibatna, terjadi ma kekeringan.

Alai didok Bibel adong do harapan.

Boi do gabe lam denggan keadaan ni portibi on?

Didok Bibel, satokkin nai bahenon ni Debata ma jalan keluar lao mengatasi kekeringan. Carana:

1. 1. “Ripassonon [ni Debata] ma halak na manegai tano on.” (Pangungkapon 11:18) Pamateon ni Debata ma satokkin nai halak na jahat dohot na tamak na manegai tano on.—2 Timoteus 3:1, 2.

2. 2. Bahenon ni Debata ma “tano na harsang alani mohop ni ari gabe songon kolam”. (Jesaya 35:1, 6, 7) Saonari gabe sega do tano on alani logo ni ari dohot kekeringan. Alai satokkin nai, bahenon ni Debata ma tano on gabe paradeiso.

3. 3. ‘Diparrohahon Debata ma tano on, dibahen Ibana ma i massai denggan jala subur.’ (Psalmen 65:9) Ala nga dipasu-pasu Debata annon tano on, pasti godang ma sipanganon na tabo jala godang ma aek na ias di tano on.