Songon dia do Carakku Patorakkon Pendirianku Taringot Seks?

Songon dia do sasahalak boi didok perawan?

Sasahalak boi didok perawan, molo dang hea dope ibana mangulahon seks.

Alai seks na dimaksud dison dang holan berhubungan badan. Adong do piga-piga halak na “mangakku perawan” ala dang hea dope berhubungan badan. Hape, nungnga hea nasida mangulahon seks marhite cara na asing.

Sebenarna, sasahalak boi do didok nungnga mangulahon “seks” molo diulahon ibana seks anal, seks oral (merangsang alat kelamin ni sasahalak mamakke dila manang baba), dohot masturbasi (marhite mangosos-osos alat kelaminna sandiri manang alat kelamin ni halak na asing asa terangsang).

Intina: Halak naung mangulahon seks, termasuk seks anal, seks oral, dohot masturbasi, dang boi mandok dirina perawan dope.

Aha do na didok Bibel taringot seks?

Didok di Bibel, holan pasangan suami istri do na boi mangulahon seks. (Poda 5:​18) Jadi, asa boi sasahalak mambahen las roha ni Debata, dang boi ibana mangulahon seks sebelum menikah.​—1 Tessalonik 4:​3-5.

Adong do halak na marpikkir molo pandangan ni Bibel taringot seks i nungnga ketinggalan jaman jala dang cocok be i tu tikkitta saonari. Alai molo taida saonari, godang do halak na cerai, hamil di luar nikah, jala marsahit ala mangulahon seks na so patut. Alani i, dang cocok akka halak di portibi on mangalehon nasehat songon dia asa marpangalaho na denggan!​—1 Johannes 2:​15-​17.

Sebenarna, masuk akal do mangihutton prinsip ni Bibel taringot seks. Pikkirhon ma ilustrasi on: Adong ma sasahalak na mangalehon hepeng tu ho sappulu juta rupiah. Olo do ho manaburhon hepeng i sian ginjang ni jabum asa boi dibuat akka halak na lewat?

Sarupa songon i ma keputusan na ikkon dibahen ho taringot seks. Didok si Sierra na marumur 14 taon, “Ikkon jolo menikah do au asa olo mangulahon seks. Jadi, holan tu suamikku do annon hulehon keperawananku.” Molo si Tammy na marumur 17 taon mandok, “Hadiah na massai arga do seks i. Jadi dang mungkin husalagunahon i.”

Intina: Songon na didok di Bibel, dang boi akka halak na so menikah dope mangulahon seks, jala ikkon toktong do ias pangalahona di jolo ni Debata.​—1 Korint 6:​18; 7:​8, 9.

Boha do molo menurutmu?

• Godang do halak na mandok, dang masuk akkal aturan na didok Bibel jala terlalu kaku. Menurutmu, tutu do songon i?

• Godang do halak na mandok, dang sala mangulahon seks nang pe dang menikah dope, asal ma marsihaholongan nasida. Menurutmu, tutu do songon i?

Dung mamikkirhon dua sukkun-sukkun on, godang do akka na poso na mandok, keputusan na terbaik do asa manjaga keperawanan sebelum menikah. Jala ikkon dijaga do asa toktong ias pangalahona. Dang hea disolsoli nasida keputusanna i manang gabe merasa rugi. Parrohahon ma aha na didok nasida:

• “Las do rohakku ala boi au tetap perawan! Molo dang taulahon seks sebelum menikah, gabe dang marsak be hita, dang marsahit, jala dang gabe susa mamikkiri akka akibatna.”​—Si Emily.

• “Las hian do rohakku ala dang hea huulahon seks sebelum menikah. Jadi dang mungkin hona sahit na menular au.”​—Si Elaine.

• “Adong do dongan sebayakku dohot akka dongan na uttua sian au na menyesal ala nungnga mangulahon seks nasida sebelum menikah. Jadi, dang olo au songon nasida.”​—Si Vera.

