“Jahowa do na Manottuhon Ise na Monang di Parporangan”

Di taon 1999, didok pamaretta ni Prancis do molo kantor cabangta na adong di Prancis, ikkon mambayar pajak sian akka sumbangan na tajalo sian taon 1993 sahat tu 1996. Nungnga tacoba mambela hakta di pengadilan Prancis, alai dang marhasil. Tacoba muse naik banding, alai tong sarupa hasilna. Ujungna, dibuat pamaretta do opat satonga juta euro sian rekeningta (6.300.000 dolar AS). Holan sada do jalan keluar asa boi mulak muse hepengta i. Ikkon taboan do kasus on tu ECHR. Alai sebelumna, dipangido ECHR i do asa pajuppang hita dohot pengacara sian pamaretta ni Prancis dohot perwakilan sian ECHR. Tujuanna asa taboto do, boi do manang na dang tabahen sada kesepakatan sebelum diboan kasus on tu pengadilan.

Nga boi be dibayakkon hami, na lao dipangido perwakilan sian ECHR i do annon asa dilehon hami hepeng tu pamaretta. Alai takkas do diboto hami, holan sada euro pe dilehon hami nga melanggar prinsip ni Bibel hami disi. Alana sumbangan na dilehon akka donganta i lao mendukung ulaon tu Harajaon ni Debata do, dang na lao tu pamaretta. (Mat. 22:21) Alai tetap do ro hami tu pertemuan i, lao patuduhon na diargai hami do pengaturan na dibahen ECHR i.

Marpungu ma hami di sada ruangan na bagak na adong di Mahkamah i. Tikki i didok perwakilan na sian ECHR i do, ikkon dibayar Saksi Jahowa do deba sian pajak na dipangido pamaretta. Alai diurupi tondi parbadia ni Jahowa do hami lao manukkun tu ibana, “Diboto Ibu do, molo pamaretta ni Prancis nungnga mambuat opat satonga juta euro sian rekeningnami?”

Tarsonggot ma ibana mambege i. Dung diakkui pengacara sian pamaretta ni Prancis na dibuat nasida hepeng sian rekeningta, gabe muba ma pandangan ni perwakilan sian ECHR i taringot kasus i. Gabe dimuruki ibana ma akka pengacara i, jala dipasae ma pertemuan i. Gabe huboto ma, boi do Jahowa mangurupi hita marhite cara na so taduga. Boi do dikendalihon Ibana keadaan asa monang hita di kasus i. Massai las do rohanami dung sae pertemuan i, jala dang dirippu hami boi terjadi sudena i.

Di tanggal 30 Juni 2011, dibahen ECHR ma sada keputusan na mendukung hita. Didok nasida molo aturan manggarar pajak i melanggar hukum do, jala diparettahon nasida do asa dipaulak pamaretta sude hepeng naung dibuat nasida i dohot bungana. Alani keputusan i, gabe boi ma akka donganta di Prancis bebas beribadat tu Jahowa sahat tu saonari. Sukkun-sukkun na toppu ro tu pikkirannami nakkin, sarupa ma i songon batu na dipakke si Daud mambunu si Goliat. Gabe muba ma situasi alani i. Boasa boi monang hita? Ala songon hata ni si Daud tu si Goliat, “Jahowa do na manottuhon ise na monang di parporangan.”—1 Sam. 17:​45-47.

Dang holan sahali on hita monang di kasus hukum. Nang pe berupaya pamaretta dohot akka pamimpin agama lao menekan hita, alai boi do hita monang di 1.225 kasus hukum di pengadilan tertinggi di 70 negara dohot di pengadilan internasional. Ala monang hita di akka kasus i, gabe dapotta ma godang kebebasan. Boi ma hita bebas beribadat tu Jahowa, bebas marbarita na uli, dang dohot tu upacara kenegaraan, jala menolak transfusi darah.

Boasa gabe boi au dohot menangani kasus hukum di Eropa, hape melayani di kantor pusat ni Saksi Jahowa di New York, Amerika Serikat do au?

DIPAGODANG-GODANG NATUA-TUA NA BERSEMANGAT

Bapakku goarna si George, jala omakku goarna si Lucille. Nasida na dua lulusan sian Sikkola Gilead kelas 12. Tikki tubu au taon 1956, melayani di Etiopia do nasida. Dibahen nasida do goarhu si Philip, songon goar ni sahalak parbarita na uli di abad na parjolo. (Ul. 21:8) Di taon na berikutna, diorai pamaretta do ulaonta disi. Nang pe gelleng dope au di tikki i, alai takkas dope huingot sip-sip do keluarganami marpungu. Songon na seru do huhilala di tikki i. Alai ujungna, taon 1960 dipaksa pamaretta ma hami asa lao sian Etiopia.

Pinda ma keluarganami tu Wichita, Kansas, Amerika Serikat. Alai, dang hea moru semangat ni natua-tuanami lao marbarita na uli songon di tikki nasida gabe misionaris. Adong do kakakku goarna si Judy, jala adekku goarna si Leslie. Nasida na dua pe tong do tubu di Etiopia. Sai berupaya do natua-tuanami mangajarhon tu hami asa makkaholongi Jahowa, jala manomba Ibana sian nasa rohanami. Tardidi ma au di umur 13 taon. Tolu taon dukkon i, pinda ma keluarganami tu daerah na membutuhkan di Arequipa, Peru.

