Referensi tu Parpunguan Hangoluan dohot Pangkobasion na Laho Diparsiajari
© 2023 Watch Tower Bible and Tract Society of Pennsylvania
3-9 JULI
ARTA NA ARGA NA ADONG DI BIBEL | ESRA 4-6
“Unang ma Orai Hamu Nasida Pajongjokkon Jabu ni Debata”
Rimangi ma Parnidaan ni si Sakaria
13 Nang pe dilarang dope pembangunan ni bagas joro di tikki i, alai dilanjutton Sintua Malim Jesua dohot Gubernur Serubabel ma muse pembangunan i. Nasida do akka pamimpin na dipillit Jahowa. (Esr. 5:1, 2) Olo do ra halak Jahudi merasa, sala do keputusan na dibahen si Jesua dohot si Serubabel i. Alana dang boi ditabunihon nasida pembangunan i sian akka musu. Pasti dibahen musu do annon segala cara lao pasohon pembangunan i. Alani i, ikkon pos do roha ni si Serubabel dohot si Jesua na sai didongani Jahowa do nasida. Aha ma na boi paposson roha ni nasida?
wp17.3 9 ¶2-5
Bukti na Asing
Hea do Jerusalem gabe bagian sian pamarentaon ni Persia. Kota i di luat na didok Bariba ni Batang Aek na di barat ni sunge Euprat. Dung ditaluhon halak Persia kota Babel, dipaloas ma halak Jahudi laho pajongjongkon joro ni Jahowa di Jerusalem. (Esra 1:1-4) Alai, ndang lomo roha ni musu ni halak Jahudi mangida i, gabe dibahen ma i dalan laho mandok na mangalo do halak Jahudi tu halak Persia. (Esra 4:4-16) Saleleng pamarentaon ni si Darius na parjolo (taon 522-486 SM), sahalak pejabat Persia na margoar si Tatnai, manulingkiti parsoalan i. Didok Bibel do ibana, “pangarajai ni luat i sian bariba ni batang aek”.—Esra 5:3-7.
Di pigapiga batu na disurat di bagasan huruf paku, dipaboa do molo goar ni si Tatnai bagian sian sejarah ni sada keluarga. Surat i marisi parjanjian na disurat taon paduapuluhon pamarentaon ni si Darius na parjolo, i ma taon 502 SM. Jala parhobas ni “si Tattannu, pangarajai di Bariba ni Batang Aek” ma na gabe saksi di parjanjian i. Adong do partalian ni hatorangan i tu sasahalak na disurat di Bibel, i ma na didok si Tatnai, na disurat di buku Esra.
Aha do na diulahon ibana? Taon 535 SM, dibagi si Sirus Agung ma pigapiga luat na nirajaanna gabe pigapiga provinsi, sada sian i digoari “Babel dohot Bariba ni Batang Aek”. Ndang sadia leleng, dibagi dua ma muse provinsi i. Sada sian i digoari ma Bariba ni Batang Aek jala disi ma luat Coele-Syria, Fenisia, Samaria, dohot Juda. Jala sian Damaskus do ra si Tatnai mamarenta luat on mulai sian taon 520 sahat tu 502 SM.
Laho ma si Tatnai tu Jerusalem laho manulingkiti parsoalan i. Dipaboa ibana ma tu si Darius songon na nidok ni halak Jahudi, ai si Sirus do na mangalehon parenta tu halak Jahudi laho pajongjongkon bagas joro ni Jahowa. Jala i do na tarsurat di buku harajaon. (Esra 5:6, 7, 11-13; 6:1-3) Alani i, diparentahon ma asa diloas si Tatnai halak Jahudi pajongjongkon joro i. Jala olo do ibana.—Esra 6:6, 7, 13.
Rimangi ma Parnidaan ni si Sakaria
7 Dang leleng dukkon i di taon 520 SM, mamaretta ma Raja Darius I di Persia. Ibana ma na mangurupi halak Jahudi mangalanjutton pembangunan ni bagas joro i. Di taon paduahon ibana mamaretta, dipareso ibana ma taringot pelarangan membangun bagas joro i, jala diboto ibana ma dang sesuai i tu hukum na marlakku. Gabe diparettahon si Darius ma asa dilanjutton halak Jahudi pembangunan i. (Esr. 6:1-3) Godang do halak na bingung alani keputusan ni raja i. Tamba bingung do muse nasida ala diparettahon raja do akka bangso di sekitar ni halak Jahudi, asa unang mangganggu nasida, jala asa dilehon sumbangan dohot akka barang-barang na dihaporluhon lao membangun bagas joro i. (Esr. 6:7-12) Hasilna, gabe sae ma dipajongjong halak Jahudi bagas joro i opat taon dukkon i, i ma di taon 515 SM.—Esr. 6:15.
