Referensi tu Parpunguan Hangoluan dohot Pangkobasion na Laho Diparsiajari
1-7 JUNI
ARTA NA ARGA NA ADONG DI BIBEL 1 MUSA 44-45
“Si Josep Manalpuhon Hasalaan ni Akka Abangna”
w15-IN 1/5 14-15
“Nda Guru di Debata do nang Ahu?”
Diuji si Josep ma muse akka abangna. Ditakkup ma akka abangna i. Jala ditudu nasida manakko inganan panginuman ni si Josep. Jadi dung dapot inganan panginuman i di karung ni si Benjamin, diboan ma nasida tu si Josep. Jadi disi ma tikkina si Josep lao mamboto songon dia akka abangna i. Si Juda ma na makkatai tu si Josep. Jadi dipangido si Juda asa halak i ma na gabe hatoban di Mesir, dang si Benjamin. Alai didok si Josep, holan si Benjamin do na gabe hatoban. Molo na asing nai disuru do mulak.—1 Musa 44:2-17.
Dung didok si Josep songon i, pittor didok si Juda ma, “Holan sahalakna na ma tubu ni inana na mangolu; mansai holong do roha ni [bapaknami] di ibana.” Hona do tu roha ni si Josep hata ni si Juda i. Alana ibana muse do anak siakkangan ni si Rahel na mate tikki manubuhon si Benjamin. Songon bapakna, si Josep pe godang do na diingot ibana sian si Rahel. I do ra na mambahen holong hian roha ni si Josep tu si Benjamin.—1 Musa 35:18-20; 44:20, Bibel siganup ari.
Sappe mangelek do si Juda tu si Josep asa unang dibahen si Benjamin gabe hatoban. Sappe didok ibana do asa ibana ma manggattihon si Benjamin. Ujungna gabe didok ibana ma, “Ai tung boha ma tarbahen ahu mulak tu damang molo so rap dohot dakdanak i? Ndang tartaon ahu mamereng hamagoan on songgop tu damang i.” (1 Musa 44:18-34, Bibel siganup ari) Takkas ma nungnga muba be si Juda. Dang muba sambing ibana, alai dipatudu ibana do asi ni roha dohot dang makkarikkotton diri sandiri.
Dang tartaon ni si Josep be sihol ni rohana. Alani i, gabe disuru ibana ma kaluar sude pelayanna. Dung i, mansai gogo ma ibana tangis, sappe sude na di istana i mambege. Didok ibana ma, “Ahu do si Josep, anggimuna.” Dihaol ibana ma akka abangna, jala disalpuhon ibana hasalaan ni nasida. (1 Musa 45:1-15) Ditiru ibana do Jahowa na olo manalpuhon hasalaan. (Psalmen 86:5) Olo do hamu manalpuhon hasalaan ni halak?
Mangalului Arta na Adong di Bibel
it-1-IN 1310 ¶5, 6
Mangaribak Baju
Molo adong dibege halak Jahudi dohot halak Timur barita taringot keluargana na marujung ngolu, biasana diribak nasida do bajuna di jolo ni na torop, lao patuduhon lungun ni roha nasida. Alai baju na diribak holan sahat tu bagian dada.
Si Ruben anak siakkangan ni si Jakkob ma na parjolo sahali na dipaboa di Bibel na hea mangulahon on. Diribak ibana bajuna ala dang diida ibana be si Josep di bagas sumur. Gabe didok ibana ma, “Ndang be disi dakdanak i, tu dia na ma ahu?” Ala si Ruben do anak siakkangan, ibana ma na martanggung jawab tu anggina. Dung dipaboa tu bapakna si Jakkob naung mate anakna i, diribak ibana ma bajuna jala marabit goni ma ibana (1Mus 37:29, 30, 34), jala di Mesir tikki ditudu si Benjamin manakko, diribak akka abangna do baju ni nasida alani lungun ni roha ni nasida.—1Mus 44:13.
