Referensi tu Parpunguan Hangoluan dohot Pangkobasion na Laho Diparsiajari
1-7 MARET
ARTA NA ARGA NA ADONG DI BIBEL 4 MUSA 7-8
“Parsiajaran sian Perkemahan ni Halak Israel”
it-1-IN 1094 ¶7
Huria
Di halak Israel adong do halak na dipillit lao pasaehon parsoalan ni nasida. (Esr 10:14) Jadi dung adong tabernakel, “pamimpin ni ganup marga” do na mangalehon pelean. (4Mus 7:1-11) Tikki ngolu ni si Nehemia, holan akka malim, halak Lepi, dohot akka “pamimpin ni bangso i” do na mambahen sah “parjanjian na tarsurat” marhite materai. (Neh 9:38–10:27) Tikki di gurun halak Israel adong do 250 halak “pamimpin ni bangso i, na dipillit sian tonga-tonga ni nasida, jala akka halak na sangap”, na mangihutton si Korah, si Datan, si Abiram, dohot si On, mangalo si Musa dohot si Aron. (4Mus 16:1-3) Ala dang tolap sahalak ni si Musa “martanggung jawab tu nasida”, dipillit ibana ma 70 pangituai ni bangso i lao mangurupi ibana paboahon tudu-tudu sian Debata. (4Mus 11:16, 17, 24, 25) Di 3 Musa 4:15 adong do dipaboa taringot “akka pangituai ni bangso Israel”. Jadi akka pangituai, akka pamimpin dohot akka panguhum ni bangso i ma na dipillit lao martanggung jawab tu bangso i.—4Mus 1:4, 16; Jos 23:2; 24:1.
it-2-IN 676 ¶6
Marga Ruben
Tikki di perkemahan dope halak Israel, di sabola selatan ni tabernakel ma marga Ruben markemah. Ditonga-tonga ni marga Simeon dohot marga Gad ma marga Ruben markemah. Jadi molo naeng borhat nasida, marga Ruben ma na parjolo mardalan jala mangihut ma marga Simeon dohot marga Gad sian pudi. Alai marga Juda, Isasar, dohot Zebulon nungnga parjolo borhat di jolo ni nasida. (4Mus 2:10-16; 10:14-20) Tikki peresmian ni tabernakel, ikkon songon i do muse urutan ni akka marga i tikki mangalehon pelean.—4Mus 7:1, 2, 10-47.
w04-IN 1/8 25 ¶1
Akka na Rikkot sian Bukku 4 Musa
8:25, 26. Asa boi halak Lepi denggan mangulahon tugasna, dipangido do asa unang martugas be halak Lepi naung matua. Alai, boi dope nasida mangurupi halak Lepi na asing. Dos songon i ma, dang adong hata pensiun lao marbarita na uli. Alai adong do parsiajaran na rikkot na boi taparsiajari sian halak Lepi. Molo dang boi be sahalak donganta mangulahon tanggung jawabna ala nga matua, boi do ibana mangulahon tugas na asing sian nasa tolapna.
Arta na Adong di Bibel
it-1-IN 127 ¶4
Anak Siakkangan
Anak siakkangan ni halak Israel do na gabe pamimpin ni ganup keluarga di nasida. Jala nasida ma muse na gabe pamimpin ni bangso i. Didok Jahowa do halak Israel anak siakkanganna. Alana mangihutton parjanjian ni Jahowa dohot si Abraham, si Israel do na gabe anak “siakkangan” di Debata. (2Mus 4:22) Ala toktong do dijaga Jahowa nasida, didok Jahowa ma, “Papulik ma di Au ganup anak siakkangan ni halak Israel. Gabe appunakku ma sude anak siakkangan bawa ni halak Israel dohot binatang jantan na parjolo tubu.” (2Mus 13:2) Jadi, ikkon dipelehon do sude anak siakkangan tu Debata.