Rimangi ma Parnidaan ni si Sakaria
16 Dilehon Jahowa do muse petunjuk tu hita marhite “naposo haposan jala na marbisuk”. (Mat. 24:45) Alai olo do sipata hita merasa dang masuk akkal petunjuk i. Contohna petunjuk taringot menghadapi bencana alam, na tahilala dang mungkin masa di daerahta. Manang olo do ra hita merasa terlalu kaku do nasida menanggapi pandemi on. Attong aha do na ikkon taulahon molo maol hita mangihutton petunjuk? Taingot ma manfaat na dapot ni halak Israel ala olo nasida manangihon si Jesua dohot si Serubabel. Dung i, taingot ma muse akka kisah na asing na disurat di Bibel. Sipata olo do memang naposo ni Jahowa merasa dang masuk akkal petunjuk na sian Jahowa i. Alai ternyata petunjuk i do na mambahen nasida selamat.—Pangh. 7:7; 8:10.
Arta na Adong di Bibel
w93-IN 15/6 32 ¶3-5
Boi do Tahaporseai Isi ni Bibel?
Hepeng logam on dibahen di Tarsus, i ma sada kota di sabola tenggara ni Turki. Di abad paopatton SM do dibahen hepeng logam on tikki masa pamarettaon ni si Mazeus gubernur ni Persia. Adong do dipaboa di hepeng logam i taringot gubernur ni “akka luat na di Bariba ni Sunge”, i ma Sunge Euprat.
Boasa massai penting istilah “akka luat na di Bariba ni Sunge” on? Alana adong do disurat istilah on di Bibelmuna. Molo dijaha hamu Esra 5:6–6:13 adong do dipaboa si Esra disi taringot sahalak gubernur na margoar si Tatnai. Dibahen ibana do surat tu si Darius i ma raja Persia. Di surat i dihatai do taringot bangso Israel na padenggatton bagas joro na di Jerusalem. Sahalak panalin na malo do si Esra. Jadi tikki manuratton Hata ni Debata, pasti hati-hati, jala manat do ibana manuratton i. Molo diperiksa hamu di Esra 5:6 dohot 6:13, didok ibana do di ayat i si Tatnai i ma “gubernur ni akka luat na di Bariba ni Sunge”.
Hira-hira taon 460 SM ma disuratton si Esra on, i ma hira-hira 100 taon sebelum dicetak hepeng logam on. Adong halak na mandok, hira na hurang penting do hatorangan on. Alai sebenarna penting do on. Alana molo hatorangan na singkat sajo pe sittong disuratton, tarlumobi ma akka hatorangan na asing na adong di Bibel.
10-16 JULI
ARTA NA ARGA NA ADONG DI BIBEL | ESRA 7-8
“Parohon Pujian do Pangalaho ni si Esra tu Goar ni Jahowa”
w00-IN 1/10 14 ¶8
Tabo Hian do na Marsiajar Bibel i
8 Ikkon holong do rohatta tu Hata ni Jahowa. Asa boi holong rohatta tu Hata ni Jahowa, tikki tajaha sada ayat berusaha ma hita mangattusi pikkiran ni Jahowa sian ayat i. Asa boi taulahon i, tatiru ma si Esra. Didok Bibel, “Nungnga diparade si Esra rohana lao marsiajar taringot Patik ni Jahowa jala mangulahon i. Diparade ibana do muse rohana lao mangajarhon aturan dohot hukum na adong di patik i tu halak Israel.” (Esra 7:10) Aha do tujuan ni si Esra paradehon rohana? Asa boi ibana marsiajar taringot Patik ni Jahowa, mangulahon i, jala mangajarhon i tu halak Israel.
si-IN 75-76 ¶5
Bukku Nomor 13 di Bibel—1 Kronika
5 Holan si Esra do na memenuhi syarat manuratton sejarah na boi dihaporseai on. Alana didok Bibel, “Nungnga diparade si Esra rohana lao marsiajar taringot Patik ni Jahowa jala mangulahon i. Diparade ibana do muse rohana lao mangajarhon aturan dohot hukum na adong di patik i tu halak Israel.” (Esra 7:10) Diurupi Jahowa do si Esra marhite tondi parbadiana. Alani i, diakkui raja Persia do na marbisuk si Esra dibahen Debata jala dilehon ma tanggung jawab na balga tu ibana. (Esra 7:12-26) Ala dilehon Jahowa tondi parbadiana tu si Esra, jala dilehon raja huaso tu ibana, gabe boi ma ibana manuratton akka catatan sejarah na terbaik di tikki i.