Di taon 1974 tikki marumur 18 taon au, ditugasson kantor cabang Peru ma au dohot opat donganta bawa na asing lao melayani gabe perintis istimewa. Ditugasson do hami lao melayani di daerah na so hea dope dikarejohon. Daerah i, adong di puncak ni Pegunungan Andes Tengah. Marbarita do hami tu akka penduduk asli na adong disi, na mamakke bahasa Quechua dohot Aymara. Marmobil do hami marbarita tusi, jala tinggal di mobil i do hami. Digoari hami do mobil i Bahtera, ala hira kotak na balga do bentukna. Las hian do rohakku molo huingot tikki marbarita au disi. Hupatudu do tu nasida janji ni Jahowa di Bibel, satokkin nai dang adong be na pogos, na marsahit, dohot na mate. (Pgk. 21:​3, 4) Godang do halak disi na gabe manomba Jahowa.

MELAYANI DI KANTOR PUSAT

Di taon 1977, ro ma sahalak sian anggota Punguan na Mangaradoti Organisasi Saksi Jahowa na margoar si Albert Schroeder tu Peru. Dijujui donganta on do au asa melayani di Betel di kantor pusat, jala i do na huulahon. Dang leleng dukkon i di tanggal 17 Juni 1977, mulai ma au melayani di Betel Brooklyn. Saleleng opat taon, ditugasson do au di departemen Pembersihan dohot Pemeliharaan.

Di bulan Juni 1978, pajuppang ma au dohot si Elizabeth Avallone di sada parpunguan internasional di New Orleans, Louisiana. Sarupa songon natua-tuakku, natua-tuana pe berupaya do lao manomba Jahowa sian nasa roha. Tikki na pajuppang i au dohot si Elizabeth, nungnga opat taon ibana gabe perintis biasa. Jala lomo do rohana melayani Jahowa sepenuh waktu saleleng ni ngoluna. Torus do hami berkomunikasi. Ujungna jatuh cinta ma hami na dua. Dung i menikah ma hami tanggal 20 Oktober 1979, dukkon i melayani ma hami di Betel.

Huria penugasannami na parjolo, i ma huria Brooklyn Bahasa Spanyol. Massai holong do roha ni akka dongan na adong disi tu hami. Sahat tu sadari on, nungnga melayani hami di tolu huria na berbeda, jala didukung akka dongan na di huria i do hami asa boi denggan melayani di Betel. Mandok mauliate do hami tu dukungan ni nasida, songon i ma tong tu dukungan ni akka dongan dohot keluarga na mangurupi hami lao mangurus natua-tuanami naung lam matua.

TUGASHU DI DEPARTEMEN HUKUM

Tarsonggot do au tikki ditugasson tu Departemen Hukum di Betel di bulan Januari taon 1982. Tolu taon dukkon i dipangido ma au asa kuliah di bagian hukum, asa boi au gabe pengacara. Saleleng na kuliah i gabe huboto ma, boi do dapot ni akka halak di Amerika Serikat dohot di negara na asing godang kebebasan ala monang Saksi Jahowa di piga-piga kasus hukum. Jotjot do akka kasus hukum i dibahas tikki di kelas.

Di taon 1986 tikki marumur 30 taon au, dilantik ma au gabe pengawas ni Departemen Hukum. Las hian do rohakku ala porsea do Betel mangalehon tugas na balga on tu au. Alai husadari do godang dope na so huboto, jala dang tugas na mura on.

Ujungna di taon 1988, gabe pengacara ma au. Alai dang husadari, balga hian do pengaruh ni sikkola na timbo on tu au dohot tu hubungakku tu Jahowa. Sikkola na timbo boi do mambahen hita gabe dang hea merasa puas, jala mambahen hita marpikkir na ussangap do hita sian halak na so timbo sikkolana songon hita. Tuani ma dipaingot jala diurupi si Elizabeth au asa hujaga muse hubungakku tu Jahowa, songon na huulahon sebelum kuliah. Memang porlu do tikki lao mangulahon i. Alai ujungna, gabe solhot ma muse hubungakku tu Jahowa. Husadari ma, dang parbinotoan hape na uppetting di ngolutta. Alai hubungatta tu Jahowa, holong ni rohatta tu Ibana dohot tu akka naposona do na uppetting.