8-14 MARET
ARTA NA ARGA NA ADONG DI BIBEL 4 MUSA 9-10
“Cara ni Jahowa Manogu-nogu Naposona”
it-2-IN 492 ¶3
Perkemahan
Massai godang do halak Israel. Jadi dang mura mangatur nasida molo naeng pinda perkemahan ni nasida. On patuduhon denggan do nasida diatur Jahowa. Dipaboa di bukku 4 Musa 33, adong 40 hali halak Israel marpinda-pinda. Saleleng di ginjang ni tabernakel dope ombun i, dang pinda perkemahan ni nasida. Alai molo naek ombun i sian atas ni tabernakel, pinda ma perkemahan ni nasida. Didok Bibel, “Molo didok Jahowa pinda halak Israel, pinda ma nasida. Jala molo disuru Jahowa nasida markemah, markemah ma nasida.” (4Mus 9:15-23) Adong dua tarompet na dibahen sian perak na dipakke lao paboahon paretta ni Jahowa tu bangso i. (4Mus 10:2, 5, 6) Adong do ditottuhon pakkuling ni tarompet i, na paboahon tikkina mambongkar perkemahan. Masa ma i parjolo sahali “di ari na paduapuluhon, di bulan na paduahon [1512 SM]”. Halak na mamboan poti parpadanan ma na parjolo borhat. Dung i, borhat ma marga Juda, Isasar, dohot Zebulon. Marga Juda do pamimpin ni tolu marga i. Dung i, di pudi ni nasida pinoppar ni si Gerson dohot si Merari, mamboan akka bagian ni tabernakel. Mangihut ma muse marga Ruben, Simeon dohot Gad. Marga Ruben ma pamimpin ni tolu marga i. Dung borhat nasida, borhat ma pinoppar ni si Kohat mamboan inganan na badia. Dung i, borhat ma marga Epraim, Manasse dohot Benjamin. Na parpudi borhat, i ma marga Dan, Aser dohot Naptali. Marga Dan ma na gabe pamimpin ni tolu marga i. Jadi, dua marga na unggodang dohot marga na umgogo ma na dibahen di pudi dohot di jolo ni rombongan i.—4Mus 10:11-28.
w11-IN 15/4 4-5
Takkas do Diida Hamu na Ditogu-togu Debata Hita?
Songon dia hita patuduhon na olo do hita ditogu-togu Debata? Apostel Paulus mandok, “Oloi hamu ma akka na manguluhon hamu jala unduk ma hamu tu nasida.” (Heb. 13:17) Sipata dang mura mangulahon i. Bayakkon ma molo dohot hamu tu rombongan ni bangso Israel i. Dung mardalan hamu piga-piga leleng, so ma ombun i. Dang taboto sadia leleng i so. Sadari? Saminggu? Manang piga piga bulan? Olo do ra didok rohamuna, ‘Hupakaluar ma sude barangkon?’ Mula-mula holan barang na porlu do dipakaluar hamu. Alai dung piga-piga ari, ala marsak hamu mangalului barang na so tarida, gabe dipakaluar hamu ma sude. Alai baru dope dipakaluar hamu barangmuna i, nga naek ombun i. Ikkon dipapungu hamu ma muse barangmuna i. Pasti dang mura mangulahon i. Songon i ma na dihilala halak Israel. Nang pe songon i, “pittor borhat” do nasida.—4 Mus. 9:17-22.
Tikki adong petunjuk na baru sian organisasi, pittor hatop do hita mangulahon i? Manang unlomo do rohatta mangihutton cara na ulleleng? Taboto do akka petunjuk na baru? Contohna, songon dia mangurupi halak marsiajar Bibel, songon dia marbarita tu halak na marbahasa na asing, songon dia asa taratur mambahen ibadat keluarga, mangulahon saran sian Panitia Penghubung Rumah Sakit, dohot manjaga pangalahotta saleleng kebaktian. Molo dang haccit rohatta tikki dipodai, patuduhon na taargai do poda na sian Debata. Tikki mambahen sada keputusan, unang ma mangandalhon pikkiranta sandiri. Alai talului ma petunjuk sian Jahowa dohot sian organisasina. Tikki godang masalahta, tapangido ma asa diurupi organisasi ni Jahowa hita. Dos ma i songon dakdanak na mangalului natua-tuana tikki adong badai.
