Kahon

Mga Ampolya nin Crack—Garo mga Bala nin Badil

An mga ahensia sa pagpaotob sa ley naghihingoa na atubangon iyan. An mga magurang ginagadan kan saindang mga aki huli sa pagmawot kaiyan. An mga aki ginagadan kan saindang mga magurang na nasa irarom kan impluwensia kaiyan. An buhay sa ngapit nin mga omboy na nasa matris pa rinaraot kaiyan. An mga magkakataraed sa siudad nagigin garo mga lugar nin guerra para sa pakakontrol dian. An mga daing pakundangan na ginagadan dinadara na sana sa mga supot bilang resulta kaiyan. An mga nagtatrabaho sa mga kuwartong pan-emerhensia sa ospital pagal-pagal na huli kaiyan. An mga paratindang laen-laen an edad naggaganansia nin dakulaon sa pagpabakal kaiyan. Iyan inaapod na “pangarap kan paratinda asin pangumum kan naggagamit.”