Mangirim Bantuan Nang pe Adong “Soara ni na Marporang dohot Barita taringot tu Akka Parporangan”

Saleleng ari parpudi on, pasti begeotta do “soara ni na marporang dohot barita taringot tu akka parporangan.” (Mateus 24:6) Molo terjadi porang di tempat tinggal ni akka donganta, pasti dilehon organisasi ni Jahowa do bantuan tu nasida. Di Laporan na Terbaru sian Punguan na Mangaradoti Taon 2022 (Bagian 3) dipaboa, bekerja sama do akka donganta di Eropa Timur lao mangalehon bantuan tu akka donganta di Ukraina. Boha do carana mangalehon bantuan tu akka donganta na disi? Boha do perasaan ni akka donganta na manjalo bantuan i?

Akka Aha do na Dihaporluhon? Boha do Carana Makkirim i?

Di tanggal 24 Februari 2022, diserang ma negara Ukraina. Di ari i, pittor disetujui Panitia Koordinator ma asa dilehon bantuan tu akka donganta na disi. Pittor dituhor kantor cabang Ukraina ma akka barang na dihaporluhon jala pittor dibentuk ma 27 Panitia Penanggulangan Bencana na lao makkirim akka barang i.

Asing ni i, dilului akka donganta na sian Kantor Pusat do informasi taringot akka bantuan na lao dilehon tu akka dongan na di Ukraina. Jadi disuru Panitia Koordinator dohot Panitia Penerbitan ma asa bekerja sama Departemen Pembelian Global dohot kantor cabang Polandia dohot Ukraina lao makkirim bantuan i. Tiap ari dibahen Departemen Pembelian Global ma rapat dohot akka donganta na sian Departemen Pembelian, Pengiriman, dohot Hukum na sian kantor cabang Ukraina dohot Polandia, rap dohot sahalak anggota Panitia Cabang Ukraina.

Didok si Jay Swinney na karejo di Departemen Pembelian Global do, “Na parjolo ikkon dilului hami do informasi taringot akka aha do na dihaporluhon nasida, sipanganon na songon dia do na biasa diallang nasida, jala akka aha do barang na biasa dipakke nasida ganup ari. Alai dang holan i. Ikkon dilului hami do tong informasi taringot boha carana asa aman jala hatop makkirim bantuan i tu akka donganta di Ukraina.”

Di tanggal 9 Maret 2022, sae ma dibahen daftar ni akka barang na dihaporluhon. Termasuk ma i makanan kaleng, sereal, boras, kacang-kacangan, sabun, tisu toilet, dohot kebutuhan na asing. Dung dihitung arga ni akka barang-barang i gabe diboto nasida ma, hira-hira 950.000 rupiah ma kebutuhan ni sahalak saleleng sabulan. Adong do marribu akka donganta di Ukraina na makkaporluhon bantuan. Jadi pittor disetujui Panitia Koordinator ma asa dipakke godang hepeng lao manuhor bantuan i. Alai boha ma carana asa aman akka donganta na makkirim bantuan i?

Di tanggal 13 Maret adong ma dua donganta na sian Polandia na olo mencoba makkirim bantuan sian kantor cabang Polandia tu sada gudang di jonok ni Lviv, Ukraina. Piga-piga ari sebelum borhat nasida, nungnga diurus kantor cabang Polandia dohot Ukraina akka surat izin, asa boi donganta i mangalewati batas negara. Jala dibahen nasida do tong tanda di kendaraan ni akka donganta i, asa diboto halak kendaraan pengangkutan bantuan do kendaraan ni nasida i. Bekerja sama do tong kantor cabang Polandia dohot Ukraina rap dohot akka donganta di Ukraina, lao mangalului jalur na ukkatop di negara i. Ala nungnga denggan dibahen persiapanna jala diurupi Jahowa do nasida, ujungna sahat ma bantuan i tu Lviv. Sadari dukkon i boi ma sude bantuan i dipasahat tu Panitia Penanggulangan Bencana. Jala selamat do muse donganta na dua i mulak tu Polandia.

Nang pe marhasil dua donganta i manaruhon bantuan i, alai holan saton do bantuan na boi dikirimhon nasida. Adong 200 ton nai bantuan na ikkon dikirimhon! Jadi boha ma carana asa boi dikirimhon jala hatop dibagihon bantuan nasa i godangna?