w04-IN 15/8 15 ¶15
Dihasogohon Alai Dang Adong Alana
15 Molo adong na sogo rohana tu hita, hape dang adong na sala tabahen tu ibana, aha do na boi mangurupi hita asa unang haccit rohatta? Ingot ma, Sibolis do musu utamata. (Epesus 6:12) Memang adong do halak na olo menyiksa hita. Alai diulahon nasida pe songon i, sipata ala dang godang dope na diboto nasida taringot hita, manang ala na dipalaga-laga halak nasida. (Daniel 6:6-18; 1 Timoteus 1:12, 13) Lomo do roha ni Jahowa “asa malua saluhut jolma jala boi mandapot parbinotoan na bagas taringot tu hasintongan”. (1 Timoteus 2:4) Jala adong do halak na mangalo hita hinan, gabe naposo ni Jahowa ala diida hita burju, jala denggan parangetta. (1 Petrus 2:12) Taringot on boi ma tatiru si Josep anak ni si Jakkob. Nang pe gabe susa ngolu ni si Josep alani akka abangna, alai dang dibalos ibana pambahenan ni akka abangna i. Boasa? Alana diboto ibana do aha pe na masa di ngoluna, Jahowa do na mangatur i asa saut tujuan ni Jahowa. (1 Musa 45:4-8) Suang songon i ma, sitaonon aha pe na taadopi, boi do dibahen Jahowa i gabe pasangappon goarna.—1 Petrus 4:16.
8-14 JUNI
ARTA NA ARGA NA ADONG DI BIBEL 1 MUSA 46-47
“Dipalua sian Haraparon”
w87-IN s-36 13 ¶2
Toktong Mangolu Tikki Masa Haraparon
2 Dung sae pitu taon masa gok sipanganon, masa ma haraparon songon naung disurirangkon Jahowa. Haraparon i, dang holan masa di Mesir, alai tong do masa tu “saluhut luat”. Tikki masa haraparon di Mesir, dipangido nasida ma sipanganon tu si Firaun. Dung i, didok si Firaun ma tu nasida, “Si Josep ma topot hamu, na nidokna i ma bahen hamu.” Digadis si Josep ma eme tu halak Mesir, sappe sude hepeng ni nasida. Ala suda hepeng ni nasida lao manggarar, gabe dijalo si Josep ma tong pinahan ni nasida. Ujungna didok nasida ma tu si Josep, “Tuhor ma hami dohot tanonami, asa mangan hami. Gabe hatoban ni raja i ma hami, jala ibana ma nampuna tanonami.” Gabe sude ma tano di Mesir appunasa ni si Firaun.—1 Musa 41:53-57; 47:13-20, Bibel siganup ari.
Harajaon I Pasauthon Sangkap ni Debata di Tano On
11 Gok situtu. Masa do haraparon di partondion saonari on. Bibel mandok, “Ida ma, ro do angka ari sogot, ninna Tuhan Jahowa, tongosonku ma haraparon tu tano on, ndada haraparon di sagusagu manang hauason di aek ingkon di angka hata ni Jahowa do.” (Am. 8:11) Dohot do rayat ni Harajaon ni Debata mangkilala haraparon? Disurirangkon Jahowa do imbar ni naposoNa sian angka musuNa, “Ida ma, mangan do sogot anggo angka naposongku, alai anggo hamu anturaparon do: Ida ma, minum do sogot anggo angka naposongku, alai anggo hamu uasan do; ida ma, marlas ni roha do sogot anggo angka naposongku, alai anggo hamu ingkon [maila] do.” (Jes. 65:13) Diida hamu do masa surirang on?
12 Dos songon sunge na doras do sipanganon partondion na diparade tu naposo ni Debata. Angka buku na marojahan tu Bibel, rekaman audio dohot video, parpunguan dohot kebaktian, angka hatorangan di situs web, dipatudos songon sunge na doras di portibi na rapar di partondion. (Hes. 47:1-12; Joel 4:18) Las do rohamu mangida janji ni Jahowa digohi saonari? Tongtong do hamu mangan sian meja ni Jahowa?
