Boha do carana mengatasi rasa khawatir?

Aha do na mambahen hamu khawatir?

Sarupa do pakkilalaanmuna songon akka pengalaman on?

“Jotjot do ro tu pikkiranku, ‘Boha ma annon molo . . . ?’ ‘Boha ma annon molo tabrakan hami?’ ‘Boha ma annon molo madabu pesawatnami on?’ Jotjot do au khawatir tu akka na so porlu dikhawatirhon.”​—Si Charles.

“Torus do au merasa khawatir. Gabe songon mobil na torus mardalan ma au alai dang adong tujuanna. Loja do au marpikkir alai dang adong manang aha pe na hupasae!”​—Si Anna.

“Tikki didok halak beruntung do au ala boi dope sikkola, hudok do di bagasan rohakku, ‘Dang diboto halak on na loja hian do marpikkir di sikkola.’”​—Si Daniel.

“Torus do terbebani pikkiranku. Sai khawatir do au mamikkirhon aha na lao masa dohot aha na porlu huulahon.”​—Si Laura.

Faktana: Songon na didok Bibel, mangolu di “tikki hasusaan di ari parpudi” do hita. (2 Timoteus 3:1) Alani i, dang holan halak naung dewasa na merasa khawatir, akka na poso pe tong do merasa khawatir.

Sala do molo khawatir hamu?

Daong. Bibel mandok, wajar do molo khawatir hita mamikkirhon halak na tahaholongi.​—1 Korint 7:​32-34; 2 Korint 11:28.

Asing ni i tikki khawatir hita, gabe tergerak do hita lao bertindak. Misalna, molo naeng ujian hamu minggu depan, boi do rasa khawatir i mambahen hamu gabe serius marsiajar saleleng saminggu i. Jala, rasa khawatir i boi do mangurupi hamu asa berupaya mandapot nilai na denggan.

Rasa khawatir pe boi do melindungi hamu sian bahaya. Sahalak anak boru na margoar si Serena mandok, “Boi do gabe khawatir hamu ala diboto hamu nungnga diulahon hamu na sala. Alani i, ikkon muba do hamu asa tenang pakkilalaanmuna.”​—Bandikkon tu Jakobus 5:14.

Faktana: Boi do rasa khawatir bermanfaat tu hamu, molo ujungna dibahen hamu keputusan na denggan.

Alai, boha do molo rasa khawatir i mambahen hamu gabe torus marpikkiran negatif?

Contoh: Si Richard na marumur 19 taon mandok, “Gabe khawatir do au tikki hupikkirhon akka situasi buruk na boi terjadi. Lam leleng hupikkirhon i, gabe lam khawatir ma au.”

Bibel mandok, “Sehat do pamatang molo dame roha.” (Poda 14:30) Alai boi do rasa khawatir mambahen gabe haccit ulumuna, pusing, haccit butuha, jala gabe lam hatop ma berdetak jantungmuna.

Aha do na boi diulahon hamu molo rasa khawatir i nungnga mambahen hamu gabe susa?

Na boi diulahon hamu

• Pikkirhon ma, masuk akal dope alasanmu khawatir manang na dang. “Denggan do molo khawatir hita tu tanggung jawabta. Alai dang denggan molo gabe terlalu khawatir hita. Gabe huingot ma adong hata na mandok, songon na hundul di kursi goyang do hita tikki khawatir. Alana tikki khawatir, gabe torus do hamu marpikkir alai dang adong na diulahon hamu.”​—Si Katherine.

  Na didok Bibel: “Ise sian hamu na boi manambai umurna apala samenit ala sai holsoan?”​—Mateus 6:27.

  Lapatanna: Molo khawatir hamu mamikkirhon masalahmuna hape dang dapot solusina, boi do gabe lam tamba masalahmuna.

• Unang ma khawatirhon taringot ari sogot. “Pikkirhon ma on: Toho do lao terjadi na dikhawatirhonmuna i marsogot? bulan na ro? taon na ro? manang lima taon nai?”​—Si Anthony.

  Na didok Bibel: “Unang ma holsoan hamu lao mamikkiri taringot ari sogot. Ai asing do na taholsohon sadari on dohot di ari sogot. Ganup ari adong be do hasusaanna.”​—Mateus 6:34.

  Lapatanna: Dang sude na takhawatirhon taringot ari sogot i pasti terjadi. Jadi, dang masuk akkal molo sai torus tapikkirhon taringot i.

• Ingot ma, dang boi dikendalihon ho sude na masa di ngolum. “Siap ma hamu menghadapi situasi na boi terjadi, alai ikkon siap do tong hamu menghadapi situasi na so boi dikendalihon hamu. On ma sikap na terbaik.”​—Si Robert.

  Na didok Bibel: “Dang halak na hatop marlojong na sai monang di parlumbaan, . . . jala dang halak na adong parbinotoanna na sai marhasil. Ai boi do masa tu nasida sude akka na so diharappon di tikki na so panagaman.”​—Parjamita 9:11.

  Lapatanna: Sipata dang boi dikendalihon ho sude situasi na masa di ngolum, alai boi do dikendalihon ho cara marpikkirmu taringot situasi i.

• Ida ma situasimuna sian sudut pandang na asing. “Gabe husadari ma, ikkon huida do situasikku secara lengkap, jala dang berfokus holan tu perincian na gelleng. Ikkon hupillit do dia na urrikkot, jala i ma na hupikkirhon.”​—Si Alexis.

  Na didok Bibel: ‘Pastihon hamu ma dia na urrikkot.’​—Pilippi 1:​10.

  Lapatanna: Ra dang pola gabe tertekan sasahalak molo holan akka na uppetting na dipikkirhon ibana.

• Paboa ma perasaanmuna tu na asing. “Tikki marumur 11 taon au, biasana khawatir do au dung mulak sikkola. Sai khawatir do au mamikkirhon ari sogot. Alai tikki hupaboa perasaanku tu bapak dohot omak, sabar do nasida manangihon au. Las rohakku ala rade do natua-tuakku mambege au. Pos do rohakku tu nasida jala boi do au cerita taringot manang aha pe tu nasida. Gabe siap ma au menghadapi aha na lao masa marsogotna i.”​—Si Marilyn.

  Na didok Bibel: “Gabe metmet do roha molo holsoan, alai boi do i tarapul alani akka hata na denggan.”​—Poda 12:25.

  Lapatanna: Boi do natua-tua dohot akka donganmu mangalehon saran na denggan asa unang sai merasa khawatir hamu.

• Martangiang. “Godang do manfaat na huhilala ala marsoara au tikki martangiang. Gabe boi ma hupasahat tu Jahowa sude na mambahen au khawatir. Dang sai husippan be i di bagasan rohakku. Asing ni i, gabe husadari ma na diattusi Jahowa do sude perasaanku.”​—Si Laura.

  Na didok Bibel: “Pasahat hamu ma sude holso ni rohamuna tu [Debata], ai diparrohahon do hamu.”​—1 Petrus 5:7.

  Lapatanna: Memang boi do tangiang mangurupi hita asa denggan marpikkir jala denggan pasaehon sada masalah. Alai dang holan i, tikki martangiang hamu tu Jahowa songon na marcerita tu Ibana do hamu disi. Marjanji do Jahowa, “Unang ganggu roham, ai Au do Debatam. Jagaokku do ho jala urupanku.”​—Jesaya 41:10.