Arta na Adong di Bibel
it-2-IN 515 ¶6
Marpungu
Boasa Ikkon Marpungu? Asa togu haporseaotta, ikkon ro do hita marpungu ala paretta ni Jahowa do on. Songon na diparettahon Ibana tu halak Israel asa mangarayahon Paska ganup taon. Molo adong bawa na so mangarayahon Paska, hape dang ramun ibana, jala dang lao tu inganan na dao, ikkon dipamate do ibana. (4Mus 9:9-14) Tikki disuru Raja Hiskia halak Juda dohot halak Israel tu Jerusalem asa mangarayahon Paska, didok ibana do, “Hamu akka halak Israel, mulak ma hamu tu Jahowa. . . . Unang ma jogal rukkungmuna songon akka ompumuna. Oloi hamu ma Jahowa, jala ro ma hamu tu ingananna na badia naung dipabadia Ibana saleleng ni lelengna. Somba hamu ma Jahowa Debatamuna, asa unang muruk be Ibana tu hamu. . . . Ai na burju jala parasi roha do Jahowa Debatamuna. Molo mulak hamu tu Ibana, jaloonna ma hamu.” (2Kron 30:6-9) Takkas ma, molo adong halak na so ro tu perayaan i, patuduhon na leas do rohana tu Debata. Nang pe dang disuru halak Kristen mangarayahon Paska, alai didok apostel Paulus do asa taratur hita ro tu parpunguan. Didok ibana, “Taparrohahon ma akka donganta, asa boi hita manjujui na asing lao patuduhon holong ni roha dohot mangulahon na denggan. Unang ma tatinggalhon parpunguanta songon na somal diulahon piga-piga halak, alai tapatogu ma akka donganta. Jala lam marsitutu ma hita mangulahon i, ai nungnga lam jonok ari i.”—Heb 10:24, 25; ida it-1-IN 1093 JEMAAT; SIDANG JEMAAT.
15-21 MARET
ARTA NA ARGA NA ADONG DI BIBEL 4 MUSA 11-12
“Boasa Dang Denggan Marungut-ungut?”
w01-IN 15/6 17 ¶20
Mangulahon Naung Tabege
20 Godang do halak Kristen na marhasil pasidikkon seks na so patut. Alai adong dope pangalaho na porlu tapasiding, i ma marungut-ungut. Molo marungut-ungut hita gabe sogo do roha ni Debata tu hita. Didok si Paulus, “Unang ma tauji Jahowa songon na dibahen deba sian nasida. Ai gabe mate do nasida diturbing ulok. Unang ma hita marungut-ungut songon na diulahon deba sian nasida. Ai ujungna, gabe dibunu suru-suruan do nasida.” (1 Korint 10:9, 10) Jotjot do halak Israel marungut-ungut tu si Musa dohot tu si Aron. Uppamana, marungut-ungut do nasida alani manna. Alai na marungut-ungut tu Debata do nasida disi. (4 Musa 16:41; 21:5) Molo di Debata, dosa na dia do na umbalga? Mangulahon seks na so patut do manang marungut-ungut? Didok Bibel, godang do halak Israel na mate diturbing ulok ala marungut-ungut. (4 Musa 21:6) Sebelumna pe, hea do dipamate Jahowa lobi sian 14.700 halak ala marungut-ungut. (4 Musa 16:49) Alani i, unang ma marungut-ungut hita molo adong petunjuk sian organisasi na so pas tu rohatta. Alana boi do i mambahen muruk Jahowa.
w06-IN 15/7 15 ¶7
‘Unang ma Marungut-ungut’
7 Dung kaluar halak Israel sian Mesir, jala boi mardalan di Laut Merah, diendehon nasida do ende puji-pujian mandok mauliate tu Jahowa. (2 Musa 15:1-21) Alai tikki susa dihilala nasida di gurun, jala mabiar tu halak Kanaan, pittor lupa do nasida tu sude naung dibahen Debata jala gabe marungut-ungut ma nasida. Gariada disalahon nasida do Debata. Jala didok nasida do, Debata na mambahen nasida susa. Alani i didok Debata do, “Sadia leleng nai marungut-ungut bangso na jahat on tu Au?” (4 Musa 14:27; 21:5) Jadi molo marungut-ungut hita, patuduhon na so taargai do sude naung binahen ni Debata.
