Mahahalagang Tataramon sa Libro nin Ezekiel

“Aki nin Tawo”

NAGLATAW NIN LABING 90 BESES

Labing 90 beses na inapod si Ezekiel na “aki nin tawo.” (Ezek. 2:1) Ipinapagirumdom kaiyan sa saiya ni Jehova na dawa nag-ako siya nin dakulang mga pribilehiyo, saro lang siyang tawo. Mahalagang mangnuhon na sa mga pagkasaysay sa Ebanghelyo, mga 80 beses na inapod si Jesus na “Aki nin tawo.” Ipinapahiling kaiyan na talagang nagin tawo siya asin bakong anghel na nagsulot sana nin hawak na arog kan sa tawo.—Mat. 8:20.

“Mamimidbid Nanggad . . . na Ako si Jehova”

NAGLATAW NIN LABING 50 BESES

An mga tataramon kan Diyos na “mamimidbid nanggad [kan mga tawo] na ako si Jehova” asin an iba pang porma kaini labing 50 beses na isinurat ni Ezekiel. Idinuon kaiyan na si Jehova sana an maninigong mag-ako kan dalisay na pagsamba.—Ezek. 6:7.

“Soberanong Kagurangnan na Jehova”

NAGLATAW NIN 217 BESES

An fraseng “Soberanong Kagurangnan na Jehova” naglataw nin 217 beses, na nagpapahiling na maninigo nanggad na midbidon an pangaran nin Diyos. Idinuduon man kaiyan na an gabos na linalang sakop ni Jehova.—Ezek. 2:4.