it-2-IN 641-642 ¶7
Serep ni Roha
Mangurupi Sasahalak asa Mardalan di Dalan na Sittong. Manang ise na patutoru dirina di jolo ni Jahowa, boi do pos rohana pasti dijaga jala diurupi Jahowa do ibana. Contohna, balga do tanggung jawab na dilehon tu si Esra. Alana godang do halak na diboan ibana mulak tu Jerusalem. Adong lobi 1.500 bawa, akka malim, halak Netinim, akka borua dohot dakdanak. Diboan nasida do muse godang mas dohot perak lao dipakke tu bagas joro di Jerusalem. Alani i, ikkon adong do sebenarna na manjaga nasida saleleng di pardalanan. Alai dang olo si Esra mangido tentara militer tu raja Persia lao mandongani nasida. Alana molo dipangido ibana songon i, hira na mangasahon gogo ni jolma ma nasida. Jala nungnga hea didok si Esra tu raja, “Didongani Debatanami do sude na mangalului Ibana.” Jadi disuru ibana ma sude halak Israel marpuasa asa dipatutoru nasida dirina di jolo ni Jahowa. Martangiang ma nasida tu Jahowa, jala ditangihon Jahowa do tangiang ni nasida i. Dijaga Jahowa do nasida sian musu saleleng di pardalanan i, jala boi ma nasida sahat tu tujuan. (Esr 8:1-14, 21-32) Contoh na asing, i ma Panurirang Daniel. Tikki ditawan ibana di Babel, martangiang do ibana tu Jahowa mangido asa mangattusi aha na lao masa di ari na naeng ro. Jala dipatutoru si Daniel do dirina di jolo ni Debata. Dialusi Jahowa do pangidoanna i, jala disuru Jahowa do sada suru-suruan manjuppangi si Daniel di bagasan parnidaan.—Dan 10:12.
Arta na Adong di Bibel
w06-IN 15/1 19-20 ¶9
Akka na Denggan sian Bukku Esra
7:28–8:20—Boasa godang halak Jahudi na di Babel dang olo borhat tu Jerusalem rap dohot si Esra? Onom pulu taon sebelumna nungnga adong sarombongan halak Jahudi na mulak tu Jerusalem dohot tu Juda. Nang pe songon i, otik dope penduduk ni Jerusalem. Alana sulit do kehidupan di Jerusalem jala berbahaya, hape adong do halak Jahudi naung gabe mamora di Babel. Asing ni i, molo mulak nasida tu Jerusalem, godang bahaya na ikkon dihadapi nasida saleleng di pardalanan. Jadi asa boi nasida mambahen keputusan lao mulak, ikkon pos do roha ni nasida tu Jahowa, ikkon barani, jala ikkon holong do roha ni nasida tu ibadat na sittong. Si Esra sandiri pe na dipapos ibana do rohana jala na diurupi tondi parbadia ni Jahowa do umbahen na olo ibana mulak. Dung i, dijujui si Esra ma halak Israel na asing asa olo mulak. Hasilna adong ma 1.500 keluarga, na godangna hira-hira 6.000 halak na olo mulak dohot si Esra. Dung i, adong muse 38 halak Lepi dohot 220 halak Netinim na olo rap mulak.
17-23 JULI
ARTA NA ARGA NA ADONG DI BIBEL ESRA 9-10
“Akibatna Molo Dang Mangoloi Paretta ni Jahowa”
w06-IN 15/1 20 ¶1
Akka na Denggan sian Bukku Esra
9:1, 2—Aha do akibatna molo mangoli manang muli halak Israel tu halak na manomba debata na so sittong? Dung mulak halak Israel tu Jerusalem, ikkon dijaga jala dipadenggan nasida do ibadat na sittong sahat tu na ro Messias. Alai molo mangoli manang muli nasida tu halak na manomba debata na so sittong, boi do gabe dang badia be ibadat na sittong i. Nungnga adong halak Israel na mangoli tu borua na manomba debata na so sittong. Akibatna, mardongan ma nasida tu halak na sian bangso na asing jala boi do on mambahen gabe dang manomba Debata na sittong be halak Israel. Molo nga songon i na masa, boi do gabe sundat ro Messias. Alani i ma gabe tarsonggot si Esra mangida na masa i.
w09-IN 1/10 10 ¶6
Aha do na Dipangido Jahowa sian Hita?
Bermanfaat do tu hita molo taihutton paretta ni Jahowa. Songon na disurat si Musa, “Oloi hamu ma akka parettana dohot aturan ni Jahowa na hupaboa tu hamu sadari on, asa denggan ngolumuna.” (Ayat 13) Pos do rohatta pasti akka na denggan do na diparettahon Jahowa tu hita. Alana didok Bibel, “Holong do Debata”. (1 Johannes 4:8) Jadi pasti denggan do ngolutta molo taihutton paretta ni Jahowa. (Jesaya 48:17) Alana gabe terhindar ma hita sian akibat ni pangalaho na so denggan. Jala di masa depan boi ma dapotta hangoluan na saleleng ni lelengna.