it-2-IN 762 ¶3
Marbada
Marungu-ungut. Boi do halak gabe marsak manang marmetmet ni roha molo adong na marungut-ungut. Songon halak Israel, baru dope kaluar sian Mesir alai nga marungut-ungut tu Jahowa. Sai dilului nasida do hasalaan ni si Musa dohot si Aron. (2Mus 16:2, 7) Gabe marmetmet ni roha do si Musa alani i. Sappe didok ibana, tumagon ma ibana mate. (4Mus 11:13-15) Didok Jahowa, na marungut-ungut tu Ibana do halak Israel molo marungut-ungut nasida tu si Musa. (4Mus 14:26-30) Godang do halak Israel na dipamate tikki i ala marungut-ungut. Jadi molo jotjot hita marungut-ungut boi do hita gabe dihukum Jahowa.
Arta na Adong di Bibel
it-2-IN 11 ¶7
Manna
Bentuk dohot Dai ni Manna. Bibel mandok, “songon biji ni ketumbar” do manna i jala songon gota ni hau damar. Dos songon lilin na bottar do warnana jala bentukna songon mutiara. Bibel pe mandok, “daina songon kue na dicampur madu” manang “kue na manis na dicampur dohot miak”. Digiling halak Israel ma i pakke gilingan tangan, manang diduda nasida ma i di bagasan losung. Dung i, dirobus nasida ma i manang dibahen gabe kue.—2Mus 16:23, 31; 4Mus 11:7, 8.
22-28 MARET
ARTA NA ARGA NA ADONG DI BIBEL 4 MUSA 13-14
“Haporseaon Boi Mambahen Hita Barani”
w06-IN 1/10 17 ¶5-6
Haporseaon na Togu Mambahen Barani
5 Lomo hian do roha ni si Josua dohot si Kaleb masuk tu Tano na Dijanjihon. Didok nasida do, “Mura do tataluhon nasida, ai so adong na manjaga nasida. Alai molo hita, donganan ni Jahowa do hita. Alani i, unang pola mabiar hamu tu nasida.” (4 Musa 14:9) Aha do na mambahen nasida barani mandok songon i? Ala dohot do nasida mangida Jahowa mambahen Sappulu Tulah lao pailahon halak Mesir dohot akka Debatana. Diida nasida do muse songon dia Jahowa mambahen si Firaun dohot tentarana lonong di Laut Merah. (Psalmen 136:15) Jadi sasittongna, dang adong alasan ni mata-mata i dohot halak na porsea tu nasida mabiar masuk tu Tano na Dijanjihon. Alani i ma didok Debata, “Sadia leleng nai dang porsea nasida tu Au? Hape nungnga godang hubahen akka tanda halongangan di jolo ni nasida.”—4 Musa 14:11.
6 Takkas do dipaboa Jahowa, boasa gabe mabiar nasida. Ala na so adong do haporseaon ni nasida na mambahen gabe mabiar nasida. Molo adong haporseaotta, boi do hita gabe barani. Tikki dipaboa apostel Johannes na adong tantangan diadopi huria Kristen, didok ibana, “Haporseaotta i do na manaluhon portibi on.” (1 Johannes 5:4) Saonari, godang do na maniru haporseaon ni si Josua dohot si Kaleb. I do alana, adong lobi sian onom juta Saksi Jahowa paboahon barita na uli di liat portibi on taringot Harajaon ni Debata. Adong do sian nasida na matua, na poso, na marsahit-sahit, dohot na cacat. Nang pe songon i, toktong do barani nasida paboahon barita na uli jala dang adong na tolap mangorai nasida.—Rom 8:31.
Arta na Adong di Bibel
it-1-IN 740 ¶1
Tano na Dijanjihon Debata tu Halak Israel
Massai bagak situtu do luat na dilehon Jahowa tu bangso Israel. Tikki disuru si Musa mata-mata mangida Tano na Dijanjihon i, disuru do nasida mamboan hasil ni tano i. Diboan nasida ma buah delima, buah ara, dohot buah anggur satandan na balga. Ikkon dua halak ma na mangangkat buah anggur i alani boratna. Nang pe mabiar nasida di mulana, alai didok nasida do, “Massai godang do susu dohot madu di luat i.”—4Mus 13:23, 27.
