Pagtiripon na Matabang Sato na Gumibo nin Disipulo
SEMANA NIN SETYEMBRE 12-18
12 min: Lokal na mga paisi asin Mga Paisi sa An Satong Ministeryo sa Kahadean. Sadolon an gabos na makikabtang sa pagwaras nin magasin sa masunod na Sabado.
20 min: “Maghulit nin Pagkabutas sa mga Bihag.” Hapot-simbagan. Sa pag-oolay sa parapo 6, idemonstrar sa halipot an nag-eeskuwelang parahayag na (a) iinaalok an librong Creation sa maestro asin (b) iinaalok iyan sa kaklase. Itampok an mga ilustrasyon kun nag-aalok.
13 min: “Kalendaryo sa 1989.” Entusiastikong pahayag. Ipaliwanag nin malinaw kun paano mapedido nin mga kalendaryo arog kan sinasabi sa Mga Paisi.
Kanta 204 asin pantapos na pamibi.
SEMANA NIN SETYEMBRE 19-25
10 min: Lokal na mga paisi. Report sa kuwenta asin surat sa pagpasalamat sa donasyon. Sadolon an gabos na makikabtang sa paghuhulit sa enot na Domingo, Oktubre 2.
20 min: “Magbugtak nin mga Pasohan Tanganing Makatabang na Mapagdanay na Makosog an Pagtubod.” Hapot-simbagan. Hapoton an mga hobenes, magurang, lingkod, o payunir kun paano sinda nagbugtak nin personal na mga pasohan asin kun anong mga pakinabang an inako ninda bilang resulta.
15 min: Magin Marahay na Parahinanyog! Nakapakokosog na pahayag. An paghinanyog may mahalagang kabtang sa pakanood. (Tal. 1:5) An satong pag-oswag bilang mga ministro dependeng gayo sa kun paano kita naghihinanyog sa mga pagtiripon, asamblea, asin kamagurangan. (Tal. 18:15) An marahay na parahinanyog bako sanang nagdadangog paagi sa saiyang mga talinga kundi nag-aatento man paagi sa saiyang isip asin puso. Pinahihiro sia kan saiyang puso na saboton an bagay asin may gibohon dian. Sia minomotibar kan saiyang nadadangog. (Mat. 13:23) An interes napakahalagang bagay sa marahay na paghinanyog. An interes niato sa katotoohan maninigong tumabang sato na paoswagon an satong ugale sa paghinanyog sa mga pagtiripon asin asamblea. Ano daw an magigibo niato tanganing mapaoswag an satong mga ugale sa paghinanyog? Helingon an Study 5 kan School Guidebook para sa dugang pang mga suhestion. Sadolon an gabos na girumdomon an hatol ni Jesus: “Mag-ingat kun paano an saindong paghinanyog.”—Luc. 8:18.
Kanta 40 asin pantapos na pamibi.
SEMANA NIN SET. 26–OKT. 2
10 min: Lokal na mga paisi asin Teokratikong mga Bareta. Dagkahon an mga tugang sa pagwaras nin magasin sa masunod na Sabado. Idemonstrar an angay na mga pag-aatubang.
20 min: “Pag-aatubang kan Maogmang Bareta—Paagi sa Epektibong Paggamit sa mga Magasin.” Pag-orolay sa artikulo kaiba an mga presente. Ipademonstrar sa duwang preparado nanggad na mga parahayag an 30- sagkod 60-segundos na mga pag-aatubang, an saro itinatampok an pinakabagong Awake! asin an saro itinatampok an pinakabagong Watchtower.
15 min: “Were You Once Associated With Jehovah’s Organization?” Nakaaagyat na pahayag nin saro sa kamagurangan na nagpapaliwanag kan pagmakolog kan kongregasyon sa mga inaktibo asin kan magigibo sa pagtabang sa sainda. Basado sa Watchtower, Enero 15, 1988, pahina 21-3.
Kanta 123 asin pantapos na pamibi.
SEMANA NIN OKTUBRE 3-9
10 min: Lokal na mga paisi. Interbiohon an mga hobenes na nag-auxiliary payunir sa nakakaagi pa sanang mga bulan. Paano sinda nakinabang, asin anong mga kagayagayahan an nakamtan ninda? Isaysay sa halipot an inagihan nindang kawiliwiling mga eksperyensia sa paglilingkod sa langtad mantang nagpapayunir.
20 min: “Pampamilyang Pag-adal sa Biblia—Bagay na Ipinaoorog nin mga Kristiano.” Hapot-simbagan sa artikulo.
15 min: Interbiohon an laen-laen na hobenes sa kongregasyon. Ano an lokal na mga problema na inaatubang sa eskuwelahan nin hoben na mga Saksi? Ano an magigibo ninda tanganing magkooperar sa saindang mga magurang na gibohon na mapanggana an pampamilyang pag-adal? Ano an magigibo niato tanganing matabangan sinda? An pasohan daw ninda bilog na panahon na paglilingkod?
Kanta 157 asin pantapos na pamibi.