“Taano ta Nagagadan an mga Omboy?”

Iyan an boot maaraman kan sarong pamilya na nagadanan nin duwang saradit na aki. Sarong lalaki hale sa Willowick, Ohio, E.U.A., an nagpaliwanag:

“Kasuarin pa sana, sarong trahedya an nangyari sa laog kan sakong pamilya. An sakong tugang na babae sa laman nagadanan kan saiyang duwang aki sa sarong grabeng aksidente sa kotse. Siyempre, an bilog na pamilya nalunosan nin kamondoan asin daing maginibo. An saindang ministrong Baptist daing ikataong Makakasuratan na pagranga. An nasabi nia sana, ‘Iyan an kabotan nin Dios’ asin, ‘Nangaipo an Dios nin duwa pang anghel.’

“Maski ngani kadikit sana nanggad an panahon para sa pagsiyasat, ginamit ko an librong Reasoning From the Scriptures asin an tema kaiyan na ‘Why Do Babies Die?’ Kan suminunod na mga aldaw asin mga semana, an sakong agom asin ako nakapaabot sa sakong pamilya kan tunay nanggad na mga simbag sa dakol nindang hapot, siring baga kan, ‘Taano ta nagagadan an mga omboy?’ ‘Kabotan daw nin Dios na kuanon an mga aki sa saindang mga magurang?’ asin, an pinakamahalaga, ‘May paglaom daw na maheling liwat an magagayon na mga aking ini?’ An sakong mga magurang nagsabing boot nindang dumuman sa Kingdom Hall sa ngapit.”

An Reasoning From the Scriptures, naglalaman nin 70 pangenot na tema. Kabilang an “Death,” “Hell,” “Soul,” “Rapture,” “Reincarnation,” “Sex,” “Spiritism,” asin dakol pang iba. An pitong pahina kaiyan nin index sa mga tema asin mga teksto makatatabang saindo na manompongan tolos an mga simbag. Para sa impormasyon kun paano makaresibi nin kopya, tabi llenaran asin ipadara an kupon sa ibaba.

Boot kong resibihon an matagas an patos 448-pahinas na librong Reasoning From the Scriptures. (Sumurat sa adres na nasa ibaba para sa impormasyon. Sa luwas kan Pilipinas, sumurat sa lokal na sanga kan Watch Tower para sa impormasyon. Helingon an pahina 2.)