29 MARET–4 APRIL
ARTA NA ARGA NA ADONG DI BIBEL 4 MUSA 15-16
“Unang ma Ginjang Rohatta Jala Pasangaphu tu Diritta Sandiri”
w11-IN 15/9 27 ¶12
Appuna ni Jahowa do Hamu?
12 Tikki di pardalanan halak Israel lao tu Tano na Dijanjihon, didok si Kora do dang denggan cara ni si Musa mangatur bangso i. Dung i, adong ma 250 halak pamimpin ni Israel na mangihutton si Kora. Jala didok nasida, dumenggan do molo nasida mangatur. Pos do roha ni si Kora dohot akka donganna i na lomo roha ni Jahowa tu nasida. Didok nasida ma tu si Musa, “Paso ma na binahenmuna i! Badia do bangso on, jala didongani Jahowa do nasida.” (4 Mus. 16:1-3) On patuduhon na ginjang do roha ni nasida. Didok si Musa ma tu nasida, “Paboaon ni Jahowa ma ise do na gabe appunana.” (Jaha 4 Musa 16:5.) Marsogot nai, dipamate Jahowa ma si Kora dohot akka donganna i.—4 Mus. 16:31-35.
w11-IN 15/9 27 ¶11
Appuna ni Jahowa do Hamu?
11 Halak Lepi pinoppar ni si Kohat do si Kora. Godang do tanggung jawab na dilehon tu ibana. Diida ibana do tikki mardalan halak Israel di Laut Merah. Diida ibana do muse halak Israel dipamate Jahowa ala dang dioloi nasida hata ni Jahowa tikki di Dolok Sinai. Dohot do ibana muse martanggung jawab mangurus poti parpadanan. (2 Mus. 32:26-29; 4 Mus. 3:30,31) Saleleng martaon-taon, setia do ibana tu Jahowa. Alani i ma godang halak Israel na pasangappon ibana. Alai di pudian ni ari, dang diargai ibana keputusan dohot aturan na dibahen Jahowa. Gabe muruk ma Jahowa tu ibana. Alai, dihaholongi Jahowa do si Musa, ala toktong ibana mangihutton aturan ni Jahowa.
Arta na Adong di Bibel
w98-IN 1/9 20 ¶1-2
Pastihon ma Aha na Urrikkot!
Rikkot situtu do parsoalan on di Jahowa. Bibel mandok, “Didok Jahowa ma tu si Musa, ‘Ikkon dipamate do bawa i.’ ” (4 Musa 15:35) Boasa muruk situtu Jahowa tu bawa i?
Adong do onom ari na boi dipakke bangso i lao mangurus sipanganon, pakkean, inganan, dohot papunguhon soban. Alai molo ari papituhon, nungnga ditottuhon i lao manomba Jahowa. Dang sala lao papunguhon soban. Alai, sala do molo papunguhon soban di ari naung ditottuhon lao manomba Jahowa. Nang pe dang mangihutton Patik ni si Musa be hita saonari, gabe parsiajaran do i tu hita. Porlu do tapastihon dia do na urrikkot.—Pilippi 1:10.
5-11 APRIL
ARTA NA ARGA NA ADONG DI BIBEL 4 MUSA 17-19
“Ai Au do . . . Mangalehon na Porlu di Ho”
w11-IN 15/9 13 ¶9
Pos do Rohamuna na Lehonon ni Jahowa na Porlu di Hamu?
9 Dang adong tano parbagianan ni halak Lepi na boi diula lao paradehon na porlu di nasida. Unggodang do tikki na dipakke nasida lao mangulahon ulaon manomba Jahowa. Alani i, ikkon pos do roha ni nasida tu hata ni Jahowa na mandok, ‘Au do na manjaga ho.’ (4 Mus. 18:20) Nang pe dang songon halak Lepi dohot akka malim hita, boi do tatiru nasida. Ikkon pos do rohatta, urupan ni Jahowa do hita paradehon na porlu di hita. Lam jonok ari ni Jahowa, ikkon lam marpos ni roha ma hita tu Ibana.—Pgk. 13:17.
