Pag-aadalan na Edisyon

KATUYOHAN KAN ARTIKULONG PAG-AADALAN

ARTIKULONG PAG-AADALAN 1, 2 PAHINA 3-12

Tinotokar kan mga artikulong ini an marahay na mga dahelan na iaplikar an konseho ni Jehova sa pag-agoman. Papakosogon kaini an pagpahalaga niato sa balaog nin Dios na pag-agoman. Ipapaliwanag man kaini kun taano ta mahalaga na magin positibo dawa nagkakaproblema an pag-agoman asin kun paano an pag-aplikar sa sono sa Kasuratan na konseho puedeng magresulta sa kaogmahan nin mag-agom.

ARTIKULONG PAG-AADALAN 3 PAHINA 17-21

Sinisiyasat sa artikulong ini kun taano ta masasabi na si Jehova an Dakulang Paratalaan nin Panahon. An pag-estudyar niato kaini maparigon kan satong pagtubod sa saiya asin sa saiyang Tataramon, an Biblia. Papakosogon man kaini an determinasyon ta na madonong na gamiton an satong panahon mantang may kompiansa niatong hinahalat an pagliligtas ni Jehova.

ARTIKULONG PAG-AADALAN 4 PAHINA 23-27

Minsan ngani namomotan niato an Dios, bako kitang perpekto. Pero, gusto niatong ipabanaag an kamurawayan ni Jehova. Ipinapaliwanag kan artikulong ini kun paano niato iyan magigibo. Ipinapahiling kaini kun ano an dapat tang gibohon tanganing maarog asin mapaogma an Dios. (Efe. 5:1) Itinotokdo man kaini kun paano niato sia padagos na mapapamuraway.