Mangalului Arta na Adong di Bibel
it-2-IN 809 ¶6
Parange dohot Gerakan
Mangappehon tangan tu mata ni halak naung mate. Tikki didok Jahowa tu si Jakkob, “Si Josep do mangampehon tanganna tu matam” (1Mus 46:4), Jahowa lao paboahon, tikki mate si Jakkob, si Josep ma na lao manutup matana. Somalna, anak siakkangan do na mangulahon on. Jadi sian on Jahowa lao patakkashon tu si Jakkob, si Josep ma naung gabe anak siakkangan.—1Kron 5:2.
Hatorangan sian nwtsty-E taringot Ul 7:14
Sude 75 halak: Tikki didok si Stepanus jumlah sude keluarga ni si Jakkob na masuk tu Mesir i ma 75 halak, ibana ra dang mangutip ayat sian Kitab Heber. Alana jumlah on dang adong disurat di teks Masoret di Kitab Heber. 1Mus 46:26 didok do, “Sude jolma, angka na tolhas tu tano Misir rap dohot si Jakkob, angka na ruar sian gontingna, so padohot jolma ni angka anak ni si Jakkob, onompulu onom halak saluhutna.” Di ayat 27 didok do muse, “Ia anak ni si Josep angka na tubu di ibana di tano Misir, dua halak do, asa boho pitupulu halak pinompar ni si Jakkob saluhut, angka na tolhas i tu tano Misir.” Sian dua ayat on adong dua cara mangetong na berbeda. Na parjolo na dietong holan akka pinoppar ni si Jakkob na dohot raphon ibana tu Mesir. Alai, na paduahon na dietong i ma sude keluarga ni si Jakkob na ro tu Mesir. Jala di 2Mus 1:5 dohot 5Mus 10:22, dipaboa do tong jumlah pinoppar ni si Jakkob i ma “70” halak. Molo si Stepanus dietong ibana do ra sude keluarga besar ni si Jakkob. Adong na marpandapot, termasuk ma si Stepanus mangetong anak dohot pahoppu sian anak ni si Josep, i ma si Manasse dohot si Epraim, songon na disurat 1Mus 46:20, di terjemahan Septuaginta. Na asing marpandapot termasuk do ra dietong ibana akka parumaen ni si Jakkob na so dohot dietong di 1Mus 46:26. Jadi “75” on ra, i ma sude jumlah keluarga ni si Jakkob. Jala jumlah on adong do ra disurat di Kitab Heber na naung godang dipakke halak di tikki abad na parjolo. Saleleng martaon-taon diboto akka peneliti do, jumlah “75” on adong do dipaboa di 1Mus 46:27 dohot 2Mus 1:5 di Septuaginta Junani. Asing ni i di abad paduapuluhon dapot ma dua bagian gulungan laut mati na manurat 2Mus 1:5 di bahasa Heber. Disi disurat do tong jumlahna, i ma “75.” Olo do ra sada sian teks kuno on ma na dikutip si Stepanus. Nang pe cara si Stepanus berbeda tikki mangetong sude pinoppar ni si Jakkob, alai cara na dia pe dipakke sittong do i sude.
15-21 JUNI
ARTA NA ARGA NA ADONG DI BIBEL 1 MUSA 48-50
“Naung Matua Paboahon Pengalamanna tu Hita”
it-2-IN 1163-1164 ¶9
Si Jakkob
Tikki naeng mate si Jakkob dipasu-pasu ibana do pahoppuna, i ma anak ni si Josep. Si Manasse do anak siakkangan, alai parjolo do dipasu-pasu si Epraim. Ala si Josep nama anak siakkangan, dilehon ma tu ibana dua bagian sian warisan ni si Jakkob. Didok si Jakkob ma tu ibana, “Nunga hulehon di ho tano i santurpuk hasurunganmu sian angka haham, na hubuat sian halak Amori marhitehite podangku dohot siorhu.” (1Mus 48:1-22; 1Kron 5:1) Ala nungnga dituhor si Jakkob tano di jonok ni Sikem sian anak ni si Hemor (1Mus 33:19, 20), tarida ma togu ni haporseaon ni si Jakkob sian janji ni ibana tu si Josep. Ibana paboahon surirang haduan ditaluhon nama Kanaan. Alai, sian hatana i songon naung saut do surirang i, marhite podang dohot panahna sandiri. (Ida it-1-IN 110 AMORI, ORANG.) Dua bagian ni si Josep di tano Kanaan, i ma daerah na dilehon tu halak Epraim dohot tu halak Manasse.
