Cara Padenggatton Hubunganmuna tu Jahowa

TIAP taon godang do akka halak na dipecat mulak muse tu huria. Didok di Bibel molo adong sasahalak na dipulihkan massai balga do “las ni roha di surgo”. (Luk. 15:7, 10) Molo baru dipulihkan do hamu, pos ma rohamuna massai las do roha ni Jesus, suru-suruan, dohot Jahowa ala nungnga mulak hamu tu huria. Alai, adong do ra tantangan na diadopi hamu lao padenggatton hubunganmuna muse tu Jahowa. Akka aha ma i jala songon dia ma cara mangatasi i?

AKKA AHA MA TANTANGANNA?

Godang do halak na dipulihkan torus marmetmet ni roha songon na dihilala Raja Daud. Nang pe nungnga disesa Jahowa dosana, alai tong dope didok ibana, “Massai godang do hasalaakku.” (Ps. 40:12; 65:3) Olo do torus merasa bersalah halak na dipulihkan saleleng martaon-taon. Songon i ma na dihilala si Isabelle,a na dipecat saleleng lobi sian 20 taon na ujungna dipulihkan. Didok ibana, “Dang yakin au nungnga disesa Jahowa dosakki.” Molo songon i do na dihilala hamu, berupaya ma hamu pasidikkon perasaan sisongon i alana boi do i mambahen gale haporseaonmu.—Poda 24:10.

Adong do mungkin na khawatir dang boi be togu hubunganna tu Jahowa songon najolo i. Si Antoine mandok, “Dukkon dipulihkan au nga godang be akka parsiajaran na so huingot. Jala nga lupa be au boha carana mangulahon akka rutin rohani songon na huulahon najolo.” Molo adong na merasa sisongon i, boi do i mambahen ibana gabe dang berupaya patoguhon hubunganna tu Jahowa.

Bayakkon ma, molo adong jabu na sega alani badai gabe marsak do ra parjabu i. Marsak do ibana mamikkiri tikki dohot upaya na ikkon bahenonna lao padenggatton jabu i. Songon i ma halak na sega hubunganna tu Jahowa ala mangulahon dosa serius ibana. Olo do ra dirasa ibana, porlu godang upaya na ikkon bahenonna lao padenggatton hubunganna muse tu Jahowa. Molo songon i do na dihilala hamu, tenang ma adong do na boi mangurupi hamu.

Didok Jahowa do tu hita, “Beta, ro ma hamu, asa tapasae akka parsoalatta.” (Jes. 1:18) Sabotulna nungnga berupaya hamu ‘pasaehon parsoalanmuna’ dohot Jahowa. Jala diargai Jahowa do upayamuna i. Alani i ingot hamu ma on, ala nungnga mulak hamu tu Jahowa boi do pakkeon ni Jahowa teladanmuna i lao mambuktihon pargabus do Sibolis.—Poda 27:11.

Tikki na dipulihkan i hamu, i patuduhon nungnga dipajonok hamu dirimuna tu Jahowa. Alani i, pasti pajonokkon ni Jahowa ma dirina tu hamu. (Jak. 4:8) Memang denggan do ala nungnga mulak hamu tu Jahowa. Alai adong dope na ikkon ulahononmuna. Jadi ikkon berupaya do hamu pabagasson holongmuna tu Bapakta, Jahowa. Songon dia ma carana?

CARANA ASA TOGU MUSE HUBUNGANMUNA TU JAHOWA

Mungkin takkas dope diingot hamu hasittongan taringot Jahowa dohot akka janjina. Alai dang cukkup i, porlu do tong hamu marbarita na uli, marpungu, jala marsaor dohot akka dongan di huria. Saonari taida ma aha do na porlu diulahon hamu asa denggan muse hubunganmuna tu Jahowa.

Jotjot ma hamu martangiang tu Jahowa. Olo do ra sai merasa bersalah dope hamu alani hasalaanmuna najolo i. Gabe boi ma i mangabbati hamu martangiang tu Jahowa jala diboto Jahowa do i. (Rom 8:26) Nang pe songon i ‘toktong ma hamu martangiang’. Paboa ma tu Jahowa na lomo do rohamuna asa boi akrab muse tu Ibana. (Rom 12:12) Si Andrej mandok, “Torus do au merasa bersalah jala maila, alai setiap sae au martangiang gabe dame ma huhilala.” Molo tung pe dang diboto hamu aha na lao dokkononmuna tikki martangiang, marsiajar ma hamu sian tangiang ni Raja Daud na disurat di Psalmen 51 dohot 65.

Taratur ma hamu marsiajar Bibel. Molo taratur hamu marsiajar Bibel, lam togu ma haporseaonmuna, jala lam balga ma holongmuna tu Jahowa. (Ps. 19:7-11) Si Felipe mandok, “Najolo ala na so taratur do au manjaha Bibel jala marsiajar pribadi, makana gabe gale haporseaokku dung i hukecewahon Jahowa. Alai dang olo be au songon i, ikkon taratur do au marsiajar Bibel.” Hamu pe boi do bahenonmuna songon i. Molo dang diboto hamu topik dia hira-hira na lao diparsiajari hamu, sukkun ma donganta na togu haporseaonna.

