‘Aram Nia an Gabos na Simbag sa Biblia’

Kaidtong nahaloyhaloy na an sarong babae sa Estado nin Nueva York pinadarahan an dati niang kaklase, na may pamilya, nin sarong kopya kan My Book of Bible Stories. Paghaloyhaloy an babae nakaresibi nin surat hale sa saiya na dian isinaysay nia an manongod sa aki niang si Elizabeth:

“Gustong-gusto nia an libro—iyan sana an gusto niang basahon ko sa saiya pagkabanggi. Binabasahan ko sia nin limang estorya (ta singko anyos sia) kada banggi, asin kan nakaaging semana an maestra nia sa Sunday school nagsabi sako na permi niang maaasahan si Elizabeth na tatao kan gabos na simbag sa mga hapot sa Biblia. Kaya segurado na iyan isinurat nin saro na talagang aram kun ano an gusto nin mga aki.”

An taga-Nueva York nagkokomento manongod sa amiga nia: “Ini an sadiosan niang reaksion, ta sia prangkang marhay asin dai oomawon an libro kun dai nia iyan nagustohan.”

Sa paghona mi mamahalon man nindo an may magagayon na ilustrasyon, darakula an letrang publikasyon na ini. An 116 na estorya kaiyan sa Biblia nagtatao sa parabasa nin ideya kun ano an laog kan Biblia. An mga estoryang ini sunod-sunod sono sa pangyayari kaiyan sa kasaysayan. Maheheling nindo na ini nakatatabang na gayo na maaraman kun noarin nangyari an mga bagay sa kasaysayan, may relasyon sa ibang pangyayari. Resibihon an mahalagang 256-pahinas na librong ini paagi sa pagllenar asin pagpadara kan kupon.

Boot kong makaresibi kan librong My Book of Bible Stories. (Sa luwas kan Pilipinas, sumurat sa lokal na sanga kan Watch Tower para sa impormasyon. Helingon an pahina 4.)