it-1-IN 876 ¶4
Ari-Ari Parpudi
Surirang ni si Jakkob andorang so mate. Didok si Jakkob ma tu akka anakna, “Marluhut ma hamu, asa hupaboa tu hamu na masa sogotsogot ni ari tu hamu.” manang “di ari na naeng ro” (Bibel siganup ari). Si Jakkob paboahon na lao saut do surirang na didok ibana. (1Mus 49:1) Dua ribu taon sebelumna, dipaboa Jahowa do tu oppung ni si Jakkob i ma si Abraham, na lao marsitaonon nama pinopparna saleleng 400 taon. (1Mus 15:13) Dison si Jakkob lao paboahon ari na naeng ro i, dang mungkin masa andorang so marujung 400 taon sitaonon i. (Lao mamboto gumodangan hatorangan taringot 1 Musa 49, lului ma akka artikel taringot akka anak ni si Jakkob hombar tu goar na be.) Hita pe makkirim do asa saut surirang on tu Israel partondion ni Debata.—Gal 6:16; Rom 9:6.
w07-IN 1/6 28 ¶10
Akka na Matua—Gabe Pasu-Pasu tu Akka Na Poso
10 Akka na matua boi do gabe sitiruon na denggan tu akka dongan na asing. Tikki matua si Josep dipatudu ibana do haporseaonna, jala gabe sitiruon do i tu akka naposo ni Debata sahat tu saonari. Tikki marumur 110 taon, diparettahon ibana do asa boanon ni nasida holi-holina sian i. Lapatanna, tikki kaluar bangso Israel sian Mesir, ikkon diboan bangso Israel do holi-holina raphon nasida. (Heber 11:22; 1 Musa 50:25) Alani paretta ni si Josep on gabe adong ma pakkirimon tu halak Israel na nungnga martaon-taon gabe hatoban di Mesir dung mate si Josep. Jala on paposhon roha ni nasida na lao bebas do nasida.
Mangalului Arta na Adong di Bibel
w04-IN 1/6 15 ¶4-5
Dipasu-pasu Akka Halak na Pasangappon Debata
4 Andorang so masuk tu tano na dijanjihon, dipangido halak Israel do sian halak Gad asa tinggal nasida di bagian Timur sunge Jordan. Alana disi do cocok marmahan. (4 Musa 32:1-5) Godang do tantangan na diadopi nasida ala tinggal di daerah i. Alai suku na tinggal di bagian barat gabe dilinggomi do sian serangan ni akka tentara ala adong lembah Jordan. (Josua 3:13-17) Molo akka suku na tinggal di bagian timur sunge Jordan, bukku The Historical Geography of the Holy Land, na disurat George Adam Smith mandok, “Ala datar do godangan tano na adong di plato besar Arab gabe mura ma akka musu menyerang nasida. Jala ganup taon godang do akka parjahat ro mambuat padang rumput ni nasida.”
5 Jadi songon dia do suku Gad mangadopi akka tantangan i? Marratus taon andorang so i, tikki naeng mate si Jakkob nungnga dipaboa ibana sada surirang na mandok, “Serangon ni angka pangarampok ma si Gad, alai marputar ma ibana gabe dilelei nasida.” (1 Musa 49:19, Bibel siganup ari) Memang songon na metmet do roha mambege hata on. Alai, sada paretta do on tu halak Gad, asa nasida mambalos serangan ni akka parjahat. Dison si Jakkob lao paposhon roha ni nasida molo diulahon nasida paretta i, lari do akka parjahat sian halak Gad.