“Rade do Rakyatmu Mangurupi”

Sude do Saksi Jahowa di liat portibi on manjaha laporan berita di jw.org taringot akibat ni porang di Ukraina tu akka dongan sahaporseaon ni nasida. Alani i, gabe taronjar ma roha ni nasida naeng mangurupi. Molo dao do nasida tinggal sian Ukraina, olo do nasida mangalehon sumbangan lao mangurupi akka donganna. Alana pos do roha ni nasida pasti denggan do dipakke sumbangan ni nasida i. Alai molo di jonok ni Ukraina do nasida tinggal, olo do nasida mangalehon tikki, gogo, dohot na asing lao mangurupi donganna. Taida ma piga-piga contohna.

Nungnga diparade akka sukarelawan di Polandia marpulu ribu paket bantuan. Jala nungnga dibahen akka dakdanak be kartu dohot gambar na lao dipamasuk tu akka paket i. Songon on ma na didok si Bartosz Kościelniak anggota ni Departemen Pembelian di kantor cabang Polandia, “Najolo sering do hujaha ayat di Psalmen 110:3 na mandok, ‘Rade do rakyatmu mangurupi.’ Alai saonari nungnga huida sandiri toho do na didok di ayat i. Adong do marratus sukarelawan na sai bersemangat lao mangurupi.”

Adong sahalak Saksi Jahowa nappuna perusahaan pengiriman internasional. Olo do ibana mangalehon piga-piga trukna lao dipakke manaruhon bantuan i jala olo do ibana mangalehon bahan bakar ni truk i. Didok ibana, “Molo di au, on ma kesempatanku lao patuduhon holong ni rohakku tu Jahowa dohot tu akka donganta. Las hian do rohakku boi mangurupi.” Asa boi sahat bantuan i tu tujuan, ikkon menyetir ma akka sukarelawan i hira-hira 48.000 kilometer daona jala lobi sian 7.700 liter ma bahan bakar na dipahabis akka truk i!

Ala olo akka donganta i mangurupi, ujungna sahat ma bantuan i 15 ari dukkon percobaan pengiriman na parjolo. Di tanggal 28 Maret sahat ma 100 ton bantuan makanan, obat-obatan, dohot bantuan na asing tu Ukraina! Jala ala godang do sumbangan sian akka donganta, gabe moru ma biaya lao manuhor akka bantuan i. Sahat tu saonari, nungnga lobi sian 190 ton bantuan kemanusiaan na dikirimhon Saksi Jahowa tu Ukraina. Boha do perasaan ni akka donganta na manjalo bantuan i?

“Dang Holan Akka Barang Hape na Dikirim Hamu, Alai Dohot do Holong ni Rohamuna!”

Disi sahat bantuan i tu Lviv, pittor dikirimhon Panitia Penanggulangan Bencana do bantuan i tu akka daerah di Ukraina. Adong do daerah na daona lobi sian 1.300 kilometer sian Lviv. Jadi nang pe pittor dikirimhon Panitia Penanggulangan Bencana bantuan i tu akka donganta, alai dang boi pittor hatop bantuan i dijalo akka donganta.a

Songon on ma na didok si Markus Reinhardt, sahalak anggota Panitia Cabang Ukraina, “Saleleng porang on, godang do akka donganta na boi makkilala holong ni Jahowa. Boi do tong dihilala nasida manfaatna ala diihutton nasida petunjuk na sian organisasi sebelum terjadi porang i. Contohna, nungnga dipaboa organisasi hian tu akka donganta, asa disippan nasida sipanganon dohot siinumon na boi allangon ni nasida saleleng piga-piga minggu. Ala diihutton akka donganta do petunjuk i, gabe adong ma na boi allangon ni nasida sebelum sahat bantuan na sian kantor cabang. Mandok mauliate do hami ala diihutton nasida petunjuk na sian organisasi.” Dipaboa si Reinhardt do tong komentar ni si Anton, sahalak sintua di Kyiv na mandok, “Mandok mauliate do hami ala dilehon organisasi ni Jahowa petunjuk tu hami. Gabe boi ma hami tetap mangolu sahat tu sadari on ala nungnga disediahon hami hian sipanganon, siinumon, dohot radio.”

