Bantuan Kemanusiaan Taon 2022—Akka Donganta Patuduhon Holong

Nungnga dipaboa hian di Bibel di ari parpudi masa ma porang, gempa bumi, sahit di godang inganan, jala masa akka “na parohon biar”. (Lukas 21:10, 11) Saleleng taon dinas 2022,a lam tarida do na benar-benar terjadi na didok di ayat i. Contohna, ala torus dope terjadi porang di Ukraina, berpengaruh do on tu marjuta halak. Godang dope negara di portibi on na berupaya asa kembali muse normal kegiatan ni nasida dukkon pandemi COVID-19. Asing ni i, godang do muse na hona bencana alam, misalna terjadi do gempa bumi di Haiti, angin badai na luar biasa di Amerika Tengah, di Filipina, dohot di Afrika Tenggara. Songon dia do Saksi Jahowa mangurupi akka na hona dampak ni bencana on?

Saleleng taon dinas 2022, adong masa hira-hira 200 bencana. Alani i, dilehon organisasi do bantuan tu akka korban na hona bencana i. Hira-hira 187 miliar rupiah (hira-hira 12 juta dolar AS) ma biaya na dipakke organisasi lao mangurupi nasida. Parrohahon ma songon dia sumbangatta dipakke lao mangurupi akka korban na hona bencana on.

Gempa di Haiti

Tanggal 14 Agustus 2021, terjadi ma gempa na gogona 7,2 magnitudo di Haiti sabola selatan. Adong tolu donganta na mate, dua borua jala sada bawa. Akka na selamat pe porlu do torus diurupi jala dipatogu roha ni nasida. Misalna donganta si Stephane mandok, “Ala godang na mate di tempatnami, adong ma tiap minggu acara pemakaman lobi sian dua bulan.” Donganta na asing na margoar si Éliézer mandok, “Godang do donganta na so adong be jabuna, bajuna, sipatuna, dohot akka kebutuhan dasar na asing. Jala saleleng piga-piga bulan, godang do na mabiar ala sai ro dope gempa susulan.”

Hatop do organisasitta mangalehon bantuan. Misalna, dilehon kantor cabang Haiti do lobi sian 53 ton sipanganon, dilehon do tong tenda, terpal, tempat tidur, dohot charger HP tenaga surya. Asing ni i, saleleng taon dinas 2022, lobi sian 100 jabu na direnovasi jala adong na dibangun muse. Jadi habis do lobi sian 15 miliar rupiah (lobi sian 1 juta dolar AS) hepeng lao mambiayai i.

Mandok mauliate situtu do akka donganta tu bantuan na dijalo nasida. Donganta si Lorette mandok, “Alani gempa i gabe hancur do jabunami dohot usahanami. Dang adong be sipanganonnami. Alai diurupi organisasi ni Jahowa do hami, dilehon do sude na dihaporluhon hami.” Si Micheline mandok, “Alani gempa i hancur do jabunami, gabe dang adong be tempat tinggalhu dohot dua anakku. Holan martangiang ma na boi huulahon, jala ditangihon Jahowa do i marhite organisasina. Saonari, nungnga adong be jabunami. Jadi berupaya do au lao patuduhon na huargai sude na dilehon Jahowa tu au.”

Diparrohahon pemerintah setempat do bantuan na talehon tu akka dongan. Direktur ni balai kota di L’Asile mandok, “Mandok mauliate do au ala hatop do dilehon hamu bantuan. Hupuji do tong hamu ala dihormati hamu do pamaretta. Jala las rohakku mangida hamu na mangalehon bantuan tanpa mengharappon imbalan, alai tulus do hamu mangulahon i alani holongmuna.”

Badai Tropis Ana Manghancurhon Malawi Dohot Mozambik

Tanggal 24 Januari 2022, masa ma Badai Tropis Ana di Mozambik jala bergerak ma badai i tu arah barat menuju Malawi. Alani gogo ni badai i, gabe doras hian ma udan jala kencang hian angin, sappe 100 km per jam ma kecepatanna. Gabe mate ma listrik, hancur jembatan, jala ro ma banjir.

