Nagustohan Iyan nin Sarong Katoliko

An saro sa mga Saksi ni Jehova nakuposan nin ruweda sa sarong puwerang lugar sa Virginia, E.U.A. May harong sa harani, asin nagtoktok sia sa pinto. Pinalaog sia kan babaeng may sadiri kan harong tanganing umapod nin serbisyo sa tinampo. Pakalihis kaiyan an Saksi nagpadara nin surat sa pagpasalamat, na inibanan nin regalong kopya kan librong You Can Live Forever in Paradise on Earth. Nasa ibaba an sarong kabtang kan simbag na naresibi nia:

“Ako magigin prangka asin sadiosan sa saindo. Ako Romano Katoliko. Asin basta may magdigdi na may darang Watchtower o arin pa man na ibang pulyeto, dai ko iyan inaako. Kun iyan ipinipirit sako, iinaapon ko iyan sa basurahan. Hararom an pagkatanom sako kan Katolisismo poon kan ako sadit pa.

“Minsan siring, naagyat ako kan libro mo ta iyan may ‘Paraiso’ sa titulo asin huli ta klaro asin pasil iyan na basahon. An mga hapot sa ibaba kan mga pahina nakadagka sa pagbasa, asin nagayonan ako sa mga retrato. Partikularmenteng nagustohan ko an pahina 11 ta hinihingoa kong gibohon an arog kaiyan na paraiso digdi para sa mga gamgam asin hayop. Igwa ako nin usa, mga koneho, ardilya, iskwirel, layas na mga pabo asin gabos na klaseng gamgam. . . .

“Dakula an nagibo mo na mapabasa an sarong Katoliko nin libro nin ibang relihiyon. Ha! Duda ako na makokombertir ako sa ibang relihiyon. Pero binasa ko an libro, asin ngonyan binabasa iyan kan agom ko. Salamat giraray!”

An magayon na librong ini may 256 na pahina, arog kalakbang kan magasin na ini, asin pano nin labing 150 ilustrasyon, na an kadaklan nasa magagayon na kolor. Magpadara sana nin ₱35.00; an sadit ₱17.50.

Tabi ipadara, na bayad na an selyo, an librong You Can Live Forever in Paradise on Earth. Ipaheling paagi sa pagmarka sa kahon kun baga gusto nindo an dakulang edisyon sa kontribusyon na ₱35.00 [ ] o gusto nindo an sadit na edisyon sa kontribusyon na ₱17.50 [ ] asin ilakip an tamang bayad.