Cara Mamangke—Aha do na Diajarhon Bibel tu Hita?

Sarupa do buku Na Diajarhon Bibel tu Hita dohot buku Alkitab Ajarkan. Sarupa na pasahathon hasintongan do isi ni dua buku on jala sarupa do urutanna. Alai ummura do mangantusi buku Na Diajarhon Bibel tu Hita, alana mamangke hata na mura antusan. Buku on dipatupa tu angka halak na maol mangantusi buku Alkitab Ajarkan. Adong do lampiran di buku Na Diajarhon Bibel tu Hita na marisi hatorangan na jempek taringot istilah dohot kesimpulan ni ganup pasal. Di buku on, ndang adong sungkunsungkun pamungka jala ndang adong kotak tinjauan. Alai, diparade do kesimpulan di ganup pasal. Sarupa songon buku Alkitab Ajarkan, boi do buku on tasarhon manang sadihari pe. Songon dia hita mamangke kesimpulan dohot lampiran tingki mambahen parsiajaran Bibel?

KESIMPULAN: Lomo do roha ni godang halak tu cara na tapangke tingki mambahen parsiajaran Bibel, manjahahon paragraf, dungkon i manjaha sungkunsungkun di buku i. Alai, adong do parsiajar Bibel na maol mangantusi bahasa di buku i manang ndang malo manjaha. Molo buku Na Diajarhon Bibel tu Hita do na tapangke, boi do marsiajar sian kesimpulan di pasal i jala denggan do molo dijaha ibana hian paragraf ni parsiajaran i. Hirahira 15 minut ma tingki na tapangke laho mangulas sada kesimpulan. Nang pe otik hatorangan di kesimpulan i, ingkon denggan do diparade na mangajari i jala pingkirhon ma na ringkot tu parsiajar Bibel i. Alai molo sian isi ni buku i do dipangke marsiajar, boi do kesimpulan i dibahen gabe bahan tinjauan.

LAMPIRAN: Lampiran marisi istilah dohot kesimpulan ni ganup pasal. Boi do pilliton ni na mangajari naeng mangulas lampiran manang ndang, saleleng parsiajaran Bibel.