SUKKUN-SUKKUN NI AKKA NA POSO
Penciptaan Manang Evolusi?—Bagian 2: Boasa Dang Boi Pittor Porsea Hita tu Teori Evolusi?
Sian na gelleng porsea do si Alex tu Debata, jala porsea do ibana na adong na manoppa saluhutna. Alai saonari bingung do si Alex, ala didok guru biologina, tutu do teori Evolusi i jala nungnga diteliti akka ilmuwan na boi dihaporseai. Dang olo si Alex didok halak na oto. Didok ibana ma di bagasan rohana, “Molo nungnga diteliti akka ilmuwan na tutu do teori evolusi i, ise ma huroa au gabe mangkritik penelitian ni nasida i?”
Hea do hamu menghadapi situasi na sarupa? Ra saleleng on porsea do hamu tu na didok di Bibel, “Ditoppa Debata ma langit dohot tano.” (1 Musa 1:1) Alai baru-baru on, adong ma halak na mandok tu hamu molo penciptaan i holan dongeng jala teori evolusi do na tutu. Pittor porsea do hamu tu teori i? Manang porlu do jolo dilului hamu hatorangan taringot i?
Dua alasan boasa dang boi pittor porsea hita tu teori evolusi
Dang sarupa kesimpulan na dibahen akka ilmuwan taringot teori evolusi. Nang pe dibahen nasida penelitian saleleng marpulu taon, alai dang boi dope dibahen akka ilmuwan i sada kesimpulan na sarupa.
Pikkirhon ma on: Molo akka ilmuwan pe dang sepakat taringot evolusi hape nungnga ahlina nasida di bidang i, sala do hamu molo gabe ragu tu teori evolusi?—Psalmen 10:4.
Petting do aha na dihaporseai hamu. Didok si Zachary, “Molo tutu do kehidupan i adong secara kebetulan, berarti sia-sia ma ngolutta dohot sude na adong di alam semesta on.” Masuk akkal do na didok si Zachary i. Alana molo tutu do teori evolusi i, berarti dang adong tujuan ni ngolutta. (1 Korint 15:32) Jala molo tutu do adong penciptaan i, boi do tadapot alus ni sukkun-sukkun taringot aha do tujuan ni ngolutta dohot taringot masa depan.—Jeremia 29:11.
Pikkirhon ma on: Dung diboto hamu aha do sasittongna teori evolusi dohot penciptaan i, aha do pengaruhna tu ngolumuna?—Heber 11:1.
Sukkun-sukkun na porlu dipikkirhon
ADONG NA MANDOK: ‘Ala adong do sada ledakan na balga umbahen na adong alam semesta on dohot sude isina.’
Ise manang aha do na mambahen ledakan i?
Dia do na masuk akkal, sude adong secara kebetulan manang adong na manoppa?
ADONG NA MANDOK: ‘Na berevolusi sian binatang do sude akka jolma.’
Molo berevolusi sian binatang do sude jolma, misalna sian kera, boasa ma ummalo jolma sian kera?a
Boasa makhluk hidup na gelleng pe dang adong na sarupa jala unik?b
ADONG NA MANDOK: ‘Tutu do teori evolusi i ala nungnga diteliti.’
Toho do halak na porsea tu teori evolusi i nungnga mambuktihon sandiri na tutu do teori i?
Sadia godang do halak na porsea tu teori evolusi, ala diboto nasida godang halak na malo na porsea tu teori i?
a Adong na mandok, ummalo do jolma sian kera ala umbalga ukkuran ni otak ni jolma sian kera. Alai dang tutu i. Lao mamboto alasanna, jaha ma brosur Asal Mula Kehidupan—Lima Pertanyaan yang Patut Direnungkan, halaman 28.