Membela Kebebasan Beribadat di Daerah na Mampartahatton Adat

Sian marratus juta halak na tinggal di Amerika Latin, adong do marjuta halak na adong bahasana sandiri dohot adatna sandiri. Jala godang do akka Saksi Jahowa na penduduk asli disi na mangargai budaya ni nasida. Jadi lao mangurupi akka halak disi mananda hasittongan sian Bibel, diterjemahon jala dibagihon Saksi Jahowa ma publikasi di lobi sian 130 bahasa daerah di Amerika Latin.a Alai adong do piga-piga sian nasida na mandapot tantangan ala manomba Jahowa jala dang olo be mangihutton akka adat na somal diulahon akka halak na disi na maralo tu na didok Bibel. Jadi songon dia do sumbanganmuna dipakke lao mangurupi nasida?

Mangurupi Asa Boi Mulak Muse tu Hutana

Akka donganta na tinggal di huta ni halak Huichol di pegunungan Jalisco na di Meksiko, dang olo be nasida mangihutton akka ritual keagamaan na maralo tu na didok Bibel.b Alani i, gabe muruk ma akka halak na di huta i tu nasida. Tanggal 4 Desember 2017, adong ma ro sekelompok halak na menyerang Saksi Jahowa, jala diserang do tong akka halak na rap dohot akka donganta i. Diusir do nasida sian huta ni halak Huichol, dihancurhon do barang-barang ni nasida jala diancam do nasida molo mulak muse tu huta i.

Akka saksi na jonok tu huta i, pittor dilehon nasida do akka na porlu tu akka donganta on. Alai aha ma na boi dibahen asa boi nasida muse mulak tu hutana? Sahalak donganta na margoar si Agustín mandok, “Dang cukup hepengnami lao mambayar pengacara jala dang diboto hami ise sukkunon nami na mamboto taringot hukum.”

Dung dilarang akka donganta on beribadat, pittor bertindak do kantor cabang Amerika Tengah. Na parjolo, pittor dipangido nasida ma tu pemerintah setempat asa diselidiki kasus on. Dung i, dapot ni nasida ma persetujuan sian Panitia Kordinator Punguan na Mangaradoti ni Saksi Jahowa asa kerjasama dohot Departemen Hukum di kantor pusat, jala asa diboan kasus ni akka donganta na di Huichol on tu pengadilan. Ujungna sahat ma kasus on tu Mahkamah Agung Negara, i ma pengadilan tinggi di Meksiko.

Dipersiappon tim pengacara internasional ma pandapot na jelas na lao dipatorang nasida, i ma taringot saling menghargai. Dos songon halak na asing molo ro tu sada tempat, ikkon diargai nasida do budaya ni akka halak na tinggal di daerah na mampartahatton adat. Tarlumobi ma sesama halak na tinggal disi. Ikkon diargai nasida jala ikkon dilindungi do kebebasan ni ganup halak na tinggal disi. Alana, sude do halak adong hak asasina manang didia pe ibana tinggal.

Di tanggal 8 Juli 2020, dibahen Mahkamah Agung ma keputusan na denggan tu Saksi Jahowa. Dibahen nasida ma keputusan, sude halak na diusir sian hutana ikkon dipaloas do muse mulak tu hutana. Si Agustín na ceritahon nakking, paboahon songon dia perasaanna dohot akka dongan na asing. Didok nasida, “Mandok mauliate do hami jala las do rohanami tu bantuan ni akka dongan. Molo dang alani na diurupi akka dongan, dang adong manang aha pe na boi diulahon hami.”

“Godang do Bantuan, Hape Holan Saotik do Hami”

Asing ni i akka donganta na di San Juan de Ilumán, sada huta di Ekuador, i ma inganan ni akka penduduk asli di Lembah Otavalo, tong do mandapot tantangan sian akka halak na tinggal disi. Di taon 2014, dapot ijin ma akka donganta on lao mambangun Bale Harajaon. Alai adong ma sahalak pemimpin agama mangajak lobi sian 100 halak lao pasohon pembangunan Bale Harajaon i. Didok akka penduduk na disi ma muse, dang boi akka Saksi Jahowa marpungu.

Rap kerjasama ma departemen hukum di kantor cabang Ekuador dohot kantor pusat lao membela akka na di huria i, ala diorai nasida beribadat. Jadi, diboan akka donganta on ma kasus on tu pengadilan. Dipangido ma asa unang diorai penduduk na disi be akka donganta i beribadat, asa dipaloas nasida marpungu jala asa dipasae mambangun Bale Harajaon i. Alai asa dilindungi hak asasi ni akka donganta on di ari na naeng ro, dipangido perwakilan sian organisasitta ma tu pengadilan tinggi asa dibahen keputusan taringot sukkun-sukkun na penting on: Ikkon dohot do akka halak na tinggal di daerah na mampartahatton adat mangargai hak asasi manusia?

Tanggal 16 Juli 2020, sahat ma kasus on tu Mahkamah Konstitusi di Ekuador, i ma pengadilan tinggi di daerah i. Jadi adong ma akka donganta pengacara na di Ekuador na mewakili huria on, jala ditamba ma muse opat donganta pengacara internasional naung berpengalaman. Alai ala COVID-19, melalui video konferensi ma nasida makkatai sian berbagai negara. On ma parjolo sahali dipaloas sada pengadilan sada tim hukum na mewakili Saksi Jahowa di seluruh dunia, lao mangalehon pandapot ni nasida melalui video konferensi.c Dikutip tim on ma pernyataan sian hukum internasional na mandokkon, molo penduduk asli unang pola mabiar mampartahatton hak asasi ni nasida. Alana, bagian sian penduduk asli na tinggal disi do nasida.

Sabar do akka donganta na di Lembah Otavalo on paimahon keputusan sian Mahkamah Konstitusi. Mandok mauliate do nasida tu akka bantuan na dapot ni nasida. Si César sahalak sintua di huria Ilumán Quichua mandok, “Holan Jahowa dohot organisasina do na olo mangalehon godang bantuan, hape holan saotik do hami.”

Saksi Jahowa do sude akka pengacara na dohot mangurupi kasus on. Jala las do roha ni nasida mambagihon pengetahuan ni nasida taringot hukum, jala dang pola ikkon dibayar. Godang do habis tikki dohot hepeng lao mempersiappon kasus on dohot lao mambahen pernyataan hukum na lao diajuhon di pengadilan. Jadi, habis do 380 jom tikki ni akka donganta na pengacara i dohot akka donganta na asing lao mempersiappon pernyataan hukum. Jala 240 jom ma menerjemahon akka dokumen tu bahasa Meksiko na lao dipakke di kasus on. Hampir 40 pengacara sian marragam negara, mangalehon marratus jom tikki lao pasaehon kasus na di Ekuador on. Jadi, songon dia do caratta lao mangurupi biaya na dipakke lao membela akka donganta on? Carana, pakke hamu ma marragam cara lao mangalehon sumbanganmuna songon na dipaboa di donate.jw.org. Mauliate ma di burju ni rohamuna i.