1. Debata do na Mambahen Hita Susa?

Boasa Rikkot Taboto Alusna

Ala dirippu akka halak sian Debata do hasusaan i, gabe dang olo be nasida manomba Debata.

Pikkirhon ma on

Godang pamimpin agama mangajarhon, Debata do na mambahen hita susa. Contohna didok nasida:

• Molo masa bencana alam sada panguhuman do i sian Debata.

• Molo mate sahalak dakdanak, na dibuat Debata do dakdanak i lao gabe suru-suruanna di surgo.

• Dipaloas Debata do masa porang na mambahen godang halak susa.

Tutu do na didok akka pamimpin agama i taringot Debata? Molo sala do na didok ni akka pamimpin agama i, boi do hita porsea tu nasida?

Na Didok Bibel

Dang Debata na mambahen hita susa.

Molo Debata do na mambahen hita susa, maralo do i tu parange ni Debata. Contohna:

“Ai na tigor do luhut dalanna. . . . Na tigor jala na bonar do Ibana.”​—5 MUSA 32:4.

“Dao ma sian Debata anggo hajahaton, jala dao sian Nasunhinagogo i uhum hageduhon!”​—JOB 34:10.

“Jala ndang olo Nasunhinagogo i papeol uhum hasintongan.”​—JOB 34:12.

Dang lomo roha ni Debata tu agama na mangajarhon na sala taringot Ibana.

Termasuk ma i akka agama na mangajarhon Debata do na mambahen hita susa, dohot agama na mendukung porang dohot kekerasan.

“Sipaotooto do di surirangkon angka panurirang i marhitehite goarhu, ndada ahu marsuru nasida, ndada ahu martona tu nasida, ndada ahu mandok tu nasida; alatan sipaotooto dohot . . . sipaotooto di rohanasida sandiri di surirangkon nasida tu hamu.”​—JEREMIA 14:14.

Dang lomo roha ni Jesus tu agama na munafik.

“Ndang sude halak na mandok tu ahu, ‘Tuan, Tuan,’ masuk tu Harajaon banua ginjang i. Alai holan na mangulahon lomo ni roha ni Damang na di banua ginjang i do. Torop do halak di ari i mandok tu ahu, ‘Tuan, Tuan, nda manurirangi do hami di bagasan goarmu, jala mangusir suru-suruan na jahat di bagasan goarmu, jala mangulahon godang tanda halongangan di bagasan goarmu?’ Alai dohononku ma tu nasida, ‘Ndang hutanda hamu! Laho ma hamu sian lambungkon, hamu siula na jahat!’”—MATEUS 7:21-23.