Arta na Adong di Bibel
w06-IN 15/1 20 ¶2
Akka na Denggan sian Bukku Esra
10:3, 44—Boasa dipalao dakdanak rap dohot omak ni nasida na sian bangso na asing? Alana molo dang dohot dipalao akka dakdanak i rap dohot omak ni nasida na sian bangso na asing, olo do gabe mulak muse omak ni nasida lao manjuppangi anakkonna. Asing ni i, ala gelleng-gelleng dope dakdanak i, porlu dope nasida diurus omak ni nasida.
24-30 JULI
ARTA NA ARGA NA ADONG DI BIBEL | NEHEMIA 1-2
“Satokkin i, Pittor Martangiang ma Au”
w08-IN 15/2 3 ¶5
Sai Taandalhon ma Jahowa Ganup Ari
5 Alani situasi, olo do sipata jeppek tangiangta. Contohna tikki diida Raja Artasasta marsak si Nehemia, disukkun raja ma tu ibana aha na masa. Dung i, dipaboa si Nehemia ma arsak ni rohana tu raja. Disukkun raja ma muse tu ibana, “Jadi aha ma na naeng bahenonmu?” Jadi aha ma na diulahon si Nehemia? Bibel mandok, “Satokkin i, pittor martangiang ma au tu Debata na di surgo.” Tikki i, di bagasan rohana do si Nehemia martangiang jala jeppek do tangiangna. Nang pe songon i, dialusi Debata do tangiangna i. Diloas raja do muse si Nehemia mulak tu Jerusalem asa boi padenggatton tembok na di Jerusalem. Jala dilehon raja do muse akka na porlu lao padenggatton tembok i. (Jaha Nehemia 2:1-8.) Jadi olo do Jahowa mangalusi tangiangta nang pe jeppek tangiangta i jala holan di bagasan rohatta.
be-IN 178 ¶1
Molo Toppu Disuru Marjamita
Molo toppu adong na manukkun taringot haporseaotta aha ma na porlu taulahon asa boi hita denggan mangalusi? Tatiru ma si Nehemia. Pittor martangiang do ibana tikki adong na disukkun Raja Artasasta tu ibana. (Neh. 2:4) Dung i, tasusun ma di pikkiranta aha na lao dokkonotta. Misalna: (1) Pillit ma sada manang dua gagasan utama na lao tapaboa (boi do taida akka gagasan i di bukku Bertukar Pikiran mengenai Ayat-Ayat Alkitab). (2) Tottuhon ma ayat na dia na lao tapakke lao patorakkon gagasan utama i. (3) Tapikkirhon ma boha carana mamukka pakkataion asa olo halak na manukkun i manangihon hita. Dung i, baru ma tapatorang taringot haporseaotta.
Arta na Adong di Bibel
w86-IN s-22 21
Monang do Ibadat na Sittong
Daong, alana nungnga sering ditangiakkon si Nehemia taringot Jerusalem “arian nang borngin”. (1:4, 6) Dung i tikki disukkun Raja Artasasta tu si Nehemia taringot tembok Jerusalem i, martangiang do muse si Nehemia. Jadi sebenarna nungnga piga-piga hali ditangiakkon si Nehemia taringot Jerusalem. Jala ditangihon Jahowa do tangiangna i. Diloas do ibana mulak tu Jerusalem lao padenggatton tembok ni kota i.
Parsiajaranna tu Hita: Dilului si Nehemia do petunjuk na sian Jahowa. Tikki naeng mambahen keputusan hita, “toktong ma martangiang”. Dung i taihutton ma petunjuk ni Jahowa.—Rom 12:12.
31 JULI–6 AGUSTUS
ARTA NA ARGA NA ADONG DI BIBEL | NEHEMIA 3-4
“Olo do Au Mangulahon Karejo Fisik?”
w06-IN 1/2 9-10 ¶9
Akka na Denggan sian Bukku Nehemia
3:5, 27. Unang ma tatiru “akka halak na sangap” na di Tekoa. Dang olo nasida dohot padenggatton tembok Jerusalem. Alana dianggap nasida do i gabe hira na patutoru diri ni nasida. Alai tatiru ma akka rakyat na di Tekoa. Olo do nasida mangulahon karejo manang aha pe lao mendukung ibadat na sittong.
Songon dia Jahowa Mamangke Hamu Laho Mangulahon Sangkapna?
11 Marratus taon dungkon i, dipangke Jahowa do angka boru ni si Sallum laho padengganhon tembok ni Jerusalem. (Neh. 2:20; 3:12) Nang pe boru ni raja nasida, rade do angka boru ni si Sallum mangulahon karejo na borat jala na berbahaya. (Neh. 4:9-12) Imbar do nasida dohot angka baoa na sangap na sian Tekoa na so olo mangurupi ulaon i. (Neh. 3:5) Bayangkon ma las ni roha ni boru ni si Sallum dung sae ulaon i holan di bagasan 52 ari! (Neh. 6:15) Saonari pe, las do roha ni angka donganta borua mangurupi angka ulaon di organisasi. Umpamana, pajongjongkon dohot mangarawat angka bangunan na dipangke laho manomba Jahowa. Ala tarlatik, semangat jala setia nasida, boi ma marhasil ulaon i.
