Pagtiripon na Matabang Sato na Gumibo nin Disipulo
PASABOT: Nag-iskedyul kami nin pagtiripon sa paglilingkod para sa gabos na semana sa An Satong Ministeryo sa Kahadean na ini. An mga kongregasyon puwedeng gumibo nin mga pagliliwat sono sa pangangaipo tanganing matawan nin lugar an pag-atender sa pandistritong kombension. An mga igwa nin kombension sa kabangaan kan semana kakanselaron an saindang pagtiripon para sa semanang iyan asin puwedeng gamiton an oras sa Sabado asin Domingo para sa dugang pang areglo sa paglilingkod sa langtad.
SEMANA NIN DISYEMBRE 13-19
10 min: Mga Paisi sa An Satong Ministeryo sa Kahadean asin lokal na mga paisi, kaiba an report sa kuwenta.
20 min: “ ‘Papagdanayon an Marahay na mga Gibo’ Ngonyan na Disyembre.” Hapot-simbagan. Kun pinag-oolayan an parapo 6, puwedeng iiba an saro o duwang haralipot na eksperyensia sa paghuhulit mantang nagbibiyahe. Sa parapo 7, idoon an halaga nin paggirumdom na magreport nin nasa panahon sa bulan na ini kan kombension. Ipaliwanag an lokal na areglo sa pagtipon sa mga report.
15 min: Paghuhulit sa Panahon nin Kapiyestahan. Tolong inandam na demonstrasyon na nagpapaheling kan praktikal na halaga kan librong Reasoning. (p. 176-82, [p. 111-8 sa Tagalog]) Idemonstrar an paggamit sa materyal na nasa irarom kan (1) “Date of the celebration” sa pahina 176-7 (pahina 111-2 sa Tagalog); (2) “Is there any objection to sharing in celebrations that may have unchristian roots as long as it is not done for religious reasons?” sa pahina 178-9 (pahina 114-5 sa Tagalog); asin (3) “Are New Year’s celebrations objectionable for Christians?” sa pahina 180 (pahina 115-6 sa Tagalog).
Kanta 146 asin pamibi.
SEMANA NIN DISYEMBRE 20-26
5 min: Lokal na mga paisi, kaiba an paghuhulit sa ika-4 na Sabado.
17 min: “Pag-aatubang kan Maogmang Bareta—Sa Panahon kan Kapiyestahan.” Hapot-simbagan. Idemonstrar an isinusuherir na mga pag-aatubang. Ipaisi an espesyal na pangrupong paghuhulit kun saen puwede sa Disyembre 25 asin Enero 1.
13 min: “Pagtao nin Atension sa mga Gurang na Nasa Tahaw Niato.” Pahayag na may pakikikabtang an mga nagdadangog.
10 min: Iinterbiohon kan saro sa kamagurangan an nagkapirang gurang sa kongregasyon na arogan. Gurano na sinda kahaloy na naglilingkod ki Jehova? Ano an nakatabang sainda na magtagal? Paano ninda pinapagdadanay an saindang kaogmahan sa ibong nin mga problema na uso sa mga gurang? Napakosog asin natabangan daw sinda nin iba? Paano? Anong mga kaogmahan sa saindang ministeryo an masasabi ninda?
Kanta 116 asin pamibi.
SEMANA NIN DIS. 27–ENE. 2
7 min: Lokal na mga paisi. Idoon an espesyal na paghuhulit sa Domingo sa Enero 3 kun mayo nin kombension na nakaiskedyul para sa saindong kongregasyon.
18 min: “Pagtabang sa mga Inaktibo.” Hapot-simbagan. May koneksion sa parapo 4, an paraataman sa paglilingkod matao nin limang minutong demonstrasyon sa kun paano sia minasongko asin kun anong babasahon an gagamiton kan duwang kamagurangan na enot na masongko.
20 min: Mga Hobenes, Igwa daw Kamo nin Espirituwal na mga Pasohan? Pahayag nin eksperyensiadong tugang, na nagsasadol sa mga hobenes na magbugtak nin espirituwal na mga pasohan. Dakol na nakatetentar na kinabanon na mga pasohan an napapaatubang sa mga hobenes ngonyan. Ano an maninigong magin kaisipan niato sa mga sugot na ini? (1 Juan 2:15, 16) Taano? (1 Juan 2:17) Mantang an kinaban maagi sana, bakong madonong na maghanap nin kayamanan asin halangkaw na katongdan sa kinaban na ini. (1 Tim. 6:9, 10) Imbes, maninigo kitang magin aktibo sa paglilingkod ki Jehova ngonyan. Puwedeng ibugtak an mga pasohan na arog baga kan pakaabot sa nasyonal na promedyo sa oras para sa mga parahayag, pagdalaw liwat, pagkaigwa nin inaadalan sa Biblia, pagpabautismo, pagtabang sa gurang, pag-auxiliary payunir, pagregular payunir, abp. (Mat. 6:33) Paagi sa pagbugtak nin espirituwal na mga pasohan, kita nagigin harani ki Jehova asin sa saiyang Aki. (Sant. 4:8) Interbiohon an saro o duwang arogan na hobenes na naghihingoang maabot an espirituwal na mga pasohan sa saindang buhay.
Kanta 183 asin pamibi.
SEMANA NIN ENERO 4-10
5 min: Lokal na mga paisi, kaiba an pagwaras nin magasin ngonyan na Sabado.
10 min: Pag-alok nin daan na mga libro asin pulyeto sa Enero asin Pebrero. An isinusuherir na mga puntong ipakikipag-olay sa langtad. Iareglo an duwang haralipot na demonstrasyon.
30 min: Pagrepaso sa Programa kan Pandistritong Kombension. (Helingon an Mga Paisi para sa instruksion kun paano ini aandamon asin gigibohon.)
Kanta 91 asin pamibi.