Pag-aatubang kan Maogmang Bareta—Paagi sa Pag-alok nin Suskripsion sa Awake!
1 An mga Saksi ni Jehova regular na nag-aako nin maogmang bareta kun nareresibi ninda an pinakabagong Torrengbantayan asin Magmata! Kanigoan an satong kaogmahan na kita tinatagamahan nin espirituwal na kakanon paagi sa organisasyon ni Jehova! An Torrengbantayan pinapagdadanay kitang nakasusunod sa pinakabagong pakasabot sa Tataramon nin Dios. An Magmata! pinapagdadanay kitang dai nahuhuri sa dakol na laen-laen na tema, kaiba na an kun paano an mga nangyayari sa kinaban nakaootob sa mga hula sa Biblia.
2 Nakakanompong kita nin kaogmahan sa regular na pagbasa sa Magmata!, asin aram niato na an iba iyo man. Puwede iyan kun sumuskriber sinda sa Awake!, na iaalok niato nangorogna sa Oktubre. Kun an magasin na Awake! nag-aabot sa harong nin regular, igwa nin ekselenteng mga posibilidad na an nagkapira sa pamilya kakapotan iyan asin babasahon an mga artikulong gusto ninda. Kaya dakol an may oportunidad na makanood kan katotoohan. Kaya may marahay kitang dahelan na ialok an suskripsion sa gabos na nanonompongan niato sa Oktubre.
TAMPOK NA MGA ARTIKULO NA ESPESYAL NA NAKAPUPUKAW NIN INTERES
3 Sa Oktubre 8 Awake! igwa nin mga artikulo na makapupukaw sa interes nin gabos na klase nin tawo. An titulo sa tutob iyo ini: “Why Do ‘Bad Things Happen to Good People’?” Ini may kaibang duwang magayon na mga artikulo sa mga temang “Why Does God Permit Evil?” asin “Evil and Suffering—How Will They End?” Ini tema na iniisip-isip ngonyan nin dakol na tawo kaya aram niamo na maoogma kamong gamiton iyan sa pagpukaw sa saindang interes. Para sa mga hobenes, an temang “Young People Ask . . .” manongod sa hapot na “Is Lying All That Bad?” Mantang an pandadaya haros iyo na an pamumuhay ngonyan, aram niamo na manonompongan nindo ining ekselenteng artikulo na ikawawaras sa mga hobenes. Igwa man nin saro pang interesanteng artikulo sa luwas na ini na “I Survived the Sinking of the Bismarck.”
4 An Oktubre 22 na Awake! manongod sa temang: “Depression—You Can Win the Fight!” Haros gabos nag-aagi nin labi-labing kamondoan kun beses, asin nangorogna sa satong masakit na mga panahon ini tema na iniisip-isip nin gabos. An temang ini ipinaliliwanag nin lubos sa anom na sunod-sunod na artikulo. Nasa luwas man na ini an artikulong “Staying Healthy—The Natural Approach.”
GAMITON AN TOPIKONG MAPAG-OOLAYAN
5 Mantang kita naghaharongharong, boot niatong pukawon an interes kan mga kagharong sa Biblia, asin ini pinakamarahay na magigibo paagi sa paghiras sainda kan impormasyon sa satong Topikong Mapag-oolayan bago ialok an suskripsion. Kun gusto niatong itampok an Oktubre 8 Awake! pakabasaha kan Salmo 83:18 puwede niatong sabihon an arog kaini: “Mantang an Dios an kaharohalangkawe sa bilog na daga, napag-isip-isip na daw nindo kun taano ta tinotogotan nia an labi-labing kasakitan? Napag-isip-isip na daw nindo kun taano ta may nangyayaring maraot sa marahay na mga tawo? [Pasimbagon an kagharong.] An luwas na ini kan Awake! manongod sa mismong temang iyan. Iyan ipinublikar ta kadakol kan dai lubos na nakasasabot sa katuyohan nin Dios para sa tawo asin sa daga. An ikatolong artikulo sa luwas na ini nagpapaliwanag kun paano katuyohan nin Dios na tapuson an karatan asin kasakitan sa saiyang sadiring panahon asin paagi.” Dangan puwede nindong itokdo an sarong espisipikong punto sa artikulo asin ipaliwanag an alok na suskripsion.
6 Iparisa an saindong entusiasmo sa marahay na mga magasin na ini mantang iinaalok nindo an suskripsion sa gabos na oportunidad sa Oktubre. Magin positibo sa pag-alok kaiyan. An satong mga magasin mahalaga! Iyan puwedeng gumiya sa mga tawo pasiring sa katotoohan. Manamitan logod nindo an kagayagayahan sa pagtabang sa dakol pang iba na apresyaron iyan asin makinabang sa mensahe kaiyan.