Adong lobi sian 30.000 donganta di Malawi dohot di Mozambik na hona dampak ni badai i. Sahalak donganta na margoar si Charles na mangurupi di penanggulangan bencana mandok, “Tikki huida sitaonon ni donganta i, mago sude na adong di nasida, hancur do perasaanku jala lungun rohakku.” Lam susa do muse situasi ni akka dongan ala lam otik persediaan makanan, jala habis do sude hasil panen diboan banjir. Godang do na hancur jabuna. Jala na paling ngeri muse, mate do istri dohot dua boru ni donganta ala tenggelam nasida tikki tarbalik perahu na lao menyelamatton nasida.

Massai ngeri do badai i. Jam 1.00 borngin, di Nchalo, Malawi, dibege si Sengeredo dohot keluargana ma soara ni aek na massai gogo. Hape nungnga meluap dua sunge. Jadi lao ma nasida maninggalhon jabuna. Keputusan na denggan do na dibahen nasida i, alana dang sadia leleng hancur do jabu ni nasida alani banjir i. Akka barang ni nasida pe hancur do sude jala adong na diboan banjir. Lao ma nasida tu Bale Harajaon, biasana holan 30 menit do nasida mardalan pat tusi. Alai alani banjir i, sappe dua jam ma nasida asa sahat. Alai selamat do nasida nang pe ikkon matonu jala loja.

Hatop do kantor cabang Malawi dohot Mozambik menyediahon bantuan kemanusiaan. Dilehon nasida ma petunjuk tu akka pengawas wilayah dohot akka sintua lao mangalului informasi akka aha na dihaporluhon huhut patoguhon roha ni akka dongan. Piga-piga Panitia Penanggulangan Bencana (PPB) ditugasson lao mengawasi bantuan kemanusiaan, jala hatop do panitia on mangurupi akka dongan. Dilehon nasida do akka sipanganon dohot kebutuhan na asing. Lobi sian 500 juta rupiah (lobi 33.000 dolar AS) biaya na dipakke tu bantuan kemanusiaan jala hampir 5 miliar rupiah (lobi 300.000 dolar AS) ma biaya lao renovasi dohot mambangun jabu.

Denggan do PPB mamakke sumbangan, tarlumobi ala terjadi inflasi tinggi. Contohna, saleleng pitu bulan na parjolo bantuan kemanusiaan i mardalan, nungnga naik arga ni tepung jagung, i ma kebutuhan pokok di Malawi, sappe 70 persen ma naik argana. Bahan bakar pe tong do naik. Asa menghemat pengeluaran, bagian pembelian manuhor bahan makanan dohot bahan bangunan sian daerah setempat, jala pittor godang ma dituhor nasida. Hasilna, gabe dapot ni nasida ma diskon jala dang arga be biaya pengirimanna.

Tersentuh do roha ni akka donganta alani bantuan na dijalo nasida. Contohna, donganta si Felisberto na tinggal di Mozambik mandok, “Dang hea dope huida adong organisasi na mangalehon godang bantuan, misalna bahan bangunan, disediahon transportasi, relawan pembangunan, sipanganon, dohot akka petunjuk na denggan. Bantuan kemanusiaan on ma sada cara lao patuduhon holong tu akka dongan songon na didok Jesus di Johannes 13:34, 35.” Si Ester sahalak janda di Malawi na hancur jabuna mandok, “Sempat do au putus asa ala dang adong hepengku lao mambangun jabu na baru. Alai tikki ro akka dongan jala dibangun jabu di au, las hian ma rohakku. Jala hurasa, hira naung di Paradeiso ma au.”

Lam jonok tano na imbaru na dijanjihon i, lam godang do taida akka bencana. (Mateus 24:7, 8) Alai nang pe songon i, mauliate ma tu sumbangan na dilehon hamu. Alani sumbangan i, gabe boi ma akka donganta mandapot bantuan kemanusiaan. Adong do dipaboa cara lao mangalehon sumbangan di donate.jw.org. Mauliate godang ma di akka sumbanganmuna i.