47 Pero an teritoryo kan Dan sadit na marhay para sa sainda.+ Kaya nakipaglaban sinda sa Lesem+ asin sinakop iyan. Ginaradan ninda an mga tawo diyan paagi sa espada. Dangan nagin pagsadiri ninda iyan asin nag-istar sinda diyan. Asin sinalidahan ninda nin Dan an pangaran kan Lesem, susog sa pangaran ni Dan na apuon ninda.+ 48 Iyan an mana kan tribo ni Dan na pigbanga-banga sa saindang mga pamilya. Iyan an mga siyudad asin an mga baryo kan mga iyan.

29 Apuwera kaiyan, pinangaranan ninda an siyudad na Dan+ susog sa pangaran kan saindang ama, si Dan, na aki ni Israel.+ Pero Lais an dating pangaran kan siyudad.+