w04-IN 1/8 18 ¶16
Tatiru ma Pandangan ni Kristus Taringot Hasangapon
16 Sude hita porlu do maniru pandangan ni Kristus taringot hasangapon. Dang soal na matua nang na poso dope hita. Alana godang tugas na porlu taulahon di huria. Jadi unang pola jut rohatta molo dipangido makkarejohon karejo tugas na so pola sangap diida halak. (1 Samuel 25:41; 2 Raja-Raja 3:11) Hamu akka natua-tua, diajari hamu do gellengmuna asa las rohana mangulahon tugas manang aha pe na dilehon tu nasida? Olo do hamu makkarejohon karejo na so pola sangap diida halak asa boi ditiru gellengmuna? Songon on ma na didok sahalak saudara na karejo di kantor pusat taringot natua-tuana, “Tikki paiasson Bale Harajaon manang Bale Kebaktian natua-tuaku, boi do huida na penting do tugas i di nasida. Rade do nasida mangulahon tugas manang aha pe di huria. Jala rade do nasida mangurupi akka dongan dang soal sangap manang dang ulaon i diida halak. Gabe sitiruon do nasida di au. Saonari nga di Betel au. Olo do au mangulahon tugas manang aha pe na dilehon tu au.”
Arta na Adong di Bibel
w06-IN 1/2 9 ¶1
Akka na Denggan sian Bukku Nehemia
4:17, 18—Boasa ma akka bawa na pajongjokkon tembok Jerusalem boi karejo holan mamakke sada tangan? Dang ulaon na maol i di akka halak na martugas mamboan barang. Alana dung dibahen nasida barang tu ulu manang tu tanggurung ni nasida, boi do ‘holan mamakke sada tangan nasida maniop i jala sada nai maniop sinjata’. Alai molo ikkon mamakke dua tangan do sasahalak karejo, diikkatton nasida ma podang di gottingna huhut mambangun. Jadi manang sadihari pe ro musu, nungnga rade nasida marporang.
7-13 AGUSTUS
ARTA NA ARGA NA ADONG DI BIBEL | NEHEMIA 5-7
“Olo do si Nehemia Mamparrohahon na Porlu di Halak na Asing”
w02-IN 1/11 27 ¶3
Akka Halak na Mendukung Ibadat na Sittong
Dang holan tikki dohot keterampilan na dilehon si Nehemia. Alai olo do ibana mamakke artana lao mendukung ibadat na sittong. Dituhor ibana do halak Jahudi na gabe hatoban ni bangso na asing mamakke hepengna sandiri, olo do ibana papinjappon hepengna dang pola marbunga, jala dang hea ibana menuntut bagian naung ditottuhon tu akka gubernur, “asa unang susa akka rakyat”. Asing ni i, sai rade do ibana mangalehon mangan 150 halak Jahudi dohot akka halak na asing na rap dohot nasida. Ganup ari diparade ibana do “sada lombu, onom biru-biru na dumenggan, dohot akka pidong” lao allangon ni akka tamuna. Jala ‘diparade do godang anggur siinumon na marragam sahali sappulu ari’. Hepeng ni si Nehemia sandiri do na paradehon i sude.—Nehemia 5:8, 10, 14-18.
16.09 8 ¶16
“Unang ma Galegale Tanganmu”
16 Marhite pangurupion ni Jahowa, dipatogu do tangan ni si Nehemia dohot halak Jahudi. Dipadenggan nasida ma tembok Jerusalem holan di bagasan 52 ari! (Neh. 2:18; 6:15, 16) Si Nehemia ndang holan mangidaida ulaon i, alai dohot do ibana padengganhon tembok Jerusalem. (Neh. 5:16) Ditiru angka sintua do si Nehemia. Dohot do nasida mangurupi ulaon konstruksi dohot paiashon Bale Harajaon. Dipatogu nasida do dongan sahaporseaon na marsitaonon marhite manjumpangi nasida jala manogihon nasida rap marbarita na uli.—Jaha Jesaya 35:3, 4.
w00-IN 1/2 32
Diingot Jahowa do Hamu?
Molo dipakke istilah “diingot” Debata di Bibel, on patuduhon adong na diulahon Debata lao mangurupi sasahalak. Misalna, 150 ari dukkon aek na sumar didok do di Bibel, “Diingot Debata do si Noak. . . . Dibahen Debata ma mangullus alogo tu tano on. Gabe moru ma aek i.” (1 Musa 8:1, surat na di toru) Marratus taon dukkon i, dung mapitung si Simson dibahen halak Palistim jala diratte ibana, martangiang ma ibana tu Debata. Didok ibana ma, “Ale Jahowa Tuan Natumimbul, ingot ma au. Bahen ma au gogo, holan sahali on pe.” Diingot Jahowa do si Simson. Dibahen Jahowa ma muse ibana gogo jala boi mambalos sude halak Palistim. (Panguhum 16:28-30) Diingot Jahowa do tong si Nehemia. Dipasu-pasu Jahowa do kerja kerasna jala dipadenggan ma muse ibadat na sittong di Jerusalem.