w11-IN 15/9 8 ¶4
Jahowa do na Manjaga Au
4 Sadia rikkot do tugas i di halak Lepi? Didok Jahowa Ibana ma na manjaga nasida. Lapatanna, nang pe dang adong tano parbagianan ni nasida, alai adong do tugas na rikkot na dilehon tu nasida. Tugas “gabe malim ni Jahowa” ma na gabe parbagianan ni nasida. (Jos. 18:7) Molo taparrohahon konteks ni 4 Musa 18:20, lehonon ni Jahowa do akka na porlu di nasida. (Jaha 4 Musa 18:19, 21, 24.) Ikkon dilehon do tu halak Lepi “saparsappulu sian sude appuna ni halak Israel”. Jadi, jaloon ni halak Lepi do saparsappulu sian hasil tano ni halak Israel dohot sian binatang na tamba appuna ni halak Israel. Dung i, ikkon dilehon halak Lepi do saparsappulu “na dumenggan”, na dijalo nasida lao mangurupi akka ulaon ni malim. (4 Mus. 18:25-29) Akka malim pe, dapot ni nasida do “sude sumbangan na badia” na dilehon halak Israel tu Debata di inganan na badia. Jadi, boi do pos roha ni akka malim i, paradeon ni Jahowa do akka na porlu di nasida.
Arta na Adong di Bibel
g02-IN 8/6 14 ¶2
Sira—Massai Mararga do i
Sira dipakke do tong gabe lambang ni akka na boi martahan salelengna. Alani i ma akka parjanjian na didok di Bibel digoari “parjanjian sira”. Tikki mambahen parjanjian i akka halak, biasana rap mangan do nasida, jala dipakke do sira lao pahotton parjanjian i. (4 Musa 18:19) Di Patik ni si Musa, dibahen do sira tu pelean situtungon na ditutung di langgatan. On patuduhon dang adong na busuk pelean i.
12-18 APRIL
ARTA NA ARGA NA ADONG DI BIBEL 4 MUSA 20-21
“Toktong ma Lambok Rohamuna Nang pe Adong Tantangan”
Patudu ma Lambok ni Roha jala Bahen Las Roha ni Jahowa
19 Manat ma asa unang taulahon na sala. Rimangi ma muse contoh sian si Musa. Saleleng martaon-taon dipatudu si Musa do lambok ni roha jala dibahen ibana do las roha ni Jahowa. Alai dung laho 40 taon nasida di padang pasir, ndang marlambok ni roha be ibana. Alana, di tingki i mate do itona jala dikubur di Kades. Lungun do roha ni si Musa alani i. Dung i, marungut-ungut ma muse halak Israel tu si Musa ala ndang adong aek. Didok roha ni nasida, ndang boi be nasida mangolu. Nang pe burju si Musa mamimpin nasida jala dibahen Jahowa muse tanda halongangan, alai sai marungut-ungut dope nasida. Sasintongna ndang ala na so adong aek umbahen marungut-ungut nasida, alai disalahon nasida do si Musa ala diboan nasida tu padang pasir.—4 Mus. 20:1-5, 9-11.
Patudu ma Lambok ni Roha jala Bahen Las Roha ni Jahowa
20 Alani i, muruk hian ma si Musa jala gabe mago ma lambok ni rohana. Sasintongna, holan mangkatai do ibana disuru Jahowa tu batu i. Hape gabe muruk do si Musa tu bangso i huhut didok ibana, boi do bahenonna tanda halongangan. Dipungkul si Musa ma batu i sampe dua hali, dung i kaluar ma godang aek. Alani muruk ni rohana dohot ginjang ni rohana, gabe dibahen ibana ma hasalaan na balga. (Ps. 106:32, 33) Ala ndang marlambok ni roha be si Musa, gabe ndang dipaloas be ibana dohot tu Tano na Dijanjihon.—4 Mus. 20:12.