Boha do perasaan ni akka donganta na manjalo bantuan i? Songon on ma na didok si Mykola dohot si Zinaida na tinggal di Kharkiv, “Las hian do rohanami manjalo bantuan sian hamu. Mauliate ma da tu sipanganon dohot akka ubat na nilehonmuna. Boi do huhilala hami na dihaholongi Jahowa do hami.” Songon on ma na didok si Valentyna na tong tinggal di Kharkiv, “Mulai terjadi porang i, ikkon marjom ma jolma antri lao manuhor kebutuhan siganup ari. Jala sering do dang adong na boi tuhoron ni nasida. Alai diboto Jahowa do situasinami. Dipakke ibana do akka donganta makkirim bantuan tu jabunami. Jala bantuan i pas do tu kebutuhannami! Molo lagi adong masalahta jala hira na so adong jalan keluar tahilala, gabe boi ma tahilala holong ni Jahowa dohot organisasina marhite akka cara na so taduga. Dilehon Jahowa do sude kebutuhannami. Boi ma huhilala hami na parduli hian do Jahowa tu hami.”

Songon ma na didok si Yevhen dohot si Iryna na melarihon diri sian Mariupol, “Mauliate ma tu bantuan na nilehonmuna tu hami na sakeluarga. Pas do i tu kebutuhannami. Tikki hubukka hami bantuan na nilehonmuna, gabe sadar ma hami dang holan akka barang hape na dikirim hamu, alai dohot do holong ni rohamuna!”

Nang pe tabege “soara ni na marporang dohot barita taringot tu akka parporangan”, alai boi do dikirimhon bantuan tu akka donganta. Alani bantuan sian Jahowa dohot sumbangan na nilehonmuna do makana berhasil bantuan i dikirimhon. Misalna sumbangan na dikirimhon marhite situs donate.jw.org. Mauliate godang ma tu kemurahan hatimuna!

Proses na Hatop jala na Aman Tikki Mangirimhon Bantuan i

1. 

   24 Februari 2022: Pittor disetujui Panitia Koordinator ma asa dilehon bantuan tu akka donganta di Ukraina. Gabe boi ma kantor cabang Ukraina mambahen perencanaan lao mangalehon bantuan

2. 

   24 Februari–8 Maret 2022: Pittor dituhor kantor cabang Ukraina ma akka barang na dihaporluhon jala dibentuk nasida ma Panitia Penanggulangan Bencana. Asing ni i, diatur nasida ma asa boi dikirimhon bantuan sian Polandia tu Ukraina

3. 

   9 Maret 2022: Disetujui Panitia Koordinator ma asa dikirimhon bantuan sian Polandia tu Ukraina

4. 

   10–12 Maret 2022: Dibahen ma rencana lao percobaan pengiriman bantuan sian Polandia tu Lviv, Ukraina

5. 

   13 Maret 2022: Dibahen ma percobaan pengiriman bantuan sian Polandia tu Lviv, Ukraina

6. 

   14–16 Maret 2022: Diparade akka sukarelawan Rancang/Bangun Setempat ma paket bantuan na marisi sipanganon dohot akka barang na asing. Di sada balai pertemuan di jonok ni Poznan, Polandia do diparade nasida i sude

7. 

   17 Maret 2022: Opat ari dung percobaan pengiriman bantuan i, dikirimhon ma muse 13 ton paket bantuan tu perbatasan Ukraina

8. 

   21–27 Maret 2022: Diparade ma muse sisa paket bantuan di Polandia, dung i dikirimhon ma i tu Ukraina. Disi sahat bantuan i, pittor dibagihon ma i tu akka donganta

9. 

   28 Maret 2022: Dua puluh ari dukkon disetujui Panitia Koordinator asa dilehon bantuan tu akka donganta di Ukraina, nungnga adong 100 ton bantuan sipanganon, obat-obatan, dohot bantuan na asing na dilehon tu nasida

Sahat tu sadari on, nungnga lobi sian 190 ton bantuan kemanusiaan na dikirimhon Saksi Jahowa tu Ukraina.