Introduksiyon sa Seksiyon 8

Tinawan ni Jehova si Solomon nin pambihirang kadunungan asin kan onra na iyo an magtugdok kan templo, pero luway-luway niyang binayaan si Jehova. Kun saro kang magurang, ipaliwanag sa saimong aki kun paano si Solomon napatalikod sa Diyos kan mga nagsasamba sa mga diyos-diyosan. Nabanga an kahadian, asin dahil sa maraot na mga hadi, luminakop sa nasyon an apostasya asin pagsamba sa mga diyos-diyosan. Kan panahon na ini, dakul na maimbod na mga propeta ni Jehova an pinasakitan asin ginadan. Mas pinagrabe pa ni Reyna Jezebel an apostasya sa sampulong tribong kahadian sa norte. Marauton na panahon iyan sa kasaysayan kan Israel. Pero dakul pa man giraray sa mga Israelita an maimbod na mga lingkod ni Jehova, kaiba na si Hading Jehosafat asin an propetang si Elias.