21 Sian on, tadapot ma parsiajaran na ringkot. Na parjolo, ingkon tongtong do hita marlambok ni roha. Molo ndang tapatudu be lambok ni roha, boi do gabe ginjang rohanta jala gabe tadok hata na oto. Na paduahon, nang pe marsak hita jala mangadopi hasusaan, ingkon tongtong ma marlambok ni roha.
w09-IN 1/9 19 ¶5
Hakim na Toktong Mangulahon na Sittong
Na parjolo, dang adong disuru Jahowa makkatai si Musa tu bangso i, tarlumobi lao mandok nasida pangalo. Na paduahon, dang dipasangap si Musa dohot si Aron Debata. Didok Debata ma tu nasida, “Dang dipasangap hamu Au.” (Ayat 12) Tikki didok si Musa dohot si Aron, “Ikkon pakaluaronnami do di hamu aek,” hira na didok nasida ma, dang Debata na mambahen mukjizat parohon aek i. Na patoluhon, dang dipaloas Debata akka halak na mangalo Ibana masuk tu Tano na Dijanjihon. Songon i ma hukuman na dibahen Debata tu si Musa dohot tu si Aron. (4 Musa 14:22,23) Na paopatton, pamimpin ni Israel do si Musa dohot si Aron. Molo lam godang tugas na dijalo sasahalak, lam balga ma tanggung jawabna tu Debata.—Lukas 12:48.
Arta na Adong di Bibel
w14-IN 15/6 26 ¶12
Olo do Hamu Maniru Jahowa Manalpuhon Hasalaan ni Donganta?
12 Sasittongna boi do pittor dihukum Jahowa si Aron tikki mangulahon na sala. Alai, diboto Jahowa do dang pangalo ibana nang pe adong hahuranganna. Dibahen ibana pe na sala, alani situasi do jala ala dipaksa akka halak. Nang pe songon i, olo do si Aron mangakkui hasalaanna jala olo dipissang Jahowa. (2 Mus. 32:26; 4 Mus. 12:11; 20:23-27) Holong do roha ni si Aron tu Jahowa jala olo do ibana muba. Alani i, disesa Jahowa do dosana. Martaon-taon dukkon i, didok Jahowa do si Aron dohot keluargana naposona na toktong setia.—Ps 115:10-12; 135:19, 20.
19-25 APRIL
ARTA NA ARGA NA ADONG DI BIBEL 4 MUSA 22-24
“Dibahen Jahowa ma Muba Sitaonon Gabe Pasu-Pasu”
bt-IN 53 ¶5
Paboahon “Barita na Uli taringot tu Jesus”
5 Songon na masa di abad na parjolo, dang boi dipaso ulaon marbarita nang pe adong penganiayaan. Adong do donganta na gabe dipenjara manang diboan tu negara na asing alani penganiayaan i. Alai, laos gabe dalan do i tu akka halak na disi lao mambege barita na uli. Contohna, saleleng Porang Dunia II, gabe boi ma Saksi Jahowa marbarita na uli di kamp-kamp konsentrasi Nazi. Adong sahalak Jahudi na pajuppang dohot Saksi Jahowa di kamp konsentrasi mandok, “Ala toktong do sabar akka Saksi Jahowa na di penjara i, gabe pos ma rohakku na mangihutton ajaran ni Bibel do halak i. Alani i ma gabe Saksi Jahowa au.”
it-1-IN 810 ¶2
Haotoon
Haotoon do Mangalo Jahowa. Asa dapot ni si Bileam hepeng sian si Balas Raja ni Moab, naeng dibahen ibana ma marjea halak Israel. Ulaon ni halak na oto do on. Jadi, diabbati Jahowa ma asa unang marjea halak Israel dibahen. Songon dia carana? Apostel Petrus mandok, “Halode na so boi makkatai pe gabe boi makkatai songon jolma lao mangabbati haotoon ni panurirang i.” Lao patuduhon haotoon ni si Bileam, dipakke apostel Petrus do hata Junani parafronia, na lapatanna “dang adong pikkiranna.”—2Ptr 2:15, 16; 4Mus 22:26-31.
Arta na Adong di Bibel
w04-IN 1/8 27 ¶2
Akka na Rikkot sian Bukku 4 Musa
22:20-22—Boasa muruk situtu Jahowa tu si Bileam? Nungnga dipasingot Jahowa hian asa unang lao si Bileam mambahen bangso Israel marjea. (4 Musa 22:12) Alai, tong do lao ibana rap dohot akka pamimpin ni halak Moab. Lomo rohana mambahen las roha ni raja Moab jala asa dapotan hepeng ibana sian raja i. (2 Petrus 2:15, 16; Judas 11) Alai, dibahen Jahowa do muba kutukan ni si Bileam gabe pasu-pasu. Nang pe songon i, sai dilului si Bileam do cara asa mambahen bangso Israel marjea. Disuru ibana ma akka borua ni Moab lao manggoda bawa ni Israel. (4 Musa 31:15, 16) Takkas ma, hisap do si Bileam on tu hepeng jala dang hasea pangalahona. I do alana muruk situtu Jahowa tu ibana.