Arta na Adong di Bibel
w07-IN 1/7 30 ¶15
“Toktong ma Taluhon na Jahat i Marhite na Denggan”
15 Na patoluhon dipakke akka musu ni Nehemia do sahalak penghianat, i ma si Semaya halak Israel asa mambahen si Nehemia mangalanggar Patik ni Debata. Didok si Semaya ma tu si Nehemia, “Beta, martabuni ma hita di bagas joro di jabu ni Debata na sittong. Takucci ma pintuna. Ai ro nama nasida pamatehon ho.” Menurut si Semaya adong halak na lao pamatehon si Nehemia. Jadi ikkon martabuni do si Nehemia di bagas joro asa unang dipamate. Hape dang sahalak malim si Nehemia. Jadi molo martabuni ibana di bagas joro, na mangalanggar Patik ni Debata do ibana disi. Alai didok si Nehemia do, “Dang gabe mate au haroa molo masuk tu bagas joro i? Dang olo au masuk tusi!” Boasa dang boi si Nehemia dioto-otoi si Semaya? Alana diboto si Nehemia do nang pe halak Israel si Semaya, “dang Debata na manuru ibana mandok songon i”. Asing ni i, dang mungkin sahalak panurirang ni Debata manjujui ibana mangalanggar Patik ni Debata. Jadi sahali on pe dang boi akka musu mangoto-otoi si Nehemia. Dang leleng dukkon i didok si Nehemia ma, “Sae ma tembok i dipajongjong di bagasan 52 ari, i ma di ari na paduapulu limahon di bulan Elul.”—Nehemia 6:10-15; 4 Musa 1:51; 18:7.
14-20 AGUSTUS
ARTA NA ARGA NA ADONG DI BIBEL | NEHEMIA 8-9
“Dilehon Jahowa do Las ni Roha na Mambahen Hamu Togu”
w13-IN 15/10 21 ¶2
Rikkot do Paradehon Tangiang
2 Sae ma tembok Jerusalem dipajongjong di bagasan 52 ari. (Neh. 6:15) Dung i dipikkiri halak Israel ma lao patoguhon hubungan ni nasida tu Debata. Marpungu ma nasida di tano lapang di ari na parjolo di bulan Tisri lao mambege si Esra dohot akka halak Lepi manjahahon Patik ni Debata. Sude do marpungu halak Israel di tikki i, termasuk ma akka dakdanak. Jongjong do nasida manangihon Patik ni Debata dijahahon “mulai sian manogot sahat tu tonga ari”. Sitiruon na denggan do nasida di hita. Saonari on, nga nyaman be hita marpungu di Bale Harajaon. Alai sipata olo do hita marangan-angan tikki marpungu. Molo hea hita songon i, taingot ma teladan ni halak Israel i. Dang holan manangihon Patik ni Debata nasida tikki marpungu i. Alai dipikkiri nasida do tong Patik i. Gabe boi ma nasida mangattusi Patik naung dijahahon i jala adong do na sappe tangis.—Neh. 8:1-9.
w07-IN 15/7 22 ¶9-10
Sai ‘Toktong do Diihutton Hamu Tondi Parbadia’?
9 “Debata na marlas ni roha” do Jahowa. (1 Timoteus 1:11; Psalmen 104:31) Jesus Kristus pe las do rohana tikki mangulahon lomo ni roha ni Bapakna. (Psalmen 40:8; Heber 10:7-9) Jala ‘dilehon Jahowa do las ni roha na mambahen hami togu’.—Nehemia 8:10.
10 Boi do toktong hita marlas ni roha nang pe adong sitaonon, penganiayaan manang adong keluargatta na mate. Alana “parbinotoan taringot Debata” do na mambahen hita marlas ni roha. (Poda 2:1-5) Boasa boi songon i? Alana gabe pos do rohatta tu Jahowa molo nungnga tatanda Ibana jala taboto taringot pelean tobusan ni Jesus. Jala pos ni roha i, boi do mambahen gabe lam togu parale-aleotta tu Debata. Dung i, gabe las ma rohatta ala nga jonok hubungatta tu Debata. (1 Johannes 2:1, 2) Asing ni i, pasti las do rohatta ala boi gabe bagian ni keluarga ni Jahowa. (Sepania 3:9; Haggai 2:7) Marlas ni roha do muse hita ala taboto janji ni Debata di masa depan. Jala boi hita paboahon barita na uli na boi mambahen halak marlas ni roha. (Mateus 6:9, 10; 24:14) Jala marlas ni roha do hita ala taboto lao mangolu saleleng ni lelengna do hita di masa depan. (Johannes 17:3) Sude alasan i pasti boi mambahen hita toktong “marlas ni roha”.—5 Musa 16:15.