it-1-IN 388 ¶5
Si Benjamin
Andorang so mate dipaboa si Jakkob do di surirangna molo pinoppar ni si Benjamin jago marporang. Didok Ibana do, “Tudoshon gompul panoro do ianggo si Benjamin; manganhon sorosoro ibana manogotna i, jala marbagi tabantaban ibana bodarina i.” (1Mus 49:27) Terkenal do pinoppar ni si Benjamin malo mamakke umban. Tangan nadia pe na dipakke pinoppar ni si Benjamin lao mangalempar umban dang hea pilit. (Pangh 20:16; 1Kron 12:2) Songon si Ehud, sahalak pinoppar ni si Benjamin, somal do ibana mamakke tangan kidal. Jala ibana do na mambunu Raja Eglon. (Pangh 3:15-21) Didok do muse, “di manogotna i” sian harajaon ni Israel i ma marga Benjamin, marga na ummetmet di Israel, ro raja Israel na parjolo i ma si Saul anak ni si Kis. Ditanda do si Saul tentara na gogo tikki mangalo halak Palistim. (1Sam 9:15-17, 21) Didok do muse, “di bornginna i” sian bangso Israel, i ma marga Benjamin, Ratu Ester dohot perdana menteri Mordahai nasida ma na paluahon bangso Israel sian pamarentaon Imperium Persia.—Est 2:5-7.
22-28 JUNI
ARTA NA ARGA NA ADONG DI BIBEL 2 MUSA 1-3
“Pasautokku do Sude Lomo ni Rohakku”
w13-IN 15/3 25 ¶4
Pasangap ma Goar ni Jahowa
4 Jaha 2 Musa 3:10-15. Tikki marumur ualu puluh taon si Musa, didok Jahowa do tu ibana, “Paruar ho bangsongku, halak Israel i sian Misir.” Dung dibege si Musa i, denggan do ibana manukkun. Hira-hira songon on ma disukkun ibana, ‘Ise do goarmu?’ Hape sian najolo nungnga ditanda halak goar ni Jahowa, alai boasa ma disukkun si Musa songon i. Na lomo do ra roha ni si Musa asa lam mananda pribadi nampunasa goar i. Jadi tikki pajuppang si Musa dohot naposo ni Debata, boi ma si Musa paposhon roha ni nasida, molo Jahowa boi paluahon nasida. Ala nga leleng halak Israel gabe hatoban, sukkun-sukkun do ra roha ni nasida, boi do Debata na disomba akka oppung nasida paluahon nasida? Jala piga-piga halak Israel nungnga adong na manomba debata ni halak Mesir.—Hes. 20:7, 8.
kr 43, kotak
LAPATAN NI GOAR NI DEBATA
GOAR Jahowa dibuat sian kata kerja bahasa Heber, lapatanna “pasauthon”. Adong pakar mandok molo kata kerja i, kausatif (hata na patuduhon adong na mambahen). Alani i, godang na mandok lapatan ni goar ni Debata, i ma “Ibana Mambahen jala Ibana Pasauthon”. Hombar do lapatan ni Goar ni Debata on tu ulaon ni Jahowa, i ma Sitompa saluhut. Ibana do na manompa nasa na adong jala tongtong do Ibana manggohi jala pasauthon sangkapNa.
Alani i, aha do lapatan ni hata ni Jahowa tu si Musa na disurat di 2 Musa 3:13, 14? Disungkun si Musa ma, “Ia dung sahat ahu di halak Israel, jala hudok tu nasida: Debata ni ompumuna marsuru ahu tu hamu, gabe didok nasida maon tu ahu: Ise do goarna? Beha ma dohononku tu nasida?” Dialusi Jahowa ma, “Ahu nuaeng Ahu sogot.” Mangihuthon bahasa Heber lapatanna dos dohot, “PasautonKu do sude lomo ni rohangKu”.
Molo taparrohahon, ndang dipangido si Musa asa dipaboa Jahowa goarNa. Alana nunga diboto si Musa dohot bangso Israel goar ni Debata, i ma Jahowa. Alai, lomo roha ni si Musa asa dipaboa Jahowa taringot tu diriNa na boi mambahen togu haporseaon ni si Musa. Alani i, lomo roha ni si Musa mangantusi lapatan ni goar i. Tingki dialusi Jahowa, “PasautonKu do sude lomo ni rohangKu,” dipapatar Jahowa do tu si Musa sada sian pangalahoNa, i ma: Ndang adong na boi mangambati Ibana jala bahenonNa do manang aha pe laho pasauthon lomo ni rohaNa. Umpamana, tu si Musa dohot bangso Israel, Jahowa mambahen diriNa Sipalua, Silehon Patik, Pangalinggomi dohot na asing. Alani i, bahenon ni Jahowa do diriNa hombar tu na dihaporluhon asa boi saut lomo ni rohaNa tu naposoNa. Alai, adong dope na asing lapatan ni goar ni Debata, i ma Jahowa. Goar ni Debata, boi do on lapatanna Ibana mambahen na tinompaNa hombar tu na dihaporluhon asa boi saut sangkapNa.
