E Wla Kpɛnlɛ blɛ’n nun’n maan e bu ninnge wie’m be yolɛ akunndan

Afuɛ kwlaa’n, Zoova i Lalofuɛ’m be ɲin o blɛ mɔ bé yía bé yó E Wla Kpɛnlɛ aɲia’n i sin. Ka naan y’a yo E Wla Kpɛnlɛ aɲia’n yɛ kɛ ɔ ko sin’n, e fa blɛ e yo ninnge trele wie mun e fa manman Zoova yɛ e lɛ i ase e ti kpɔlɛ tɛ’n ti. (Efɛ 1:3, 7) I wie yɛle kɛ e mian e ɲin kpa e yia sran mun E Wla Kpɛnlɛ aɲia’n i bo. Aniaan wie’m be siesie be blɛ’n naan Marsi annzɛ Avrili anglo’n nun’n b’a yo cɛn kunngun atin bofuɛ. Afin blɛ sɔ nun’n, be kwla di dɔ 30 annzɛ 50. ?Afuɛ nga’n, a kunndɛ kɛ á úka dɔ nga a di i jasin fɛ bolɛ nun’n su? ?Ngue yɛ ɔ kwla uka ɔ naan w’a kwla yo sɔ-ɔ?

Kpɛ sunman’n, kɛ e siesie e wun’n e di junman sɔ’n kpa. (Ɲan 21:5) Kɛ m’ɔ cɛ kan’n é yó E Wla Kpɛnlɛ aɲia’n, dɔ nga su yɛ ɔ fata kɛ e bo e wun siesielɛ bo-ɔ. E Wla Kpɛnlɛ blɛ’n nun’n, like nga a ko yo naan w’a uka dɔ nga a di’n su’n, bu i akunndan. Kpɛkun like nga a ko yo naan i sɔ liɛ’n w’a kwla yo ye’n bu i akunndan wie. I sin’n, srɛ Zoova kɛ ɔ yra ajalɛ nga a fali’n su.—1Zn 5:14, 15.

?E Wla Kpɛnlɛ blɛ’n nun’n, ngue yɛ a kwla yo naan w’a bo jasin fɛ’n i kpa ekun-ɔn?