Pag-aadalan na Edisyon

KATUYOHAN KAN ARTIKULONG PAG-AADALAN

ARTIKULONG PAG-AADALAN 1 PAHINA 7-11

Nabubuhay kita sa panahon nin grabeng mga kadepisilan. Tatabangan kita kan artikulong ini na makanood sa suanoy asin modernong halimbawa nin mga napaatubang sa masakit na mga kamugtakan. Ipapahiling man kaiyan kun paano kita magigin makusog an boot asin positibo ano man an mapaatubang sa sato.

ARTIKULONG PAG-AADALAN 2 PAHINA 12-16

An kinaban ngonyan pano nin espiritu na nakakapagpabaranga imbes na nakakapagpasararo. Sa artikulong ini, makanood kun paano malilikayan an mga kaisipan asin paggawe na nakakadanyar sa kongregasyon saka kun paano kukultibaron an espiritu na makakakontribwir sa marahay na relasyon sa iba.

ARTIKULONG PAG-AADALAN 3, 4 PAHINA 22-31

Itinatampok kan enot na artikulo an mahalagang marhay na mga panuga na sinumpaan nin Dios na ootobon nia. Tanganing makinabang sa mga panuga nia, dapat tang kuyogon an Dios asin otobon an satong sinabi. Itinatampok kan ikaduwang artikulo an halimbawa nin mga tawong sinierto na an saindang Iyo mangahulogan nin Iyo asin dinadagka kaiyan an bautisadong mga Kristiano na otobon an saindang pinakamahalagang Iyo.—Mat. 5:37, NW.