CARA ASA UNANG SAI MARSAK

Dang Adong be Arsak ni Roha

Boi do akka poda di Bibel mangurupi hita asa unang pamarsakhu. Memang, dang boi tapasiding sude situasi na mambahen hita gabe marsak. Alai Debata boi do. Nungnga dipillit Ibana sasahalak lao mangurupi hita, i ma Jesus Kristus. Haduan, bahenonna ma akka na denggan di portibi on, unggodang sian na hea dibahen ibana tikki di tano on. Akka on ma na lao ulahononna:

DIPAMALUM JESUS MA AKKA SAHIT, SONGON NA HEA DIULAHON IBANA.

“Dipamboan ma tu ibana angka na marsitaonon dohot na marsahit . . . , jala dipamalum ibana do nasida.”—MATEUS 4:24.

LEHONON NI JESUS MA SIPANGANON DOHOT JABU TU SUDE JOLMA.

“Jala paulionnasida [akka na unduk tu Kristus] ma angka bagas, laos inganannasida, suanonnasida ma hau anggur jala panganonnasida parbuena. Ndang tagamon nasida paulihon bagas, gabe halak na asing mangingani, ndang tagamon nasida manuan, gabe halak na asing manganhon.”—JESAYA 65:21, 22.

DIBAHEN JESUS MA GABE DAME JALA AMAN PORTIBI ON.

“Martunasi ma di angka arina i partigor i, jala manimbukbuk hadameon ro di na so adong be bulan. Jadi Ibana ma mangarajai sian laut sahat tu laut, jala sian batang aek i sahat ro di angka ujung ni tano on. . . . jala dilatan ni angka musuna orbuk.”—PSALMEN 72:7-9.

DIBAHEN JESUS MA HATIGORAN DI TANO ON.

“Asi do rohana tu angka na pogos dohot na gale, dipangolu ibana do angka na hurangan. Dipalua di nasida sian panindasan, dohot hakejamon.”—PSALMEN 72:13, 14, Bibel siganup ari.

SALPUHONON NI JESUS MA HASUSAAN DOHOT HAMATEAN.

“Ndang adong be hamatean nang arsak ni roha, nang angguk-angguk, nang na hansit, ndang disi be.”—PANGUNGKAPON 21:4.

“GODANG SITUASI NA MAMBAHEN HITA GABE MARSAK”

“Di portibi saonari on, lam godang do halak na marsak, holsoan, marlungun ni roha, jala marsahit.”—Mohamed S. Younis, Manajer Penulisan di Perusahaan Gallup.

Boasa massai godang halak na marsak saonari on? Dipaboa do di Bibel alusna. Di 2 Timoteus 3:1 didok do, “Di akka ari parpudi . . . godang situasi na mambahen hita gabe marsak jala susa.” (The Amplified Bible) Boasa? Alana dipaboa di Bibel, massai roa do parange ni akka halak di tikki saonari on. Godang do halak na holan makkaholongi diri sandiri, ginjang roha, munafik, kasar, dang makkaholongi keluarga, jala dang boi mangorom diri. (2 Timoteus 3:2-5) Alai lao salpu ma akka ari parpudi i, dung ro Harajaon ni Debata tu tano on. Jesus Kristus ma na gabe raja, jala mamaretta ma ibana sian surgo.—Daniel 2:44.