PAG-AADALAN NA EDISYON

ARTIKULONG PAG-AADALAN

▪ Para sa mga Namumuot ki Jehova “Mayo nin Makakapasingkog”

An gabos na Kristiyano nasa paurumbasan na an premyo buhay na daing katapusan. Pero huli sa minanang kasalan, kita gabos nasisingkog. Tatabangan kita kan artikulong ini na maaraman an limang bagay na nakakapasingkog asin kun paano malilikayan na makaulang iyan sa sato na manggana.

▪ Igwa Ka daw nin ‘Pusong Magmimidbid’ ki Jehova?

Dakul an sinasabi sa sato kan libro nin Jeremias dapit sa puso. An artikulong ini matabang sa sato na maaraman kun ano an ‘bakong turi na puso’ asin kun paano iyan puwedeng magtao nin peligro dawa sa mga Kristiyano. Siring man, paano kita magkakaigwa nin ‘pusong magmimidbid’ ki Jehova?—Jer. 9:26; 24:7.

▪ Huling ‘Namidbid Na Nindo an Diyos’—Ano Na an Gigibuhon Nindo?

Anong mga lakdang an kalabot tanganing mamidbid an Diyos asin mamidbid man niya? Paano asin taano ta an pagtalubo bilang Kristiyano nagpapadagos dawa an saro nakaabot na sa espirituwal na pagkamaygurang? Tatabangan kamo kan artikulong ini na masimbag iyan.

▪ Si Jehova—An Satuyang Irukan

Nabubuhay kita sa sarong kinaban na nauungis sa sato, alagad dai kita kaipuhan matakot. Ipinapahiling kan artikulong ini kun paanong kita igwa kan pinakaligtas na irukan na posible—si Jehova na satong Diyos.

▪ Tawan nin Onra an Dakulang Ngaran ni Jehova

Ano an buot sabihon kan pagigin kabilang sa banwaan na inaapod sa ngaran nin Diyos? Ano an buot sabihon kan paglakaw sa ngaran na iyan? Asin paano minamansay nin Diyos an mga dai nagpapahiling nin paggalang sa saiyang ngaran? Sisimbagon iyan kan artikulong ini.