Mangalului Arta na Adong di Bibel
g04-IN 8/4 6 ¶5
Tutu do Adong si Musa?
Boasa hita porsea sahalak boru ni Raja Mesir olo mangadopsi dakdanak? Alana ajaran ni agama halak Mesir, molo sasahalak naeng masuk tu surgo, ikkon burju do ibana. Taringot na mangadopsi i, sahalak arkeolog na margoar Joyce Tyldesley mandok, “Di halak Mesir sarupa do hak ni bawa dohot borua, di bidang hukum manang ekonomi. Jala akka borua pe boi do mangadopsi dakdanak.” Hea do dicatat di Papirus Adopsi kuno taringot sahalak borua Mesir na mangadopsi akka hatobanna. Taringot inang na pasusu si Musa The Anchor Bible Dictionary mandok, “Taringot sahalak inang na digaji lao pasusuhon si Musa . . . sarupa do on dohot cara ni halak Mesopotamia tikki mangadopsi sasahalak.”
w04-IN 15/3 24 ¶4
Akka na Denggan sian Bukku 2 Musa
3:1—Boasa si Jetro didok sahalak malim? Ala di jaman ni akka patriark, kepala keluarga ma na gabe malim di keluarga ni nasida. Kepala keluarga ni halak Midian, i ma si Jetro. Diboto nasida do ra taringot Jahowa, ala halak Midian pinoppar si Abraham sian si Ketura.—1 Musa 25:1, 2.
29 JUNI–5 JULI
ARTA NA ARGA NA ADONG DI BIBEL
“Huajari pe Ho Makkatai”
w10-IN 15/10 13-14
Songon dia Debata Mangida Sidalian?
“Hurang malo au.” Hea do ra didok rohamuna hurang malo hamu marbarita na uli. Akka naposo ni Jahowa najolo pe hea do makkilala songon i, tikki dilehon Jahowa tugas tu nasida. Contohna si Musa, tikki dilehon Jahowa tugas tu Ibana, didok si Musa do, “Iale Tuhanku, ianggo ahu ndang jolma parhata ahu, nang olat ni nantuari, nang olat ni nantuarisada, nang olat ni dung mangkatai Ho dohot naposom, ai dokdok do pamanganku jala hallang dilangku.” Nang pe nungnga di papos Jahowa roha ni si Musa, alai tong do didok si Musa, “Iale Tuhan, ua suru ma manang ise lomo ni roham.” (2Mus. 4:10-13) Aha ma alus ni Jahowa?
w14-IN 15/4 9 ¶5-6
Diida Hamu do “Debata na So Boi Idaon i”?
5 Andorang so mulak si Musa tu Mesir, adong sada prinsip na rikkot na dipaboa Debata tu ibana, disurat si Musa do taringot prinsip on di bukku Job. Didok, “Biar mida Jahowa, i do hapistaran.” (Job 28:28) Asa mabiar si Musa mangida Jahowa jala marbisuk, dipaboa Jahowa do imbar ni Debata dohot jolma. Disukkun Jahowa ma, “Tung ise ma mambahen marpamangan jolma i? Tung ise mambahen na ngungu manang na nengel, manang na marnida, manang na mapitung? Nda Ahu, Jahowa do?”—2Mus. 4:11.
