Toho do Dipakke Debata Evolusi Lao Manoppa Nasa na Adong?

Na didok Bibel

Daong. Bibel mandok ditoppa Debata do jolma, “marragam” jenis ni binatang, dohot marragam suan-suanan. (1 Musa 1:12, 21, 25, 27; Pangungkapon 4:11) Jala pinoppar ni si Adam dohot si Hawa do sude jolma na adong di tano on. (1 Musa 3:20; 4:1) Alai adong do teori na mandok, dipakke Debata do evolusi lao manoppa marragam makhluk hidup, na didok teori evolusi teistik. Hape dang adong songon i didok di Bibel. Alai nang pe songon i, sadalan do isi ni Bibel tu pandapot ni akka ilmuwan na mandok boi do marmaccam jenis ni sada makhluk hidup.a

• Na didok halak taringot cara ni Debata mamakke evolusi

• Sadalan do teori evolusi tu na didok Bibel?

• Boasa boi marragam jenis ni binatang dohot suan-suanan?

Na didok halak taringot cara ni Debata mamakke evolusi

Marasing-asing do pandapot ni akka halak na porsea tu teori “evolusi teistik”. Songon na didok di Encyclopædia Britannica, “Dipakke Debata do seleksi alam lao mangatur sude na adong di alam semesta on.”b

On ma na termasuk teori evolusi teistik i:

• Holan sada do asal mula ni sude makhluk hidup na adong di tano on.

• Boi do berevolusi sada jenis makhluk hidup gabe jenis makhluk hidup na asing, na beda hian sian makhluk hidup na parjolo i. Sipata digoari do on makroevolusi.

• Manang songon dia pe carana, Debata do na mambahen seleksi alam dohot makroevolusi i.

Sadalan do teori evolusi tu na didok Bibel?

Alani teori evolusi teistik i, didok akka halak ma, dang toho sude na disurat di bukku 1 Musa taringot cara ni Debata mambahen nasa na adong. Hape diakkui Jesus do, toho do sude na disurat di bukku 1 Musa i. (1 Musa 1:26, 27; 2:18-24; Mateus 19:4-6) Didok do di Bibel nungnga adong Jesus di surgo sebelum ro ibana tu tano on. Jala diurupi ibana do Debata tikki mambahen “saluhutna”. (Johannes 1:3) Jadi, dang adong tarsurat di Bibel dipakke Debata evolusi lao mambahen nasa na mangolu.

Boasa boi marragam jenis ni binatang dohot suan-suanan?

Dang dipaboa di Bibel sadia godang jenis ni sada makhluk hidup. Ala berkembang biak manang beradaptasi tu lingkungan na baru, boi do gabe marragam jenis ni binatang dohot suan-suanan. Jala dang maralo i tu na didok di Bibel. Alai dang na berevolusi i, holan na beradaptasi do i. Alana dang gabe muba sada jenis makhluk hidup gabe makhluk hidup na baru.