Bergaul ma dohot akka dongan sahaporseaon. Adong do piga-piga dongan naung dipulihkan, khawatir tu pandangan ni akka dongan di huria. Songon na nidok ni si Larissa, “Maila hian do au tikki baru dipulihkan. Hurasa nungnga hubaen kecewa akka dongan di huria. Jala leleng do songon i perasaanku.” Molo songon i do na dihilala hamu, pos ma rohamuna, lomo hian do roha ni akka sintua dohot akka dongan mangurupi hamu asa boi muse togu haporseaonmuna tu Jahowa. (Ida kotak “Akka Aha do na Porlu Diulahon Sintua?”) Las hian do roha ni nasida, ala nungnga mulak hamu tu huria jala lomo do roha ni halak i asa marlas ni roha hamu.—Poda 17:17.

Aha do na boi dibaen hamu asa boi lam jonok tu akka dongan di huria? Torus ma hamu ro marpungu jala rap marbarita na uli dohot akka dongan. Donganta si Felix mandok, “Las do roha ni akka dongan di huria tikki dipulihkan au. Gabe huhilala ma na holong do roha ni nasida tu au. Dipapos nasida do rohakku nungnga disalpuhon Jahowa hasalaakku. Gabe semangat ma au torus melayani Jahowa.”—Ida kotak “Aha do na Boi Diulahon Hamu?”

UNANG MA MENYERAH HAMU!

Songon “badai”, sai berupaya do Sibolis lao mambahen sega parale-aleotta tu Jahowa. (Luk. 4:13) Alani i, torus ma tapatogu parale-aleotta tu Jahowa.

Jahowa mandok, “Luluakku ma akka na mago, jala boanokku ma mulak akka na lilu. Hubalut ma akka na lukka, jala patoguokku ma na gale.” (Hes. 34:16) Nungnga godang akka donganta na diurupi Jahowa asa denggan muse parale-aleon ni nasida tu Ibana. Alani i, pos ma rohamuna urupan ni Jahowa do hamu asa boi akrab muse tu Ibana.

Akka Aha do na Porlu Diulahon Sintua?

Akka sintua porlu do mangurupi donganta na baru dipulihkan asa togu muse parale-aleon ni nasida tu Jahowa. Di artikel on, tabahas ma aha do na porlu diulahon akka sintua lao mangurupi nasida.

Patogu ma nasida. Diboto Apostel Paulus do molo akka halak na baru dipulihkan i olo do mandele ibana “alani arsak ni rohana i”. (2 Kor. 2:7) Jala olo do nasida maila manang torus merasa bersalah. Alani i didok si Paulus ma muse tu huria, “Salpuhon hamu ma dosana i jala patogu hamu ma rohana.” Porlu do dipapos roha ni akka dongan na baru mulak tu Jahowa, na holong do roha ni Jahowa dohot akka dongan di huria tu ibana. Jadi porlu do diurupi akka sintua ibana jala dipatogu asa unang sai marsak be ibana.

Rap martangiang dohot nasida. Didok do di Bibel, “Margogo do tangiang ni halak na mangulahon na sittong.” (Jak. 5:16) Sahalak donganta na margoar si Larissa mandok, “Hupaboa do tu akka sintua molo au mabiar jala khawatir. Dung i rap martangiang ma akka sintua i dohot au. Sian tangiang ni akka sintua i gabe huattusi ma dang muruk akka sintua i tu au. Diurupi nasida do au padenggatton hubungakku tu Jahowa.” Si Theo mandok, “Tikki rap martangiang au dohot akka sintua i, huboto ma na dihaholongi Jahowa do au jala diida Ibana do na denggan na huulahon, dang holan hasalaakku.”

Gabe donganna ma hamu. Akka halak na baru mulak tu Jahowa porlu do bergaul dohot akka dongan di huria. Sahalak sintua na margoar si Justin mandok, “Rap mardinas ma hita dohot nasida. Jala boi do muse hita berkunjung tu jabuna. Jadi porlu do hita berupaya gabe dongan ni nasida.” Sahalak sintua na asing na margoar si Henry mandok, “Molo diida akka dongan di huria, olo sintua bergaul dohot akka donganta na baru dipulihkan, gabe ditiru nasida ma i.”

Urupi ma nasida rutin marsiajar Bibel. Akka dongan na togu haporseaonna boi do tong mangurupi halak na baru dipulihkan asa rutin marsiajar Bibel. Sahalak sintua na margoar si Darko mandok, “Lomo do rohakku mambagihon akka hal na menarik sian parsiajaran pribadikku. Jala hupaboa do tong tu nasida songon dia carana au boi menikmati parsiajaran Bibelhu. Dung i, huupayahon do tong asa boi rap marsiajar Bibel dohot nasida.” Sintua na asing na margoar si Clayton mandok, “Hujujui do nasida asa marsiajar sian akka contoh na adong di Bibel, na mangadopi situasi na sarupa songon nasida.”

Gabe parmahan na burju. Ikkon boi do dihilala akka donganta na baru dipulihkan, molo akka sintua i dang holan sebagai hakim alai tong do sebagai parmahan na burju. (Jer. 23:4) Alani i, ikkon rade ma akka sintua mambege nasida jala olo mamuji nasida. Sering-sering ma hamu berkomunikasi dohot nasida. Songon pengalaman ni sahalak sintua na margoar si Marcus, didok ibana, “Tikki kunjungan penggembalaan hami, dipaboa hami do akka ayat na patoguhon. Dipuji hami do nasida, dipapos hami do roha ni nasida na diargai hami do upaya ni nasida i asa boi mulak tu Jahowa, jala Jahowa pe diargai do i. Dung sae hami penggembalaan, dipaboa hami ma andigan muse hami ro.”

a Piga-piga goar di artikel on nungnga digatti.