Arta na Adong di Bibel
it-1-IN 175 ¶3
Bahasa Aram
Piga-piga taon dung mulak halak Jahudi sian Babel, marpungu ma halak Jahudi di Jerusalem lao manangihon si Esra manjahahon Patik ni Debata. Dung i, dipatorang halak Lepi ma muse lapatan ni Patik i tu bangso i. Didok di Nehemia 8:8, “Torus ma gogo dijahahon nasida bukku Patik ni Debata na sittong i. Takkas do i dipatorang jala dipaboa lapatanna. Gabe boi ma nasida mangurupi bangso i mangattusi patik naung dijahahon i.” Boasa ikkon dipatorang lapatan ni Patik i tu halak Jahudi? Ala nga leleng halak Jahudi tinggal di Babel, olo do ra gabe bahasa Aram na lobi diattusi nasida dibandingkon bahasa Heber. Jadi nang pe nungnga dijahahon Patik i di bahasa Heber, ikkon dipaboa do lapatanna di bahasa Aram asa boi takkas diattusi nasida.
21-27 AGUSTUS
ARTA NA ARGA NA ADONG DI BIBEL | NEHEMIA 10-11
“Dibahen Nasida do Pengorbanan tu Jahowa”
w98-IN 15/10 22 ¶13
Keadaan di Jerusalem na Sadalan tu Lapatan ni Goarna
13 Dung dibahen halak Israel di jaman ni si Nehemia “parjanjian na tarsurat”, mangarade ma nasida lao meresmihon tembok Jerusalem. Alai adong dope masalah na porlu dipasae nasida. Nang pe nungnga sae tembok Jerusalem, alai otik dope halak na tinggal disi. Hape balga do kota Jerusalem. (Nehemia 7:4) Jadi “dibahen bangso i ma undi lao manottuhon sada sian ganup sappulu keluarga asa tinggal di Jerusalem, kota na badia i. . . . Jala dipuji bangso i do akka halak na olo tinggal di Jerusalem”. (Nehemia 11:1, 2) Gabe sitiruon do nasida tu naposo ni Debata saonari on, tarlumobi tu akka halak na olo pinda tu daerah na makkaporluhon parbarita.
w86-IN s-22 22
Monang do Ibadat na Sittong
Sipujion do akka halak na olo mulak tu Jerusalem ala olo do nasida maninggalhon arta ni nasida di Babel. Jala dung mulak pe nasida tu Jerusalem, godang do tong bahaya na dihadapi nasida di kota i. Jadi pasti ditangiakkon halak Israel na asing do nasida asa dipasu-pasu Jahowa.
Las Roha ni Debata Mangida Halak na Marhaporseaon
15 Tingki talehon dirinta tu Jahowa, marjanji do hita mangulahon sude na dihalomohon ni Ibana. Sipata, ndang sai mura manggohi janjinta. Songon dia do molo disuru hita mangulahon ulaon na so pola tahalomohon? Molo rade do hita mangoloi Debata, on patuduhon na marsihohot do hita tu janjinta. Sipata, maol do tahilala mangulahon sude lomo ni roha ni Jahowa, alai molo taulahon i, pasupasuon ni Jahowa do hita. (Mal. 3:10) Saonari, songon dia do taringot boru ni si Jepta? Songon dia do dibahen ibana tu janji ni bapakna?
Arta na Adong di Bibel
w06-IN 1/2 11 ¶1
Akka na Denggan sian Bukku Nehemia
10:34—Boasa ikkon diparade halak Israel soban lao tu jabu ni Jahowa? Di Patik ni si Musa dang adong diparettahon halak Israel asa mamboan soban lao gabe pelean ni nasida. Alai porlu do godang soban lao manutung pelean na adong di bagas joro. Asing ni i, dang godang halak Netinim di tikki i na boi mangurupi akka ulaon di bagas joro. Alani i, dibahen halak Israel ma undi lao manottuhon andigan do nasida ikkon mamboan soban tu jabu ni Debata ganup taon.
