?Ninnge benin mun yɛ be kwla sanngan e akunndan-ɔn?

Dɔɔtrɔ wie mɔ be di junman dɔɔtrɔ nga be flɛ i kɛ Mayo Kliniki’n nun’n be seli kɛ: “Sran kaklaka sunman be se kɛ wafa nga be akunndan’n sanngan’n ɔ yo tɛ kɔ i ɲrun. Andɛ’n, sa nga be tɔ e su’n be kacikaci yɛ e siman e ɲrun lɔ sa.” Sa nga be kwla sanngan e akunndan’n be nun wie mun yɛ:

• Kɛ yasua kun nin i yi be yra’n

• Kɛ e awlɛn su sran kun wu’n

• Kɛ tukpacɛ kekle wie kle e yalɛ’n

• Kɛ e yo asidan’n

• Kɛ sran’m be yo nzaje sa mun’n

• Kɛ e ɲanman e ti’n

• Kɛ sanvuɛsa mun nin sa nga sran’m be kpɛ be ba’n, be tɔ e su’n

• Kɛ be kle e yalɛ suklu lɔ annzɛ e junman su lɔ’n

• Kɛ junman nin sika ndɛ ti kekle e su’n