Pagtiripon na Matabang Sato na Gumibo nin Disipulo
SEMANA NIN SETYEMBRE 13-19
10 min: Mga Paisi sa An Satong Ministeryo sa Kahadean asin lokal na mga paisi. Sadolon an gabos na pumedido na sa tugang na nag-aasikaso sa literatura nin 1988 Yearbook, kalendaryo asin “Pagsiyasat sa Kasuratan Aroaldaw.”
20 min: “Mga Pasohan Para sa 1988 Taon nin Paglilingkod.” Hapot-simbagan sa artikulo kan paraataman sa paglilingkod. Repasohon sa halipot an mga nagibo kan kongregasyon sa kabilogan kan 1987 taon nin paglilingkod asin pag-olayan an mga punto na nagkakaipo nin atension sa lokal. Dagkahon an gabos na bilang indibiduwal siyasaton an sadiri nindang pag-oswag asin magbugtak nin indibiduwal na mga pasohan para sa bagong taon nin paglilingkod.
15 min: Pahayag sa “Does True Christianity Produce Fanatics?” sa artikulo sa Watchtower na Hulyo 15, 1987, p. 28-31.
Kanta 31 asin pamibi.
SEMANA NIN SETYEMBRE 20-26
10 min: Lokal na mga paisi asin report sa kuwenta, kaiba an pagbasa sa pagresibi kan Sosyedad sa mga donasyon na ipinadara kan kongregasyon sa gibong pan-Kahadean asin sa pagtabang sa mga misyonero kan 1988. Ipagirumdom sa gabos an pagwaras nin magasin ngonyan na Sabado asin sadolon an gabos na lubos na makikabtang.
20 min: “Boot daw Nindong Makagibo nin Pag-adal sa Biblia?” Hapot-simbagan sa artikulo. Dangan ipademonstrar sa nag-andam na parahayag kun paano mapoon nin pag-adal sa pulyetong Government sa enot na pagsongko. Pakaakoa kan pulyeto, an parahayag masabi: “Ini tema na dian kita gabos interesado, bako daw? Helinga kun ano an sinasabi kan pulyeto manongod sa marahay na gobyerno digdi sa pahina 3.” (Basahon an bilog na pahina kun puwede, dangan hagadon an opinyon dian kan kagharong. Kun ipaheling an interes, magkaibanan na basahon an minasunod na mga pahina tanganing aramon kun taano ta kaipuhan na gayo niato an Kahadean nin Dios. An kada parapo puwedeng pag-olayan asin basahon an mga teksto. Ipaliwanag kun paano an mga retrato konektado sa mga parapo.) Kun may oras pa, puwedeng magkaigwa nin saro pang demonstrasyon kun paano mapoponan sa impormal na paagi an pag-adal na ginagamit an pulyetong Divine Name.
15 min: “Pag-auxiliary Payunir—Sarong Pinto Pasiring sa Mas Dakulang Aktibidad.” Pahayag na may partisipasyon an mga nagdadangog sa artikulo. Tawan nin oportunidad an mga regular o auxiliary payunir na magkomento kun paano sinda natabangan kan pagpapayunir na magdanay na harani ki Jehova asin paoswagon an saindang relasyon sa saiya.
Kanta 128 asin pamibi.
SEMANA NIN SET. 27–OKT. 3
10 min: Lokal na mga paisi. Ipagirumdom sa gabos an paghuhulit sa enot na Domingo sa Oktubre 4 asin sadolon an mga bilog na pamilya na makikabtang digdi. Pag-olayan man an Teokratikong mga Bareta. Ipagirumdom sa gabos na darahon an librong Reasoning sa pagtiripon sa paglilingkod sa masunod na semana.
20 min: “Pag-aatubang kan Maogmang Bareta—Paagi sa Pag-alok nin Suskripsion sa Awake!” Hapot-simbagan. Sa pag-oolay sa parapo 3, ihapot sa mga nagdadangog kun anong espisipikong mga punto an ginamit ninda o pinaplanong gamiton may koneksion sa Oktubre 8 Awake! Idemonstrar an mga suhestion na sinasabi sa parapo 5. Tumao nin dugang pang mga suhestion sa mga malalaoman na makukuanan niato nin suskripsion sa Oktubre.
15 min: Isadol an pag-auxiliary payunir sa Oktubre, Nobyembre asin Disyembre. Isaysay an marahay na nagibo sa pag-auxiliary payunir kan Abril. Interbiohon an nagkapira na nag-auxiliary payunir. Paano ninda inorganisar an saindang mga gibong personal asin sa pamilya tanganing makadusay nin 60 oras sa ministeryo? Paano nakikooperar an ibang miembro kan pamilya? Anong mga pakinabang an nakamtan ninda? Itampok an kagayagayahan na gikan sa pagpapayunir. Pilion an mga nagpaplanong magpayunir sa masunod na nagkapirang bulan kun mapupuwede.
Kanta 210 asin pamibi.
SEMANA NIN OKTUBRE 4-10
10 min: Lokal na mga paisi. Ipagirumdom sa gabos na suportaran an pagwaras nin magasin ngonyan na Sabado, na itinatao an mga puntong ipakikipag-olay sa pinakabagong mga magasin na magagamit sa pagpukaw sa interes.
20 min: Hapot-simbagan sa mga punto sa temang “Spirit of the World” sa librong Reasoning. Nangorognang magkonsentrar sa limang karakteristiko kan espiritu kan kinaban na itinao dian, na ipinaliliwanag kun paano na kita kaipuhan na perming mag-ingat tumang sa espiritung ini na nakapalibot sa saro siring sa aire na hinahangos niato.
15 min: Pahayag sa artikulong “Young People Ask . . . How Can I Get Along With My Brother and Sister?” sa Awake! kan Setyembre 22, 1987, p. 25-27.
Kanta 216 asin pamibi.