Pagtiripon na Matabang Sato na Gumibo nin Disipulo
SEMANA NIN ABRIL 11-17
10 min: Lokal na mga paisi asin Mga Paisi sa An Satong Ministeryo sa Kahadean. Iiba an report sa kuwenta. Dagkahon an gabos na suportaran an pagwaras nin magasin sa Sabado, Abril 23. Sadolon an mga maygurang na gibohon an bilog nindang makakaya na tabangan an mga dai pa nakiiba sa paglilingkod ngonyan na Abril bago matapos an bulan.
15 min: “Itampok an Torrengbantayan Ngonyan na Abril.” Hapot-simbagan sa artikulo. Sadolon an gabos na magkaigwa nin positibong kaisipan sa pag-alok nin suskripsion.
20 min: Bagong Topikong Mapag-oolayan. Orolay asin demonstrasyon. Repasohon an Topikong Mapag-oolayan asin ipaheling kun paano iyan konektado sa alok na suskripsion sa Torrengbantayan. Sa introduksion idoon na an buhay pampamilya ngonyan namemeligro sa dakol na bagay. Bilang resulta, may mga laglag na pamilya asin grabeng kamondoan. (Hapoton an kagharong kun ano sa paghona nia an solusyon sa problemang ini.) Dangan sabihon na kaipuhan na humagad nin giya sa Kaglalang sa katawohan. An Dios an nag-establisar kan areglo nin pamilya. (Basahon an Genesis 1:27, 28.) Dangan puwede nindong sabihon: “An nasusurat na Tataramon nin Dios, an Biblia, may giya na kun susunodon makakokontribuwir sa maogmang buhay pampamilya asin makatatao nin paglaom sa mas marahay na mga kamugtakan sa ngapit. [Basahon an Isaias 48:17, 18.] Mahalaga na an mga tawong sinsero magbasa asin maghinanyog sa nasusurat na Tataramon nin Dios.” Dangan iintrodusir an magasin na Torrengbantayan, na ipinaheheling an angay na artikulo sa buhay pampamilya. Sa Abril asin Mayo, an mga artikulo sa tutob kan Torrengbantayan manongod sa laen-laen na kabtang nin buhay pampamilya asin nagpapaliwanag kun paano an Biblia nagtatao nin tunay na giya sa mga bagay na ini. Ipademonstrar sa kuwalipikadong payunir o parahayag an paggamit sa bagong Topiko asin pag-alok kan suskripsion sa Torrengbantayan. Pakatapos kan demonstrasyon, pag-olayan an iba pang punto sa mga magasin na magagamit sa pakikipag-olay.
Kanta 203 asin pamibi.
SEMANA NIN ABRIL 18-24
7 min: Lokal na mga paisi. Ipagirumdom sa gabos na ireport tolos an nagibo sa Abril sa katapusan kan bulan. Sadolon an gabos na lubos na makikabtang sa enot na Domingo, Mayo 1.
18 min: “Tabangan an mga Nag-aatender sa Pagtiripon.” Hapot-simbagan sa artikulo. Idoon an pangangaipo na tabangan an mga bagohan na makuwalipikar na makikabtang sa ministeryo sa langtad.
12 min: Orolay Asin Interbio. Ipaliliwanag kan saro sa kamagurangan an magigibo kan lokal na kongregasyon tanganing makatao nin orog na tabang sa mga nag-aatender sa mga pagtiripon, na may pasohan na tabangan sindang magin mga parahayag. Interbiohon an duwa o tolong parahayag, na espisipikong sinasabi kun ano an nagibo ninda na makatabang asin mapakosog an mga siring.
8 min: Pakikipag-olay sa mga presente manongod sa “Hapot” sa pahina 4.
Kanta 101 asin pamibi.
SEMANA NIN ABR. 25–MAYO 1
5 min: Lokal na mga paisi.
17 min: “Pag-aatubang kan Maogmang Bareta—Paagi sa mga Artikulo sa Satong mga Magasin na Para sa mga May Espesyal na Pinagkakainteresan.” Hapot-simbagan. Idoon an mga oportunidad na makawaras nin mga magasin asin an pangangaipo sa marahay na pag-andam. Kun itinotogot kan panahon, papagsaysayon an pirang parahayag nin lokal na mga eksperyensia sa pagwaras nin magasin.
8 min: Gamiton nin Marahay an Teokratikong Kalendaryo. Pahayag. Sadolon an gabos na gamiton an kalendaryo kan Sosyedad. Inotar an iskedyul sa paglilingkod sa langtad asin iba pang teokratikong aktibidad. (Ecl. 3:1) An semanal na babasahon sa Biblia na nasa kalendaryo nagseserbing parapagirumdom na basahon an Biblia aroaldaw. (Sal. 1:2) An teksto kan taon idinodoon, asin an mga ilustrasyon nakapupukaw sa satong pagmawot na makikabtang sa ministeryo sa langtad. Iyan nagpapagirumdom man sato kan kasararoan kan satong mga tugang sa bilog na kinaban. Gamiton an kalendaryo sa paggiya sa mga inaadalan sa Biblia pasiring sa organisasyon.
15 min: “The Value of Singing in True Worship.” Pahayag basado sa Disyembre 1, 1987 Watchtower, pahina 25-7. Idoon an pangangaipo na an gabos umawit nin makosog gikan sa puso, saka an sararong paggamit sa songbook na nasa dialekto saen man igwa kaini.
Kanta 20 asin pamibi.
SEMANA NIN MAYO 2-8
12 min: Lokal na mga paisi. Sadolon an gabos na makikabtang sa pagwaras nin magasin sa ikaduwang Sabado, Mayo 14. Interbiohon an saro o duwa na nag-auxiliary payunir kan Abril, na hinahagad an saindang kapahayagan sa kun paano sinda nakinabang, saka an ano man na nagin eksperyensia ninda sa bulan na iyan.
18 min: “Gibohon na Orog na Nakapagtotokdo an mga Pagtiripon.” Hapot-simbagan sa artikulo na pangengenotan kan saro sa kamagurangan. Pag-olayan an mga tekstong sinitar sa artikulo. Pakatapos na mapag-olayan an parapo 5, magkaigwa nin limang minutong pag-oolay nin duwang tugang na nagdodoon kan pangangaipo na maghinanyog asin kultibaron an abilidad sa marahay na pagdangog. Helingon an impormasyon sa School Guidebook, pahina 25-8, parapo 6-14.
15 min: “Is Obedience Always Proper?” Pahayag basado sa artikulo sa Watchtower kan Abril 1, 1988.
Kanta 2 asin pamibi.