• “Godang do huboto akka halak na gabe mandele jala sai manolsoli ala nungnga mangulahon seks sebelum menikah manang jotjot margatti-gatti pasangan. Asi do rohakku mangida nasida.”​—Si Deanne.

Intina: Sebelum ro godaan lao mangulahon seks, ikkon bertekad do ho asa unang mangulahon i sebelum menikah.​—Jakobus 1:​14, 15.

Songon dia do caram lao paboahon tu akka halak na so olo ho mangulahon seks sebelum menikah?

Aha do alusmu molo adong halak na manukkun ho taringot i? Bergantung tu situasina.

“Molo holan sekedar penasaran do, dang olo au mangalusi. Paling holan hudok, ‘Penasaran ho?’, dung i pittor lao ma au.”​—Si Corinne.

“Alai memang adong do piga-piga halak na lomo rohana mambully. Molo naeng mambully do tujuanna manukkun, dang olo au mangalusi.”​—Si David.

Diboto ho do? Tikki direhei Jesus, sipata sip do ibana. Songon i ma cara ni Jesus lao “mangalusi” akka pangarehei.​—Mateus 26:62, 63.

Alai boha do molo lomo roha ni na manukkun i mamboto alusna? Molo diida hamu na porsea do ibana tu isi ni Bibel, boi do dipatudu hamu ayat di 1 Korint 6:​18. Didok do disi, na mangulahon dosa do sasahalak jala mambahen na haccit tu dirina sandiri molo mangulahon seks sebelum menikah.

Ikkon yakin do ho tikki mangalusi nasida, dang soal dipatudu ho ayat sian Bibel manang na dang. Ingot ma, ikkon bangga do ho tu pilihanmi.​—1 Petrus 3:​16.

“Molo percaya diri ho tikki mangalusi nasida, i patuduhon na yakin do ho tu pilihanmi. Dibahen ho pe pilihan sisongon i, ala na yakin do ho i do pilihan na terbaik, dang ala na adong manuru ho.”​—Si Jill.

Intina: Molo nga yakin ho tu keputusanmu taringot seks, pasti boi do ho patorakkon i tu halak na asing. Ra dang songon na dibayakkon ho reaksi ni nasida. Si Melinda na marumur 21 taon mandok, “Dipuji dongan sakarejokku do au ala bertekad asa toktong perawan sebelum menikah. Dang gabe diissaki nasida au. Gariada dipuji nasida do au ala boi mengendalihon diri.”

Saran: Asa lam yakin ho tu keputusanmu taringot seks, download ma lembar kegiatan “Cara Menjelaskan Pendirianmu tentang Seks”. Jala jaha ma bukku Pertanyaan Kaum Muda—Jawaban yang Praktis.

• Pasal 24, Jilid 1 topik na marjudul “Apakah Seks akan Memantapkan Hubungan Kami?”

• Pasal 5, Jilid 2 topik na marjudul “Mengapa Menjaga Keperawanan?”

“Lomo hian rohakku tu hatorangan na adong di dua jilid bukku ‘Pertanyaan Kaum Muda’. Contohna, di Jilid 1 halaman 187 adong gambar na patuduhon kalung na arga alai gratis. Disarupahon ma halak na mangulahon seks sebelum menikah songon kalung i. Gabe dang adong be harga dirim. Jala hatorangan ni gambar di halaman 177 mandok, halak na mangulahon seks sebelum menikah, sarupa ma i songon halak na mambahen lukisan na massai bagak gabe keset kaki. Alai na unlomo rohakku, i ma gambar di Jilid 2 halaman 54. Hatorangan ni gambar i mandok, ‘Mangulahon seks sebelum menikah, sarupa ma i songon na mambukka hadiah na so dilehon dope tu ho.’ Jala sarupa ma i songon na manakko appuna ni halak na asing, i ma halak na lao gabe pasanganmu annon.”​—Si Victoria.