26 APRIL–2 MEI
ARTA NA ARGA NA ADONG DI BIBEL 4 MUSA 25-26
“Tindakan ni Sasahalak Boi do Berpengaruh tu Godang Halak”
“Pasiding ma Parmainanon”
SAHALAK pangkail laho mangkail dengke. Diboto ibana do didia inganan ni dengke na laho sihailonna. Dipillit ibana do umpan na pas tu dengkena i. Dung i, disampathon ma hailna i, ndang leleng tanggir ma tali ni hail i jala mardengkuk baorna (pancingna). Mengkel ma ibana, ala diallang dengke i do umpan na dipillitna.
2 Taon 1473 S.M., sahalak baoa na margoar si Bileam, naeng mambahen umpan tu naposo ni Debata, na marundungundung di Adaran ni Moab, di parbatasan ni Tano Kanaan. Si Bileam mandok tu halak Israel, molo ibana sahalak panurirang ni Jahowa. Alai sasintongna, naung digaji do ibana laho mamburai halak Israel. Marhite pangurupion ni Jahowa, gabe hata pasupasu do na dipasahat ibana. Nang pe songon i, marsitutu do ibana mandapot hepeng i. Diboto si Bileam do na uhumon ni Debata bangso Israel molo boi dielaela ibana bangso i mangulahon dosa na balga. Alani i, dibahen ibana ma boru ni halak Moab laho mangelaela halak Israel.—4 Musa 22:1-7; 31:15, 16; Pangungkapon 2:14.
“Pasiding ma Parmainanon”
4 Boasa boi masa on? Nunga godang sian nasida sai mamingkirhon roha na jahat, ala nunga mandao sian Jahowa, Debata na paluahon nasida sian Mesir, na mamparrohahon nasida di halongonan jala mangurupi nasida bongot tu Tano Kanaan. (Heber 3:12) Tingki mangarimangi on, apostel Paulus manurat, ”Unang ma hita marmainan, songon na deba sian nasida na marmainan i, gabe mate satongkin duapulutolu ribu di na sadari i”.—1 Korint 10:8.
Arta na Adong di Bibel
it-1-IN 341 ¶3-4
Perbatasan ni Tano
Adong dua cara ni Jahowa lao mambagi tano tu akka marga ni halak Israel. Na parjolo mangihutton undi. Na paduahon mangihutton godang ni halak di marga i. Dibahen do undi lao manottuhon tano na dia do na dilehon tu sada marga. Contohna, di sabola utara do manang selatan, timur manang barat, di pantai do manang di dolok. Jahowa do na manottuhon hasil ni undi i asa unang marbadai akka marga. (Poda 16:33) Marhite cara i, gabe boi ma ditottuhon Jahowa tano na dia do parbagianan ni ganup marga, dos songon surirang na dipaboa tu si Jakkob. Disurat do surirang i di 1 Musa 49:1-33.
Dukkon i ditottuhon ma bolak ni parbagianan ni ganup marga, mangihutton godang ni halak di marga i. Didok Bibel, “Bagi-bagi hamu ma luat i gabe appuna ni keluargamuna mamakke undi. Molo godang do nasida sapunguan, tambai ma parbagiananna. Alai molo otik do nasida sapunguan, orui ma parbagianan ni nasida. Parbagianan ni sasahalak ditottuhon sian hasil ni undi.” (4Mus 33:54) Molo inganan ni tano i, tong do mangihutton hasil ni undi. Alai boi do ditambai manang diorui bolak ni tano na dilehon tu nasida. Contohna, ala umbolak tano parbagianan ni marga Juda, gabe diorui do i jala dilehon tu marga Simeon alana unggodang do nasida.—Jos 19:9.