6 Aha parsiajaranna? Ala paretta ni Jahowa do na diulahon si Musa, dang porlu mabiar ibana. Dilehon Jahowa do huaso tu si Musa lao pasahatton hata ni Debata tu si Firaun. Dang holan sahali on naposo ni Debata hea terancam ngoluna tikki di Mesir. Diingot si Musa do ra songon dia Jahowa mangurupi ibana, si Abraham, si Josep tikki mangadopi si Firaun. Dang margogo si Firaun mangadopi Jahowa. (1Mus. 12:17-19; 41:14, 39-41; 2Mus. 1:22–2:10) Ala boi takkas diida si Musa “Debata na so boi idaon i,” gabe barani ma ibana manjuppangi si Firaun lao paboahon hata ni Jahowa.
w10-IN 15/10 14
Songon dia Debata Mangida Sidalian?
Dang na gabe dang dilehon Jahowa tugas i tu si Musa. Alai, dipillit Jahowa do si Aron lao mangurupi si Musa mandalatton tugas i. (2Mus. 4:14-17) Jala martaon-taon dukkon i, sai diurupi Jahowa do si Musa. Jala dilehon do na dihaporluhon ibana, asa marhasil si Musa mandalatton tugas na sian Debata. Saonari pe, pos ma rohatta dipakke Jahowa do akka dongan di huria na berpengalaman. Nasida ma na mangurupi hita tikki mangulahon tugas na sian Debata. Na urrikkot, Bibel paposhon rohatta, boi do dibahen Jahowa hita malo tikki mangulahon tugasta.—2 Kor. 3:5; ida kotak “Tahun-Tahun yang Paling Membahagiakan.”
Mangalului Arta na Adong di Bibel
w04-IN 15/3 28 ¶4
Sukkun-Sukkun sian na Manjaha
Tikki didok si Zippora, “pangoli mudar do ho di ahu” songon na so biasa do hata on. Alai aha do lapatan ni hatana i? Tikki digohi ibana uhum taringot sunat, on patuduhon diakkui si Zippora do perjanjian on adong hubunganna tu Jahowa. Jala dipudian ni ari di perjanjian uhum na dibahen tu halak Israel, dipaboa do, di sada hubungan perjanjian boi do Jahowa dianggap gabe suami jala pihak na asing gabe istrina. (Jeremia 31:32) Alani i, tikki didok si Zippora Jahowa marhite suru-suruanna “pangoli mudar do ho di ahu” on lapatanna unduk jala diihutton si Zippora do perjanjian i. Jadi di perjanjian sunat i, dibahen si Zippora ma dirina gabe istri jala Jahowa ma na gabe suami. Ala unduk si Zippora tu tudu-tudu ni Jahowa, gabe dang saut anakna mate.
it-2-IN 1205 ¶1
Jahowa
“Mananda” dang lapatanna holan mamboto sambing. Si Nabal na oto pe, diboto ibana do goar ni si Daud, alai disukkun ibana do, “Ise do si Daud?” Hira na mandok, “Dang hupaboto-boto ise si Daud i.” (1Sam 25:9-11; bandingkon tu 2Sam 8:13.) Songon i ma tong si Firaun, hea do didok ibana tu si Musa, “Ise do Jahowa, tung ingkon tangihononku soarana mangaloas laho Israel? Ndang hupabotoboto Jahowa, Israel pe ndang huloas laho.” (2Mus 5:1, 2) Sian hata na i, songon na didok si Firaun do, dang hutanda ise Jahowa i, Debata na sittong i, manang dang marhak Jahowa i mangatur Raja Mesir, manang songon na didok ibana do muse dang boi lomo-lomo ni Debata lao pasautton sakkapna songon na dipaboa si Musa dohot si Aron. Alai saonari botoon ni si Firaun, halak Mesir, dohot halak Israel ma lapatan ni goar i, jala ise nampunasa goar i. Songon na dipaboa Jahowa tu si Musa, botoon nasida ma taringot i sian cara Jahowa pasautton maksud tujuanna taringot tu Israel, i ma paluaon nasida, mangalehon tano na dijanjihon tu nasida, suang songon i tikki Jahowa pasautton janjina tu akka oppung ni nasida. Jadi saut ma na didok Jahowa “Asa diboto hamu, Ahu do Jahowa, Debatamuna.”—2Mus 6:4-8; ida it-1-IN 1444 MAHAKUASA.