MAMBELA HAKTA LAO MARBARITA NA ULI

Dung sae au kuliah, fokus ma au mangurupi di Departemen Hukum di Betel dohot mambela hakta di pengadilan. Las do rohakku mangulahon karejokkon, alai adong do tong tantanganna. Alana hatop do terjadi perubahan di organisasitta. Contohna, najolo ikkon dilehon do sumbangan tu ganup publikasi na dibuat. Alai mulai sian taon 1991, dipangido do asa dibahen Departemen Hukum petunjuk na baru taringot sumbangan on. Ujungna, dang porlu be Saksi Jahowa mangalehon sumbangan tu ganup publikasi na dibuat. On mambahen gabe moru ma karejo na ikkon diulahon di Betel. Jala, gabe dang maol be akka dongan di lapangan lao mangalehon publikasitta tu akka halak na berminat. Asing ni i, gabe boi ma tahindari akka masalah taringot pajak sahat tu saonari. Piga-piga halak marpikkir, alani perubahan on boi do gabe dang cukkup be hepeng ni organisasitta lao mambahen akka publikasi, jala moru ma annon halak na marsiajar Bibel. Alai justru sebalikna do na terjadi. Mulai sian taon 1990, lobi sian dua hali loppit ma martamba godang ni halak na melayani Jahowa. Jala sahat tu tikki on, gabe boi ma akka halak mandapot hasittongan sian akka publikasitta na gratis. Sian on marsiajar do au, boi pe marhasil sude perubahan na dibahen di organisasitta, alani bantuan ni Jahowa dohot petunjuk sian naposo haposan do.—2 Mus. 15:2; Mat. 24:45.

Boi pe monang hita di akka kasus hukum, dang ala na adong pengacara na jago di organisasitta. Gariada, jotjot do akka hakim dohot pamaretta olo mangurupi hita ala diida nasida pangalaho na denggan na dipatudu Saksi Jahowa. Huingot do sada contoh taon 1998, tikki ro tolu anggota Punguan na Mangaradoti dohot istri ni nasida tu parpunguan istimewa di Kuba. Diida pamaretta do na massai burju nasida jala diargai do halak na asing. Gabe takkas ma diida pamaretta, dang terlibat hita di ulaon politik. Jadi, umbalga do pengaruh ni pangalaho ni nasida na denggan i sian sude na tapaboa tikki dibahen pertemuan dohot pamaretta.

Alai sipata, ikkon taboan do piga-piga kasus hukum tu pengadilan lao mambela hakta marbarita na uli. (Plp. 1:7) Contohna, saleleng marpulu taon dang olo pamaretta ni Eropa dohot Korea Selatan mangakkui na marhak do hita lao menolak dinas militer. Akibatna, gabe dipenjarahon ma hira-hira 18.000 akka donganta bawa di Eropa dohot lobi sian 19.000 akka donganta bawa di Korea Selatan ala dang dohot tu dinas militer, ala maralo tu hati nurani ni nasida.

Alai di tanggal 7 Juli 2011, dibahen ECHR ma keputusan taringot kasus hukum ni Bayatyan v. Armenia, asa dipaloas akka negara di Eropa rakyatna mamillit dinas sipil pengganti lao manggattihon dinas militer, molo maralo i tu haporseaon ni nasida. Jala di tanggal 28 Juni 2018, dibahen Mahkamah Konstitusi Korea Selatan do keputusan na sarupa. Autsugari adong piga-piga donganta na poso di negara i na kompromi, pasti dang mungkin dibahen dua keputusan i.

Kerja keras do Departemen Hukum di kantor pusat dohot na di kantor cabang na adong di liat portibi on lao mambela hakta beribadat tu Jahowa dohot marbarita na uli. Sada hasangapon do di hami ala boi mambela akka donganta tikki mandapot tantangan sian pamaretta. Nang pe dang monang hita di pengadilan, alai nungnga talehon kesaksian tu akka gubernur, tu akka raja, dohot tu akka bangso. (Mat. 10:18) Sai tabahen do kutipan ni ayat di akka dokumen ni persidanganta dohot tikki mambahen pembelaan di bagasan persidangan, asa boi diboto akka hakim, perwakilan ni pamaretta, media, dohot akka halak na dohot tu persidangan i. Marhite on, gabe boi ma halak na serep roha mamboto ise do Saksi Jahowa i jala sian dia dasar ni haporseaon ni nasida. Hasilna, adong do piga-piga sian nasida na gabe Saksi Jahowa.

MANDOK MAULIATE DO AU TU JAHOWA

Saleleng 40 taon na parpudi on, sada hasangapon do di au ala boi bekerja sama dohot kantor cabang di liat portibi on di bagian hukum. Jala boi mewakili organisasitta di godang pengadilan tinggi, dohot di jolo ni akka pejabat tinggi. Massai holong do rohakku tu akka dongan na rap bekerja sama dohot au di Departemen Hukum di kantor pusat dohot di akka kantor cabang di liat portibi on. Massai godang do pasu-pasu na hudapot saleleng ni ngolukku, jala puas do huhilala.

Saleleng 45 taon na parpudi on, torus do setia si Elizabeth tu au jala sai didukung do au di tikki susa manang sonang. Nang pe adong sahit ni si Elizabeth na mambahen gabe moru gogona, alai sai torus do diurupi ibana au. Kagum do au mangida ibana.

Takkas do diida hami, dang alani kemampuannami umbahen na boi hami margogo jala monang. Songon na didok si Daud, “Jahowa do na mangalehon gogo tu akka naposona.” (Ps. 28:8) Jala, “Jahowa do na manottuhon ise na monang di parporangan”.