Sarong Okasyon na Dai Nindo Maninigong Mapaltahan

“Padagos na gibohon nindo ini sa paggirumdom sa sako.” An mga tataramon na iyan kan satong Kagurangnan na Jesu-Cristo, na yaon sa Lucas 22:19, isinabi kan panahon na ponan nia an memorial kan saiyang kagadanan. An kagadanan ni Jesus iyo an nagbukas para sa katawohan kan paglaom na magkamit nin buhay na daing katapusan sa paraiso. Kaya an saiyang kagadanan bagay na kaipuhan niatong girumdomon. Seselebraron daw nindo an memorial kaiyan sa taon na ini?

Tabi akoon an imbitasyon na ini hale sa mga Saksi ni Jehova na umiba sa sainda sa paggirumdom sa mahalagang okasyon na ini. An selebrasyon na ini gigibohon pagkasolnop kan aldaw sa petsa na katimbang kan Nisan 14 sa kalendaryong lunar kan Biblia. Tandaan an petsa sa saindong kalendaryo tanganing dai nindo iyan malingawan. Abril 10, 1990. Masasabi sa saindo kan lokal na mga Saksi ni Jehova kun saen asin ano an eksaktong oras na seselebraron an okasyon na ini sa saindong lugar.