Debata do na Martanggung Jawab di Hasusaatta?

Na Didok Bibel

Daong! Dang Debata na martanggung jawab di hasusaatta, alana ditoppa Debata pe jolma dang asa susa ngolu ni nasida. Susa pe hita saonari on, ala mangalo do si Adam dohot si Hawa tu Debata. Gabe lomo ni roha ni nasida sandiri do na diulahon nasida. Ala mangalo nasida tu Debata gabe susa ma nasida.

Alai dang holan nasida na susa, dohot do tong hita. Jadi sian on gabe taboto ma, dang Debata na mambahen jolma susa.

Bibel mandok, “Molo masa sitaonon tu sasahalak, unang ma didok ibana, ‘Debata do na manguji au.’ Ai dang boi ujion Debata marhite na jahat jala dang diuji Ibana manang ise pe.” (Jakobus 1:13) Manang ise pe halakna boi do susa, termasuk ma akka halak na dihaholongi Debata.