28 AGUSTUS–3 SEPTEMBER
ARTA NA ARGA NA ADONG DI BIBEL | NEHEMIA 12-13
“Ihutton ma Cara Pandang ni Jahowa Tikki Mamillit Dongan”
it-1-IN 108 ¶3
Halak Ammon
Dung diusir si Tobia sian gudang ni bagas joro, dijahahon ma Patik ni Debata di 5 Musa 23:3-6 na mandok dang boi halak Ammon dohot halak Moab gabe naposo ni Jahowa. Dung i, dipapulik nasida ma sude pinoppar ni bangso na asing sian halak Israel. (Neh 13:1-3) Sasittongna nungnga 1.000 taon peraturan on dibahen. Alana najolo dang olo halak Ammon dohot halak Moab mangurupi halak Israel tikki naeng masuk tu Tano naung Dijanjihon. Nang pe songon i dang berarti dang boi halak Israel bergaul manang rap tinggal dohot halak Ammon dohot halak Moab. Jala dang na so boi nasida gabe naposo ni Debata. Alana nungnga adong halak Ammon dohot halak Moab na gabe sisomba Jahowa. Contohna si Selek, i ma pamimpin pengawal ni si Daud dohot si Rut halak Moab i. Alai molo tung pe nasida gabe naposo ni Debata, dang boi nasida menikmati hak istimewa songon na dinikmati halak Israel.—Rut 1:4, 16-18.
w13-IN 15/8 4 ¶5-6
Nungnga Dipabadia Hita
5 Jaha Nehemia 13:4-9. Saonari on godang do pengaruh na so denggan di sakalilingta. Alani i, olo do sipata hita terpengaruh. Contohna si Eliasib dohot si Tobia. Sahalak Sintua Malim do si Eliasib. Alai molo si Tobia halak Ammon do ibana, na karejo di pamarettaon ni Persia di Judea. Hea do si Tobia dohot akka donganna mambahen na jahat tu si Nehemia asa sundat tembok ni Jerusalem dipadenggan. (Neh. 2:10) Sebenarna, dang boi halak Ammon masuk tu area bagas joro. (5 Mus. 23:3) Jadi boasa ma dilehon Sintua Malim Eliasib gudang na balga na di bagas joro tu si Tobia?
6 Sahabat ni si Eliasib do si Tobia. Halak Jahudi do istri dohot parumaenna. Jala sai na denggan do na dihatahon halak Jahudi taringot ibana. (Neh. 6:17-19) Adong pahoppu ni si Eliasib na mangoli tu boru ni si Sambalat gubernur ni Samaria na marale-ale tu si Tobia. (Neh. 13:28) Jadi martondong dope si Eliasib dohot si Tobia. Alani i ma olo Sintua Malim Eliasib manangihon hata ni si Tobia. Hape halak na sian bangso na asing do ibana na so manomba Jahowa. Nang pe songon i, toktong do si Nehemia setia tu Jahowa. Barani do ibana manappatton akka barang ni si Tobia tu luar ni ruang makan na di bagas joro.
w96-IN 15/3 16 ¶6
Toktong ma Hita Setia tu Jahowa
6 Asa boi hita setia tu Jahowa, unang ma olo hita bergaul dohot akka halak na so sisomba Jahowa. Alani i ma didok Bibel, “Hamu akka na so setia, na so diboto hamu do, na marmusu do hamu tu Debata molo marale-ale hamu tu portibi on? Manang ise na naeng marale-ale tu portibi on, na mambahen dirina do ibana gabe musu ni Debata.” (Jakobus 4:4) Tatiru ma si Daud na setia tu Jahowa. Didok ibana do, “Ale Jahowa, sogo do rohakku tu akka halak na marsogo ni roha tu Ho, jala magigi do au tu akka halak na mangalo tu Ho. Massai sogo do rohakku tu nasida, nasida do akka musukku.” (Psalmen 139:21, 22) Dang olo hita bergaul tu akka halak na sengaja mangalo Debata. Alana dang adong pardomuonta dohot nasida. Molo setia hita tu Debata, dang olo hita bergaul secara langsung manang dang langsung tu akka halak na sengaja mangalo Debata.
Arta na Adong di Bibel
it-2-IN 176 ¶1
Musik
Tugas na massai penting do marende di bagas joro. Sian dia taboto? Alana sering do dipaboa di Bibel taringot akka parende. Jala asa fokus akka parende i mangulahon tugas ni nasida, “dang dohot nasida mangulahon ulaon na asing” songon na diulahon halak Lepi. (1Kron 9:33) Jadi nang pe halak Lepi akka parende i, alai dang dipasada kelompok ni nasida tu kelompok ni halak Lepi na asing. Tikki disuratton goar ni akka halak na sian Babel, pulik do disuratton goar ni akka parende i. (Esr 2:40, 41) Jala diparettahon Raja Artasasta (Longimanus) raja Persia do asa unang ‘dijalo pajak manang aha pe’ sian akka parende. (Esr 7:24) Di pudian ni ari, adong do peraturan dibahen Raja Artasasta ‘lao mangatur kebutuhan ni akka parende di ulaon ni nasida ganup ari’. Ra si Esra do na mambahen paretta on. Alana nga dilehon Raja Artasasta wewenang tu ibana lao mambahen paretta i. (Neh 11:23; Esr 7:18-26) Jadi nang pe halak Lepi sude parende i, dibahen do sebutan khusus tu nasida. Dipapulik do nasida sian kelompok halak Lepi. Didok do di Bibel, “akka parende, dohot halak Lepi”.—Neh 7:1; 13:10.