Pagtiripon na Matabang Sato na Gumibo nin Disipulo
SEMANA NIN HUNYO 6-12
10 min: Lokal na mga paisi asin Mga Paisi sa An Satong Ministeryo sa Kahadean.
18 min: “Pag-aatubang kan Maogmang Bareta—Na May Kagayagayahan.” Hapot-simbagan. May koneksion sa parapo 3, idemonstrar an maygurang na parahayag na tinatabangan an bagohan na mag-andam nin pag-aatubang, na ginagamit an Topikong Mapag-oolayan asin an librong Reasoning.
17 min: “Magmaigot Para sa Malinig na Pagsamba.” Hapot-simbagan sa artikulo. Sa pag-orolay sa parapo 3 asin 4, idemonstrar an paggamit sa presenteng Topikong Mapag-oolayan kaiba an alok na literatura.
Kanta 16 asin pantapos na pamibi.
SEMANA NIN HUNYO 13-19
10 min: Lokal na mga paisi asin report sa kuwenta. Iiba an kapahayagan nin pag-apresyar sa pinansial na pagsuportar kan kongregasyon. Basahon an ano man na surat sa pagresibi sa donasyon sa Sosyedad.
20 min: “Tokdoan an mga Inaadalan Kun Paano Gagamiton an Biblia.” Orolay kaiba an mga nagdadangog. Pakatapos na mapag-olayan an parapo 4, magkaigwa nin halipot na demonstrasyon nin parahayag na tinatabangan an inaadalan sa Biblia sa paghanap nin teksto. Buksan sa listahan kan mga libro kan Biblia asin ipaliwanag kun paano iyan hahanapon. Ipaheling saiya kun saen minapoon asin natatapos an Hebreo asin Griegong Kasuratan asin kun paano an mga libro sa Biblia binangabanga sa mga kapitulo asin bersikulo. Ipaliwanag man kun paano gagamiton an indese kan Bibliang New World Translation.
15 min: “Young People Ask—Christian Meetings—Why Go to Them?” Pahayag na basado sa artikulo na nasa pahina 19-21 kan Awake! nin Hunyo 8, 1988.
Kanta 118 asin pantapos na pamibi.
SEMANA NIN HUNYO 20-26
10 min: Lokal na mga paisi asin Teokratikong mga Bareta.
20 min: “Tabangan an mga Aki na Orog na Makinabang sa mga Pagtiripon.” Hapot-simbagan sa artikulo. Iiba an pag-interbio sa mga aki. Ano an nanodan ninda sa mga pagtiripon o sa saindang personal na pag-adal? Ano an mga eksperyensia ninda sa langtad? Ipaheling an halaga nin pag-iiba kan mga aki sa mga pagtiripon asin pakipag-adal sa sainda saka pag-iba sa sainda sa langtad.
15 min: “An Librariya kan Teokratikong Paadalan sa Pagmiministro.” Ipakikipag-olay kan paraataman sa Teokratikong Paadalan sa Pagmiministro an artikulo sa mga presente, na iinaaplikar an impormasyon sa mga kamugtakan sa lokal na kongregasyon.
Kanta 183 asin pantapos na pamibi.
SEMANA NIN HUNYO 27–HULYO 3
10 min: Lokal na mga paisi. Pag-olayan an mga puntong ipakikipag-olay sa pinakabagong mga magasin. Iatubang an duwang inandam na gayong 30-sagkod 60-segundos na demonstrasyon, an saro itinatampok an Torrengbantayan asin an saro man, an Magmata! Dagkahon an gabos na makikabtang sa pagwaras nin magasin sa Hulyo 4 asin 9.
17 min: Ialok an brochure na The Government That Will Bring Paradise sa Hulyo. An maigot na nangengenot sa Pag-adal sa Libro kan Kongregasyon ipakikipag-olay an alok sa mga presente, magsusuherir nin praktikal na mga puntong ipakikipag-olay sa lokal na teritoryo, asin gagamiton an limang minuto sa pagdemonstrar kun paano ikokonektar an pag-aatubang sa Topikong Mapag-oolayan. Puwedeng isuherir nia na pakabasaha kan Isaias 48:17, 18 puwede nindong buksan sa pahina 29 kan brochure na Government na idinodoon an katoninongan na kakamtan nin makinuyog na katawohan dangan basahon an mga sinasabi sa itaas kan pahina 30 bago ialok an brochure sa kagharong.
18 min: Lokal na mga pangangaipo o pahayag sa “A Lesson in Forgiveness,” pahina 8 asin 9 kan Marso 1, 1988, Watchtower.
Kanta 31 asin pantapos na pamibi.